जयकृष्ण यादव
इनरुवा, असार ३ गते । सुनसरीको रामधुनी नगरपालिका २ शिवनगरमा खुकुरी प्रहारबाट एक जनाको मृत्यु भएको छ । बाख्रा चोरी गर्न आएका तीन जनाको समूहमाथि रामधुनी–२ का स्थानीय सन्तोष चौधरीले खुकुरी प्रहार गर्दा एक जनाको मृत्यु भएको हो ।
मृत्यु हुनेमा रामधुनी ४ का बाख्रा चोर राकेश चौधरी रहेको इलाका प्रहरी कार्यालय झुम्काका प्रहरी निरीक्षक सुजन मुदेलले जानकारी दिनुभयो ।
प्रहरी निरीक्षक मुदेलका अनुसार घटनाबारे थप अनुसन्धान भइरहेको छ । मृतकको विराटनरमा पोष्टमार्टम गरिएको छ भने खुकुरी प्रहार गर्ने सन्तोषलाई नियन्त्रण लिइएको जिल्ला प्रहरी कार्यालय सुनसरीका प्रहरी निरीक्षक दिनेश अधिकारीले बताउनुभयो ।
