काठमाडौं, चैत २८ गते । राष्ट्रिय प्रजातन्त्र पार्टी (राप्रपा) का अध्यक्ष राजेन्द्रप्रसाद लिङ्देनले निजी क्षेत्रमैत्री ऐन, कानुन नबनेसम्म देश बन्न नसक्ने बताउनुभएको छ ।
बुधबार नेपाल उद्योग वाणिज्य महासङ्घको ५८ औँ वार्षिक साधारण सभालाई सम्बोधन गर्नुहुँदै उहाँले यस्तो बताउनुभएको हो ।
अध्यक्ष लिङ्देनले निजी क्षेत्रको मनोबल नउठेसम्म, निजी क्षेत्रमैत्री ऐन, कानुन नबनेसम्म र सरकारमा बस्नेहरुको नियत नसुध्रिएसम्म देश बन्न नसक्ने बताउनु भयो ।
उहाँले सरकारले बनाउने ऐन, कानुनहरु निजी क्षेत्रमैत्री हुनुपर्ने जानकारी दिनुभयो । उहाँले ऐन, कानुन लगानीमैत्री नभए जति सुकै ठुलो लगानी गरेर पनि लगानी कर्ताहरु नेपालमा नआउने जिकिर गर्नुभयो ।
उहाँले अघिल्ला लगानी सम्मेलनका प्रतिवद्धताहरु कार्यान्वयन हुन नसकेको बताउनु भयो । उहाँले देश लगानीकर्ताहरुलाई आह्वान गर्न तयार छ की छैन भन्ने प्रश्न अहिले उठ्ने गरेको बतउनु भयो । उहाँले अहिले निजी क्षेत्रको मनोबल खस्किएको भन्दै सरकारले निजी क्षेत्रको मनोबल बढाउन सक्नुपर्ने बताउनु भयो ।
‘‘जबसम्म निजी क्षेत्रको मनोबल उठ्दैन, निजी क्षेत्रमैत्री ऐन, कानुन बन्दैन र सरकारमा बस्नेहरुको नियत सुध्रिँदैन तबसम्म देश बन्दैन । त्यस कारण सरकारले बनाउने ऐन, कानुनहरु निजी क्षेत्रमैत्री हुनुपर्छ ।,’’ अध्यक्ष लिङ्देनले भन्नुभयो, ‘‘तपाईले जतिसुकै ठूलो लागनी सम्मेलन गर्नुस् न, तपाईको ऐन, कानुन लगानीमैत्री छैन भने कसले लगानी गर्छ ? अघिल्ला लगानी सम्मेलनका प्रतिवद्धताहरु कार्यान्वयन भए की भएनन् ? त्यसबाट हेर्नुस् । देश लगानीको लागि तयार छ की छैन । त्यो कुरामा टुङ्गोमा पुग्नुपर्छ । आज निजी क्षेत्रको मनोबल खस्किँदो छ । सबैले हेप्ने क्षेत्र भनेकै निजी क्षेत्र बनेको छ ।’’
उहाँले निजी क्षेत्र अहिले सबैले हेप्ने क्षेत्र भएको बताउनु भयो । उहाँले सबै राजनीतिक दलहरुले उद्योगी व्यवसायीहरुसँग चन्दा नमाग्ने र दुःख नदिने कुरा सङ्कल्प पत्रमा लेख्ने शाहस गर्न आग्रह गर्नुभयो ।
-original-thumb.jpg)
