काठमाडौँ, भदौ ६ गते । टप एण्ड टी–२० सिरिजमा आज नेपाल र पाकिस्तानको प्रतिस्पर्धा जारी छ ।
समूह चरणको अन्तिम खेलमा पाकिस्तानले टस जितेर ब्याटिङ रोजेपछि नेपालले सुरुमा बलिङ गर्दैछ । नौ ओभरको समाप्तिमा नेपालले चार विकेट लिएको छ । नेपालका लागि दीपेन्द्रसिंह ऐरीले दुई विकेट लिँदा कुशल भुर्तेल र सोमपाल कामीले एकएक विकेट हात पार्नुभएको हो ।
नौ ओभरको समाप्तिमा पाकिस्तानले चार विकेटको क्षतिमा ५२ रन बनाएको छ ।
शृङ्खलामा सहभागी ११ टोलीमध्ये अङ्क तालिकाको सातौँ स्थानमा रहेको नेपालले सेमिफाइनल प्रवेशका लागि आजको खेल जित्नैपर्ने दबाब छ । पाकिस्तान भने ६ अङ्कसहित दोस्रो स्थानमा छ ।
