लक्ष्मी चौधरी
जनकपुरधाम, फागुन १३ गते । जनकपुरधाम साप्ताहिक वृहत् सरसफाइ कार्यक्रम अन्तर्गत आज जानकी मन्दिर परिसर सफाइ गरिएको छ ।
स्वस्थ, स्वच्छ र सफा जनकपुरधाम वृहत् सरसफाइ अभियान साप्ताहिक कार्यक्रम अन्तर्गत दोस्रो साता शुक्रबार जानकी मन्दिर परिसर सफाइ गरिएको हो ।
साताको प्रत्येक शुक्रबार जनकपुरधामका विभिन्न स्थानको सफाइ गरिने धनुषाका प्रमुख जिल्ला अधिकारी काशीराज दाहालले जानकारी दिनुभयो ।
जनकपुरधामलाई स्वस्थ, स्वच्छ र सफा बनाउने अभियानमा धनुषाका प्रमुख जिल्ला अधिकारीसहितको टोली, जनकपुरधाम उपमहानगरपालिका, सशस्त्र प्रहरी बल, जिल्ला प्रहरी कार्यालय, अधिकृत संघम, नागरिक समाजलगायतको उपस्थिति थियो ।
