जुम्लाको गुठीचौरमा काँग्रेस र समाजवादी विजयी

नेत्र शाही  

जुम्ला, जेठ ५ गते ।  जुम्लाको गुठीचौर गाउँपालिका प्रमुखमा नेपाली काँग्रेसका दानबहादुर बुढा विजेयी  हुनुभएको छ । निर्वाचन कार्यालय गोठिचौरका अनुसार काँग्रेसका बुढाले एक हजार सात सय ७५ मत प्राप्त गरी विजेयी  हुनु भएको छ । 

उहाँका प्रत्यासी एकिकृत समाजवादीका उम्मेदवार जनक थकालीले एक हजार छ सय चार मत प्राप्त गरी पराजय हुनु भएको छ । उपप्रमुखमा एकिकृत समाजवादीका शान्तिकुमारी मल्ल भण्डारी विजेयी  हुनुभएको छ ।  

उहाँले एक हजार पाँच सय तिन मत प्राप्त गरी विजयी हुनुभएको हो । उहाँका प्रत्यासी नेकपा माओवादी केन्द्रका उम्मेदवार राजकन्य बुढाले एकहजार दुई सय १४ मत प्राप्त गर्नुभएको छ । 

गुठीचौरमा २०७४ को स्थानीय तहको निर्वाचनमा नेकपा माओवादी केन्द्रका हरिबहादुर भण्डारी र माओवादीकै जानदेवी ऐडी निर्वाचित हुनुभएको थियो । निर्वाचन अधिकृत शम्भु गौतमका अनुसार दोस्रो स्थानीय तहको निर्वाचनमा गुठीचौरमा ५ हजार एक सय मत खसेको थियो ।