गोरखापत्र अनलाइन
काठमाडौं, जेठ १८ गते । सामुदायिक वन दिवसको अवसर पारेर सामुदायिक वन उपभोक्ता महासंघले गोरखापत्रकर्मी चाँदनी हमाललाई सम्मान गरेको छ ।
सामुदायिक वन व्यवस्थापन, संरक्षण, प्रवद्र्धनसँगै उपभोक्ता अधिकारको विषयमा लामो समयदेखि कलम चलाएर योगदान पुर्याएवापत उहाँ सम्मानित हुनुभएको हो ।
राष्ट्रिय सभाका अध्यक्ष गणेशप्रसाद तिमिल्सिनाले दोसल्ला ओढाएर कदरपत्रसहित उहाँलाई सम्मानित गर्नुभयो ।
अध्यक्ष तिमिल्सिनाले कान्तिपुर टेलिभिजनका रामकृष्ण भण्डारीलाई पनि सम्मान गर्नुभयाे।
यसैगरी, सामुदायिक वन स्थापना र व्यवस्थापनमा विभिन्न समयमा अध्यक्ष पदमा रहेर योगदान दिनुभएका संस्थापक अध्यक्ष भीमप्रसाद श्रेष्ठ, पूर्वअध्यक्ष हरिप्रसाद न्यौपाने, घनश्याम पाण्डे, अप्सरा चापागाईं र गणेश कार्कीलाई पनि सो कार्यक्रममा सम्मानित गरियो ।
गोरखापत्र
Gorkhapatra...
