प्रथम मेयर कप फुटबल शनिबारदेखि
रत्ननगरमा शनिबारदेखि प्रथम मेयर कप फुटबल प्रतियोगिता हुने भएको छ । रत्ननगर नगरपालिकाको आयोजनामा जिल्लाका सात पालिकाको सहभागितामा नगरपालिकास्तरीय प्रथम मेयर कप फुटबल प्रतियोगिता गर्न लागिएको हो ।
स्टर्लिङ पुनः इङ्ग्ल्यान्डको टिममा
इङ्ग्ल्यान्डका स्ट्राइकर रहिम स्टर्लिङ पुनः विश्वकप टिममा फर्किनुभएको छ। इङ्ग्ल्यान्डमा रहको आफ्नो घरमा चोरी भएपछि परिवारलाई साथ दिन चेल्सीका फरवार्ड स्टर्लिङ विश्वकपलाई बीचमै छोडेर घर फर्कनुभएको थियो। जसले गर्दा अन्तिम १६ मा सेनेगलविरुद्ध उहाँले खेल्न सक्नुभएन तर फ्रान्सविरुद्ध हुने खेलका लागि स्टर्लिङ इङ्ग्ल्यान्डको टिममा फर्कनुभएको छ। एपी
ब्राजिलविरुद्ध क्रोएसियाले विश्वासका साथ खेल्ने
जनसङ्ख्याको हिसाबले ब्राजिल र क्रोएसियाबीच तुलना नै छैन। ब्राजिलको जनसङ्ख्या २० करोड छ भने क्रोएसियाको मात्र ४० लाख। हुन पनि क्रोएसिया यस विश्वकपमा चयन भएको सबैभन्दा कम जनसङ्ख्या भएको राष्ट्रमध्ये एक हो तर विश्व फुटबलमा क्रोएसियाको हैसियत वर्षौंदखि उच्च स्थानमा छ। स्वतन्त्र राष्ट्र भएर सन् १९९८ मा पहिलो पटक खेलेको विश्वकपमा नै क्रोएसियाले तेस्रो स्थान हात पारेको थियो। रुसमा भएका पछिल्लो विश्कपमा त क्रोएसियाले फाइनल नै खेल्यो। त्यसैले शुक्रबार पाँच पटकको विश्व च्याम्पियन ब्राजिलविरुद्ध खेल्दा क्रोसियाको आत्मविश्वास धरमराउने छैन। प्रशिक्षक ज्लाट्को डालिच भन्नुहुन्छ, “क्रोएसियालाई कहिल्यै कम नआँक्नु। हामी सानो राष्ट्र हौँ तर हामी साहसी र विश्वासिलो छौँ। हामी जहिल्यै आफ्नो पूर्ण क्षमतामा काम गर्छौं। विशेषतः क्रोएसियाको यो पुस्ताका फुटबल खेलाडीमा यो गुण भरपुर छ।”
गोल्डेन बुटको दौडमा एमबापे अगाडि
विश्वकप फुटबलमा सबैभन्दा बढी गोल गरेर गोल्डेन बुट जित्ने खेलाडीको पनि ठूलो चर्चा हुने गर्छ। कतार विश्वकपमा पनि गोल्डेन बुट जित्ने खेलाडीको धमिलो तस्बिर बिस्तारै सफा हुँदै छ। विश्वकपको इतिहास हेर्ने हो भने प्रायः विश्व फुटबलका महान् स्ट्राइकरले गोल्डेन बुट जितेको पाइन्छ। सन् १९८२ मा गोल्डेन बुटको सम्मान पहिलो पटक प्रस्तुत गरिएको हो। यद्यपि सोभन्दा अघिका विश्वकपमा पनि सम्मान गर्ने परम्परा थियो।
टेबलटेनिसमा नविताको जित
राष्ट्रिय च्याम्पियन नेपालकी नविता श्रेष्ठले विश्व टेबलटेनिस च्याम्पियनसिपका लागि भइरहेको दक्षिण एसियाली क्षेत्रीय टेबलटेनिस छनोट प्रतियोगितामा बिहीबार जित हात पार्नुभएको छ ।
रविलाई उछिन्दै भुवन शीर्षस्थानमा
सूर्य नेपाल काठमाडौं ओपन गल्फको तेस्रो दिन भुवन नगरकोटी शीर्षस्थानमा उक्लिनुभएको छ । पार ६८ को रोयल नेपाल गल्फ क्लबमा सञ्चालित प्रतियोगितामा बिहीबार भुवनले एक अन्डर ६७ स्कोर खेल्नुभयो ।
"नेपालले विश्वकप खेल्न सय वर्ष कुर्नुपर्छ"
युरोप र दक्षिण अमेरिकी देशलाई फाइनलमै पुगेर टक्कर दिन एसियाली देशलाई अझै समय लाग्ने देखिन्छ। जापान र दक्षिण कोरियाले पछिल्लो समय फुटबलमा धेरै राम्रो गरिरहेका छन् ।
