काठमाडौँ, भदौ २५ गते । वैदेशिक रोजगारमा आकर्षक तलबको प्रलोभनमा पारी पोल्याण्ड पठाइदिन्छु भनी ठगी गरेको अभियोगमा प्रहरीले एक जनालाई पक्राउ गरेको छ ।
पक्राउ पर्नेमा टाेखा नगरपालिका–३ मनकामना बस्ने ४४ वर्षीया कमला चुँडाल रहेकाे मङ्गलबार बुलेटिन सार्वजनिक गर्दै नेपाल प्रहरी प्रधान कार्यालयले जनाएको छ ।
कमलाले पोल्याण्ड पठाइदिन्छु भन्दै एक जना पीडितबाट तीन लाख रूपियाँ लिई सम्पर्कविहीन भएको भन्ने उजुरीको आधारमा काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले उनलाई टोखा नगरपालिका–३ मनकामना टोलबाट साेमबार पक्राउ गरेको हो ।
उनलाई आवश्यक अनुसन्धान तथा कारवाहीका लागि वैदेशिक रोजगार विभाग ताहाचल काठमाडौँ पठाइएको छ ।
