शिवशङ्कर मिश्र
बारा, असोज २९ गते । बारामा हात्तीको आक्रमणबाट एक जनाको मृत्यु भएको छ । मृत्यु हुनेमा कोल्हवी नगरपालिका–२ बस्ने वर्ष ६३ को हस्तबहादुर थोकर रहेको जिल्ला प्रहरी कार्यालय बाराले जनाएको हो ।
सोमबार बिहान ७ सोही ठाउँको जङ्गलमा घाँस काट्ने क्रममा हात्ती देख्नेबित्तिकै थोकर भाग्न खोज्दा हात्तीले पछ्याई थोकरलाई लछारपछार गरी मारेको प्रहरी नायब उपरीक्षक प्रकाश सापकोटाले बताउनुभयो ।
यसरी हात्तीले मान्छे मारेपछि सो एरियामा सुरक्षा सतर्कता अपनाएर आवतजावत गर्न प्रहरीले सार्वजनिक सूचना जारी गरी सर्वसाधारणमा अनुरोध गरेका छन् ।
मृतक थोकरको शव कलैया प्रादेशिक अस्पतालमा परीक्षण गरिएको तथा अनुसन्धान सुरु गरिएको बारा प्रहरीले जनाएको छ । कोल्हवी एरियामा हात्तीको आक्रमणमा परी थोकरसहित ११ जनाले अनाहकमा यसरी ज्यान गुमाएका हुन् । थोकरको मृत्यु भएपछि जङ्गली जनवरको कारण स्थानीयहरू त्रासमा रहेका जियालाल चौधरीले भन्नुभयो ।
