काठमाडौँ, साउन ११ गते । स्थानीय बजारमा आज सुनको मूल्य तोलामा रु. तीन सयले घटेको छ ।
नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला रु. एक लाख ४५ हजारमा कारोबार भएकामा आजका लागि रु. एक लाख ४४ हजार सात सय निर्धारण भएको छ ।
तेजाबी सुन बिहीबार प्रतितोला रू. एक लाख ४४ हजार तीन सयमा कारोबार भएकामा आज रु. एक लाख ४४ हजार निर्धारण भएको छ ।
यस्तै, चाँदीको मूल्य तोलामा रु. २० ले घटेको छ । बिहीबार प्रतितोला रु. एक हजार सात सय ५० मा कारोबार भएको चाँदीको मूल्य आजका लागि रु. एक हजार सात सय ३० निर्धारण भएको छ । रासस
