काठमाडौं, फागुन ६ गते । भैरहवामा जारी खड्गप्रसाद गौचन यू–१९ क्रिकेट प्रतियोगितामा धनगढी क्रिकेट एकेडेमी (डिसिए) ले सहज जित हात पारेको छ ।
शनिबार भएको खेलमा डिसिएले बुटबलको न्यू होराइजन एकेडेमीलाई ५ विकेटले पराजित गरेको हो । टस जितेर पहिले ब्याटिङ गरेको न्यू होराइजनले १९.१ ओभरमा सबै विकेट गुमाएर ४८ रनमात्रै बनाउँन सकेको थियो ।
न्यू होराइजनका अमर मिश्रले १३ र विशाल भुसालले ११ बाहेक अन्यले दोहोरो रन जोड्न सकेनन् । डिसिएका सुर्या श्रेष्ठ र दिनेशराज जोशीले समान तीन तीन विकेट लिनुभयो ।
जवाफमा डिसिएले १२.३ ओभरमा पाँच विकेट गुमाएर लक्ष्य भेट्टायो । डिसिएका आशिष लुहारले १५ रन जोड्नुभयो । न्यू होराइजनका सुमित पराजुलीले दुई विकेट लिनुभयो । डिसिएका सुर्या श्रेष्ठ म्यान अफ दि म्याच हुनुभयो ।
