मुक्तक

रात्रीको कहर कस्तो त्रास मै प्रातः जगाउँछ

अविश्वासमा नै विश्वास कस्तो श्राप बनाउँछ

कलियुग या परिवर्तनशील मौसमी प्रभाव हो,

लामो आयु भए पनि रातमै अग्राख पलाउँछ ?

२. 

आस्था भरोसा भरपूर रहोस् मङ्गल धुनसँगै

प्रेम अपनत्व सद्भाव भरोस्, मङ्गल धुनसँगै

पवित्रताको कसीमा खरो उत्रन सकूँ भन्छु म,

निश्छल मनले बाहुमा कसोस्, मङ्गल धुनसँगै ।

३. 

कष्ट त्यता हुँदा, पीडा यता किन फर्कने होला

नयनको भाषा जस्तै, हरेक क्षण दर्कने होला

मन बाँध या तन, बन्धनले किन रोकिन्थ्यो र ?

समयसँग समय छैन, तब किन सर्कने होला ।

४.

रहन्छु छँदा भन्थ्यौ माथमा, मातमा खै छोडिदियौ

सहन्छु सदा बन्थ्यौ साथमा, सातमा नै तोडिदियौ

परालको आगो सरह पलभरको न्यानो मात्र रहेछ,

कहन्छु यदा गन्थ्यौ बाथमा, बातमा खै मोडिदियौ । 

लाजिम्पाट–२, काठमाडौँ