सामाजिक सञ्जाल ‘एक्स’मा खाता ब्लक हुने फिचरमा परिवर्तन

वाशिङ्गटन, असोज ९ गते । सामाजिक सञ्जाल ‘एक्स’ले ब्लक गर्न मिल्ने फिचरमा परिवर्तन ल्याउने घोषणा गरेको छ । अब अवरुद्ध प्रयोगकर्ताहरूले लाइक, जवाफ वा पुनः पोस्टहरूमार्फत अन्तर्क्रिया गर्न भने सक्षम हुने छैनन् । उनीहरूसँग सार्वजनिक रूपमा प्रकाशित गरिएका पोस्टहरूमा भने पहुँच हुनेछ ।

कम्पनीको स्रोतहरूका अनुसार यी परिवर्तनहरू प्रतिबन्धित प्रयोगकर्ताहरूले ब्लक हुनबाट जोगिन वैकल्पिक खाताहरू सिर्जना गर्ने, अनावश्यक अन्तरक्रिया गर्नर जस्ता समस्यालाई घटाउन ल्याइएको हो ।

सञ्जालका प्रमुख एलोन मस्कले लामो समयदेखि ’ब्लकिङ’ लाई खारेज गर्ने इच्छा व्यक्त गर्नुभएको थियो । यस परिवर्तनको उद्देश्य अवरुद्ध प्रयोगकर्ताहरूलाई उनीहरूले पहिले देख्न नसक्ने कुनै पनि हानिकारक सामग्री पहिचान गर्न र रिपोर्ट गर्ने क्षमता दिनु हो ।

साथै, यो परिवर्तनले प्रयोगकर्ताहरू बिच व्यापक बहस उत्पन्न गर्ने अपेक्षा गरिएको छ । केही प्रयोगकर्ताले यसलाई अवरुद्ध प्रयोगकर्ताको गोपनीयता भङ्ग हुने आलोचना गरेका छन् । रासस/क्यूएनए