काठमाडौं, वैशाख १० गते । पछिल्लो २४ घण्टामा १८ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ३६ सय ९१ जनाको पीसीआर परीक्षण गर्दा १८ जनामा सङ्क्रमण देखिएको हो ।
त्यसैगरी, १२ सय ५६ जनाको एन्टिजेन परीक्षण गर्दा कसैमा पनि सङ्क्रमण पुष्टि नभएको मन्त्रालयले जनाएको छ ।
मन्त्रालयका अनुसार २४ घण्टामा १७ जना सङ्क्रमणमुक्त भएका छन् भने मृत्यु शून्य छ । अहिले देशभर सक्रिय सङ्क्रमितको सङ्ख्या २८३ जना रहेका छन् ।
त्यस्तै, पछिल्लो २४ घण्टामा ४८ हजार ७८० जनाले कोरोनाविरुद्धको खोप लगाएका छन् ।
गोरखापत्र
Gorkhapatra...
