काठमाडौँ, माघ ९ गते। डा. विक्रान्त मेहताको स्वर रहेको ‘माया गर्ने मै हो’ बोलको गीतको भिडियो सार्वजनिक भएको छ। अर्जुन पोखरेलको शब्द तथा सङ्गीत रहेको गीतमा अर्थोपेडिक सर्जन डा. मेहताकै अभिनय छ। उहाँलाई मोडल स्मारिका ढकालले साथ दिनुभएको छ।
प्रेम कहानीलाई निर्देशक प्रकाश धितालले प्रस्तुत गर्नुभएको हो। रिदम कँडेलको ऐरेन्ज, नरेश बिसीको मिक्सिगं मास्टरिगं तथा रोशन विश्वकर्माको कोरियोग्राफी रहेको सार्वजनिक गीतको अवधारण निर्देशक धितालकै हो। सार्वजनिक गीतको भिडियो एम सिरिज ग्लोबलबाट बजारमा आएको हो। भिडियोको छायाङ्कन उत्सव दाहालले गर्नुभएको हो भने सम्पादनमा राकेश दाहालले मिहिनेत गर्नुभएको छ।
