सप्तरी मालपोतद्वारा १४ करोड ४८ लाख भन्दा बढी राजस्व सङ्कलन

देवरामप्रसाद यादव

सप्तरी, चैत २२ गते । भूमिसुधार तथा मालपोत कार्यालय सप्तरी राजविराजले चालु आर्थिक वर्षको आठ महिनामा १४ करोड ४८ लाख ६९ हजार सात सय ८४ राजस्व सङ्कलन गरेको छ । 

प्रमुख मालपोत अधिकृत लक्ष्मीप्रसाद खरेलका अनुसार आठ महिनामा ९ हजार दुई सय ३० रजिष्ट्रेसन पारित भएका छन् । यसैगरी मृत्युपछिको नामसारी पाँच सय ७ ६, रोक्का ३ हजार ६ सय ९७ ,फुकुवा दुई हजार आठ सय ७३ ,जग्गा दर्ता २१ , प्रतिलिपी प्रक्रिया ५ सय १५ , घर÷जग्गा सम्बन्धी लिखत पारित २०, दाखिला खारेज आठ सय २१, संशोधन दुई सय ८, मोही लागत कट्टा ४६ जनाको भएको छ । 

प्रमुख खरेलले आर्थिक मन्दीका कारण घरजग्गा कारोबारमा उल्लेखनीय वृद्धि हुन नसकेकाले त्यसको प्रभाव राजस्व सङ्कलनमा परेको बताउनुभयो । उक्त कार्यालयले आव २०८०÷८१ मा २४ करोड ३ लाख ३४ हजार दुई सय ७१ राजस्व सङ्कलन गर्दा १५ हजार एक सय ८० थान रजिष्ट्रेसन पारित भएका थिए ।

यसैगरी नामसारी नौ सय ५४, रोक्का ६ हजार ३ सय ९६ ,फुकुवा चार हजार ६ सय १४,  प्रतिलिपी प्रक्रिया आठ सय ८७, गैर घर-जग्गा सम्बन्धी लिखत पारित ५५ ,दाखिला खारेज एक हजार सात सय ५३, संशोधन तीन सय ९२, मोही हक कायम १ ,मोही लगत कट्टा ९० जनाको भएको थियो ।