गोरखापत्र समाचारदाता
काठमाडौँ, फागुन १ गते । बालबालिकालाई आफ्नो काम आफैँ गर्न सिकाउने शैक्षिक चेतनामूलक बालगीत ‘आफूसित आफैँ दङ्ग’ सार्वजनिक भएको छ । बाल साहित्यकार रामबाबु सुवेदीको शब्दरचना रहेको गीत रामबाबु सुवेदी नामक युट्युब च्यानलबाट सार्वजनिक भएको हो ।
डियरवाक स्कुलमा गीतको भिडियो सार्वजनिक गर्दै गीतकार सुवेदीले बालबालिकाले गीत हेरेर, सुनेर असल बानीको विकास गरून् भनेर गीत रचना गरिएको बताउनुभो । प्राज्ञ अमर न्यौपानेले सकारात्मक सन्देश दिने यस बालगीत निकै उपयोगी रहेको बताउनुभयो । डियरवाक स्कुलका अध्यक्ष हितेष कार्कीले सुवेदीका गीत बालबालिकाका निम्ति उत्प्रेरणादायक भएकाले भिडियो निर्माण संयोजन गरेको बताउनुभयो ।
गीतमा दीपक शर्माको सङ्गीत र नरेन्द्र वियोगीको सङ्गीत संयोजन छ । गीतको भिडियोमा आर्यभ डङ्गोल, पारिका श्रेष्ठ, ओस्ना क्षेत्रीसहित बालबालिकाले गायन र अभिनय गरेका छन् ।
