काठमाडौँ, असोज १९ गते। नागरिक लगानी कोषले प्रधानमन्त्री दैवी प्रकोप उद्धार कोषमा ५१ लाख रुपियाँ सहयोग गरेको छ।
शुक्रबार प्रधानमन्त्री केपी शर्मा ओलीलाई कोषका सञ्चालक समितिका अध्यक्ष प्रा. डा. सूर्यबहादुर थापा र कार्यकारी निर्देशक पर्वतकुमार कार्कीले उक्त सहयोग रकमको चेक हस्तान्तरण गर्नुभएको हो।
सो रकम प्रधानमन्त्री दैवी प्रकोप उद्धार कोषको नाममा जम्मा गरिएको छ।
असोज ११ र १२ गते देशका विभिन्न भू-भागमा आएको अविरल वर्षाका कारण बाढीपहिरो तथा डुबानबाट उत्पन्न असहज अवस्थालाई सहयोग पुर्याउन संस्थागत उत्तरदायित्व अन्तर्गत उक्त रकम प्रदान गरिएको कोषले जनाएको छ।
