कलाकार छनोट गर्दै निर्देशक पौडेल

काठमाडौँ , माघ ९ गते । चलचित्र ‘पूर्णबहादुरको सारङ्गी’ निर्देशक सरोज पौडेलले ‘कोसेढुङ्गा’ निर्माणको घोषणा गरेसँगै यसका आबद्ध हुने कलाकारका बारेमा चलचित्र वृत्तमा चर्चा चलेको छ । निर्देशक पौडेलले चलचित्रका मुख्य कलाकारको चयन पूरा भएको बताउनुभयो । उहाँले सुरक्षा पन्त, आर्यन सिग्देलसँगै नीति शाह र प्रवीण खतिवडा अनुबन्ध भइसकेको जानकारी दिनुभयो । 

चलचित्रको पोस्टरले यसभित्र महिला चरित्र प्रमुख पात्र चित्रण गर्ने प्रस्ट सङ्केत गरिसकेको थियो तर त्यो भने निर्देशक पौडेलले खुलाउनुभएको छैन । नरदेवी फिल्म्सको प्रस्तुति रहेको चलचित्रमा प्रेविल कँडेल र हरि महतको लगानी रहने छ भने दिनेश खड्का कार्यकारी निर्माता हुनुहुन्छ । बाबु श्रेष्ठको छायाङ्कन रहने चलचित्रमा सुरेन्द्र पौडेलको सम्पादन रहने छ  । चलचित्रमा सङ्गीत रिदम कँडेल र आशिष अविरलको रहने छ ।