गायक भुजेलको नयाँ साङ्गीतिक सौगात ‘तिमी आइदेऊ’ सार्वजनिक

काठमाडौं, मङ्सिर १२ गते । युवा गायक दीपक भुजेलले नयाँ साङ्गीतिक सौगात ‘तिमी आइदेऊ’ सार्वजनिक गर्नुभएको छ । प्रेमिल शैलीको यस गीतमा स्वर, शब्द र सङ्गीत स्वयम् गायक भुजेलकै रहेको छ । गायक भुजेलका अनुसार यस गीतको सम्पूर्ण काम एकै दिनमा सम्पन्न गरिएको हो । गीतमा विश्व अधिकारीको सङ्गीत संयोजन रहेको छ ।

म्युजिक भिडियोमा गायक भुजेल र कुसुम शर्माबिचको अन्स्क्रिन प्रेम र रोमान्स देख्न सकिन्छ ।  उत्सव दाहालले छायाङ्कन गर्नुभएको भिडियोलाई बन्दे प्रसादले सम्पादन गर्नुभएको हो । केशव राज भट्टको निर्देशनमा भिडियो तयार पारिएको हो ।

भिडियो गायक भुजेलको जन्मदिनको शुभ अवसर पारेर गायक भुजेलको च्यानल ‘दीपक भुजेल अफिसिएल’ मार्फत सार्वजनिक गरिएको हो ।