स्कटल्यान्डसँग नेपालको लज्जासपद हार
कमजोर ब्याटिङ का कारण नेपालले नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको चौथो तथा अन्तिम खेलमा स्कटल्यान्डसँग लज्जासपद हार खेपेको छ ।
एकदिवसीय महिला क्रिकेटको उद्घाटन सत्रमा उपस्थित। तस्बिर : ललिता साह
चौंथो अन्तराष्ट्रिय मर्यादित महिनावारी दिवसको अवसरमा बिहीबार सप्तरीमा एक दिवसीय महिला क्रिकेट प्रतियोगिताको आयोजना गरिएको छ।
अन्तर्राष्ट्रिय फुटबलबाट हाजार्डको सन्यास
बेल्जियमका कप्तान इडेन हाजार्डले अन्तर्राष्ट्रिय फुटबलबाट सन्यासको घोषणा गर्नुभएको छ । कतारमा जारी २२औँ फिफा विश्वकपको समूह चरणबाट बेल्जियम बाहिरिएपछि हाजाडले अन्तर्राष्ट्रिय फुटबलबाट सन्यास लिने निर्णय लिनु भएको हो ।
यू–१८ अन्तर्राष्ट्रिय रग्बीको तयारी पूरा
एसिया रग्बीको आयोजना तथा नेपाल रग्बी सङ्घको व्यवस्थापनमा दशरथ रङ्गशालामा शनिबारदेखि सुरु हुने यू–१८ अन्तर्राष्ट्रिय रग्बी सेभेन्स प्रतियोगिताका सम्पूर्ण तयारी पूरा भएको छ । नेपालमा पहिलो पटक अन्तर्राष्ट्रिय रग्बी प्रतियोगिता हुन लागेको हो ।
नेपाल बलियो स्कटल्यान्डसँग खेल्दै
नामिबियामा जारी आईसीसी विश्वकप लिग–२ अन्तर्गत त्रिकोणात्मक एकदिवसीय सिरिजको चौथो तथा अन्तिम खेलमा आज (बिहीबार) नेपालले बलियो टोली स्कटल्यान्डसँग प्रतिस्पर्धा गर्दैछ ।
पोर्चुगेली फुटबलका नयाँ नायक रामोस
कतार विश्वकपको आधा समयभन्दा बढी बितिसक्दा गुमनाम पोर्चुगलका गोन्कालो रामोसले अकस्मात् विश्व फुटबलमा आफ्नो नाम बनाउनुभएको छ । स्विट्जरल्यान्डविरुद्धको प्रिक्वाटरफाइनलमा विश्वका सर्वश्रेष्ठ स्ट्राइकर मानिएका क्रिस्टियानो रोनाल्डोको स्थानमा पहिलो रोजाइमा खेल्न मौका पाएका रामोसले आफ्नो पहिलो खेलमै ह्याट्रिक गर्नुभयो। २१ वर्षीय रामोस यस विश्वकपमा ह्याट्रिकको गौरव हासिल गर्ने पहिलो खेलाडी बन्नुभएको छ। रामोसको ह्याट्रिकको सहयोगमा पोर्चुगलले स्विट्जरल्यान्डलाई सजिलै ६–१ ले हराएर क्वाटरफाइनलमा स्थान बनायो।
आगामी विश्वकपमा ४८ टिमको चर्चा
कतार विश्वकप ३२ राष्ट्र सहभागी हुने अन्तिम विश्वकप हुनेछ। अमेरिका र मेक्सिकोमा संयुक्त रूपमा आयोजना हुने विश्वकपको अर्को संस्करणमा ४८ राष्ट्रको सहभागिता रहनेछ। यस विश्वकपमा मोरक्को, साउदी अरब, जापान, दक्षिण कोरिया, क्यामरुन र ट्युनिसियाजस्ता टिमले ठूला टिमलाई स्तब्ध पारेर विश्वकपमा ४८ टिम हुनु हुँदैन भन्ने आलोचकहरूलाई चुप पारेका छन्।
नेपाल नामिबियासँग ८६ रनले पराजित
आईसीसी विश्वकप लिग-२ अन्तर्गत त्रिकोणात्मक एकदिवसीय सिरिजको तेस्रो खेलमा नेपाल नामिबियासँग पराजित भएको छ।
नेपाल आज नामिबियासँग खेल्दै
नामिबियामा जारी आइसिसी विश्वकप लिग–२ अन्तर्गत त्रिकोणात्मक एकदिवसीय सिरिजको तेस्रो खेलमा आज (बुधबार) नेपालले घरेलु टोली नामाबियासँग प्रतिस्पर्धा गर्दैछ ।
विश्वकपको क्वार्टरफाइनल समीकरण पूरा
