काठमाडौँ, पुस ९ गते । डब्लुुएमएसी वेल्समा दुई पदक विजेता सन्जितकुमार राईलाई किरात राई यायोक्खा युकेले सम्मान गरेको छ ।
नोभेम्बर २४ तारिखमा युकेमा भएको डब्लुुएमएसी वेल्स खुला प्रतियोगितामा पदक जित्दै राष्ट्रको गौरव अभिबृद्धि गरे वापत सन्जितलाई सम्मान गरिएको हो ।
डब्लुुएमएसी वेल्समा सन्जितले दुई स्पर्धामा समान एक स्वर्ण र एक रजत जित्नुभएको थियो । किरात राई यायोक्खा, युकेका अध्यक्ष आशा राई र महासचिव राजेन राम्जाङ राईले सन्जितलाई सम्मान पत्र प्रदान गरी सम्मान गर्नुभयो ।
यसअघि सोही उपलब्धीको कदर गर्दै एनआरएनए, युकेले पनि सन्जितलाई सम्मान गरेको थियो । एनआरएनए, युकेका अध्यक्ष हितकाजी गुरुङ र महासचिव गोविन्द खरेलले सन्जितलाई प्रशंसा पत्रसहित सम्मान गर्नुभएको थियो ।
डब्लुुएमएसी वेल्सअघि सन्जितले सन् २०२२ मा स्लोभेनियामा भएको विश्व मार्सल आर्ट्स गेम्समा एक स्वर्ण र एक कांस्य तथा सन् २०२४ मा अमेरिकाको न्युजर्सीमा भएको ब्याटल अफ ड्रागन मार्सल आर्ट्स च्याम्पियनसिपमा स्वर्ण जित्नुभएको थियो ।
