चित्रकला प्रदर्शनी सुरु

काठमाडौँ, माघ ८ गते । सुनापति गाउँपालिकाको आयोजना र नेपाल ललितकला प्रज्ञा–प्रतिष्ठानको सहकार्यमा सोमबार कार्यशाला गोष्ठी र चित्रकला प्रदर्शनी सुरु भएको छ ।  

कार्यक्रममा प्रतिष्ठानका प्राज्ञ पासाङ्मो लामाले चित्रकलाको विकासमा प्रतिष्ठानले देशैभरि काम गरेको बताउनुभयो । उहाँले यस्तो खाले कार्यशालाले कलाकारलाई थप उत्साह जगाउने काम गर्ने बताउनुभयो । कार्यशालामा ङिगमा लामाले कार्यपत्र प्रस्तुत गर्नुभएको थियो । कार्यक्रममा गाउँपालिकाका अध्यक्ष ठुलोकान्छा तामाङ, कलाकार मानबहादुर दोङलगायतले मन्तव्य राख्नुभएको थियो ।