कतारमा जारी २२औँ संस्करणको विश्वकपमा क्वार्टरफाइनल समीकरण पूरा भएको छ । मंगलबार राति प्रिक्वार्टरफाइनलको अन्तिम खेलमा पोर्चुगलले स्वीट्जरल्यान्डलाई ६–१ गोलको फराकिलो अन्तरले हराएसँगै विश्वकपमा क्वार्टरफाइनलमा पुग्ने आठ टोलीको टुङ्गो लागेको हो ।
नेमारको पुनरागमनसँगै लयमा ब्राजिल
कतार विश्वकप फुटबल प्रतियोगितामा चोटका कारण दुई खेल खेल्न नपाएको झोँक नेमारले मङ्गलबार बिहान दक्षिण कोरियामाथि निकाल्नुभयो। नेमारको उत्कृष्ट प्रदर्शनको सहयोगमा ब्राजिलले दक्षिण कोरियालाई ४–१ ले सजिलै हराएर विश्वकपको क्वाटरफाइनलमा स्थान बनायो। सो खेलमा नेमारले गोल पनि गर्नुभयो।
लामो बन्दै डिबालाको पर्खाइ
अर्जेन्टिनाका स्ट्राइकर पाउलो डिबालाले मङ्गलबार आफ्नो इन्स्ट्राग्राममा लियोनेल मेसीसहितको तस्बिर राखेर आफ्नो हाँसो कायम राख्दै अगाडि बढौँ भन्ने पोस्ट गर्नुभएको छ।
प्रशिक्षक बेन्टोको राजीनामा
दक्षिण कोरियाका पोर्चुगली प्रशिक्षक पल बेन्टोले ब्राजिलसँगको हारपछि आफ्नो पदबाट राजीनामा दिने जानकारी दिनुभएको छ। ५३ वर्षीय प्रशिक्षक बेन्टो सन् २०१८ को अगस्टमा दक्षिण कोरियाली फुटबल टिमको प्रशिक्षक नियुक्त हुनुभएको थियो। उहाँले आफूले टिम छोड्ने जानकारी दक्षिण कोरियाको फुटबल सङ्घ र खेलाडीहरूलाई दिइसकेको र यो सही समय भएको बताउनुभयो। दक्षिण कोरियाले यस विश्वकपमा बेन्टोको प्रशिक्षकत्वमा उहाँकै देश पोर्चुगललाई २–१ ले हराएर नकआउट चरणमा स्थान बनाएको थियो।
स्वीट्जलरज्यान्डमाथि गोल वर्षा गर्दै पोर्चुगल क्वार्टरफाइनलमा
स्वीट्जरल्यान्डमाथि गोल वर्षा गर्दै पोर्चुगल कतारमा जारी फिफा विश्वकप फुटबलको क्वार्टरफाइनलमा प्रवेश गरेको छ । लुसेल आइकोनिक रंगशालामा मंगलबार राति भएको खेलमा पोर्चुगलले स्वीट्जरल्यान्डलाई ६–१ गोलले हरायो ।
स्पेनलाई टाइब्रेकरमा हराउँदै मोरोक्को क्वार्टरफाइनलमा
स्पेनलाई टाइब्रेकरमा स्तब्ध बनाउँदै मोरोक्को कतारमा जारी फिफा विश्वकप फुटबलको क्वार्टरफाइनलमा प्रवेश गरेको छ ।
काठमाडौं ओपनको पहिलो दिन रविको अग्रता
सूर्य नेपाल काठमाडौं ओपन गल्फको पहिलो दिन रवि खड्काले अग्रता लिनुभएको छ । पार ६८ को रोयल नेपाल गल्फ क्लबमा मंगलबार देखि सुरु भएको प्रतियोगिताको पहिलो दिन रविले ६ अन्डर ६२ खेल्नुभयो ।
जर्मनीका फुटबल निर्देशकको राजीनामा
चार पटकको विश्वकप च्याम्पियन जर्मनीका लागि कतारमा जारी विश्वकप फुटबल विर्सनलायक बन्यो । उपाधि चुम्ने लक्ष्यका साथ कतार पुगेको जर्मनी समूह चरणबाटै घर फर्कन बाध्य भएपछि टोलीका निर्देशक ओलिभर बियरहोफले पदबाट राजीनामा दिनुभएको छ ।
सूर्य नेपाल काठमाडौँ गल्फ आजदेखि
सूर्य नेपाल गल्फ टुरअन्तर्गतको पहिलो प्रतियोगिता सूर्य नेपाल काठमाडौँ ओपन मङ्गलबार सुरु हुनेभएको छ। रोयल नेपाल गल्फ क्लबमा हुने सो प्रतियोगिता ७२ होलमा खेलाइनेछ। दुई चरणपछि २१ व्यावसायिक गल्फरले मात्र ३६ होलका लागि अन्तिम चरणमा स्थान बनाउनेछन्। अन्तिम चरणमा छ एमेच्योर गल्फरले पनि प्रवेश पाउनेछन्।
