मुख्यमन्त्री राउत पर्सा क्षेत्र नं १ (ख) बाट सिफारिस
जनता समाजवादी पार्टी नेपाल ९जसपा०ले मधेस प्रदेशका मुख्यमन्त्री डा लालबाबु राउतलाई पर्सा क्षेत्र नं १ को (ख) बाट प्रदेशसभा सदस्यका लागि उम्मेदवारका लागि सिफारिस गरेको छ । गत निर्वाचनमा पनि जसपाले उहाँलाई सोही क्षेत्रबाट प्रदेशसभा सदस्यमा सिफारिस गरेको थियो ।
समाजवादीका अधिकांश नेता एमालेमा फर्किए
नेकपा (एकीकृत समाजवादी) सर्लाहीको जिल्ला नेतृत्वका अधिकांश पदाधिकारी एमालेमा फर्किनुभएको छ । सदरमुकाम मलङ्गवास्थित एमाले जिल्ला पार्टी कार्यालयमा आयोजित एक समारोहमा समाजवादीका नेताहरु एमालेमा समाहित हुनुभएको हो ।
मधेस प्रदेशका मुख्य न्यायाधिवक्ताद्वारा राजीनामा
मधेस प्रदेशका मुख्यन्यायाधिवक्ता दीपेन्द्र झाले आफ्नो पदबाट राजीनामा दिनुभएको छ । मुख्यमन्त्री लालबाबु राउतलाई उहाँले शनिबार आफ्नो राजीनामा पत्र बुझाउनुभएको हो ।
देवीदहमा आउन छाडे पर्यटक
लहान–१७, दौलतपुर बलानसेरमा १० बिघा क्षेत्रफलको देवीदहमा चल्ने पाँचवटा डुङ्गा प्रयोगविहीन भएपछि आन्तरिक पर्यटक आउन छाडेका छन्। कहिल्यै पानी नसुक्ने र डुङ्गामा चढेर रमाइलो गर्ने देवीदहका तीनवटा डुङ्गा बिग्रिएको अवस्थामा रहेका र दुईवटा पानीमै गाडिदिएपछि प्रत्येक शनिबार पिकनिक गर्न र रमाइलो गर्न आउने आन्तरिक पर्यटक आउन छाडेका स्थानीयवासीले बताएका हुन्। प्रथम राष्ट्रपति डा. रामवरण यादवको पालामा चुरे राष्ट्रपति कार्यक्रमअन्तर्गत यस दहको सौन्दर्यीकरण गरिएको थियो। लहान बजारदेखि पाँच किलोमिटर उत्तरपूर्वमा रहेको यस दहमा वनभोज ‘स्पट’, शौचालय र एक दर्जन ‘सेड’समेत निर्माण गरिएको छ।
फुटपाथमा बजार लाग्दा आवागमनमा सास्ती
सडक किनारामा राखिएका पसल र अवैधानिक संरचना निर्माणका कारण महोत्तरीको सदरमुकामसमेत रहेको जलेश्वर नगरपालिका अव्यवस्थित देखिन थालेको छ। जलेश्वर नगरपालिकाभित्र फुटपाथ र मूल सडक नै ढाक्नेगरी बजार लाग्ने गरे पनि यहाँका जनप्रतिनिधिले कुनै चासो देखाएका छैनन्। नगरपालिका क्षेत्रभित्र एउटा पनि व्यवस्थित पार्किङ स्थल नहुँदा मूल सडक नै पार्किङ स्थलमा परिणत भइरहँदा सोको व्यवस्थापनका लागि सम्बन्धित निकायले कुनै चासो दिएको देखिँदैन। फुटपाथ व्यवस्थित बनाउन चासो नराख्नेले यहाँका अवैधानिक संरचना व्यवस्थित बनाउने चर्चा गर्नु धेरै टाढाको विषय रहेको जलेश्वर नगरपालिका–१ का घनश्याम भगतले बताउनुभयो। “जिल्ला सदरमुकाम जलेश्वरको अवस्था हेर्दा जलेश्वर बजारमा सडक नै बजारक्षेत्र भएको जस्तो देखिन्छ,” उहाँले भन्नुभयो।
आयुर्वेदिक औषधि एलोपेथिक पसलमा
एलोपेथिक औषधि पसलमा नियमविपरीत आयुर्वेदिक औषधि बिक्री भइरहेका कारण आयुर्वेदिक औषधि विक्रेता मारमा परेका छन्। बिनाअनुमति जिल्लाका अधिकांश औषधि पसलमा आयुर्वेदिक औषधि बिक्री वितरण भइरहे पनि नियन्त्रण गर्ने निकाय उदासीन रहेको छ। जिल्लाका विभिन्न ठाउँमा आयुर्वेदिक पसल सञ्चालन गर्दै आइरहेका विक्रेताको बिक्री एकदमै न्यून भएको नेपाल आयुर्वेदिक स्वास्थ्यकर्मी समाज रौतहटले जनाएको छ। जिल्लाका कतिपय ठाउ“बाट आयुर्वेदिक औषधि विक्रेता व्यवसाय छाडेर विस्थापित हुनपुगेको समाजका सरोज झाले बताउनुभयो। उहाँले औषधि व्यवस्था विभागका कर्मचारीका चरम लापरवाहीका कारण आयुर्वेदिक औषधि विक्रेता दिनानुदिन विस्थापित हुँदै गएको गुनासो गर्नुभयो। लामो समयदेखि आयुर्वेदमा अध्ययन गरी औषधि व्यवस्था विभागबाट पसल सञ्चालनको लागि अनुमति लिए पनि अवैध बिक्रीका कारण अन्य पेसामा लागेको गौतम झाले बताउनुभयो।
छ महिनासम्म पनि बन्दैन राहदानी
जिल्ला प्रशासन कार्यालय सप्तरीमा राहदानी बनाउन वा नवीकरण गराउन छ महिना लाग्ने गरेको सेवाग्राहीले गुनासो गरेका छन्। राहदानीको लागि जिल्ला प्रशासन कार्यालयको परिसरभित्र हप्ताको चार दिन लाइनमै भेटिने राजविराज–६ का अभिषेक गुप्ताले भन्नुभयो, “मैले आवश्यक कागजातसहितको फाइल जिल्ला प्रशासन कार्यालयको राहदानी फाँटमा पेस गरेको छ महिनाभन्दा बढी भइसक्यो। हप्तैपिच्छे खोजी गर्दा तपाईंको आएको छैन भन्छन्।”
अठार वडा स्वास्थ्य संस्थाविहीन
सरकारले प्रत्येक वडामा स्वास्थ्य संस्था स्थापना गरी नागरिकलाई प्राथमिक स्वास्थ्य उपचार सेवा प्रदान गर्ने लक्ष्य लिए पनि सर्लाहीका १८ वटा वडा अझै स्वास्थ्य संस्थाविहीन छन्। जिल्लाका ११ नगरपालिका र नौ गाउँपालिकामध्ये १४ वटा पालिकाका प्रत्येक वडामा स्वास्थ्य संस्था स्थापना भएका छन्। छवटा पालिकाका १८ वटा वडामा भने अझैसम्म स्वास्थ्य संस्था पुग्न सकेका छैनन्। जिल्लामा सबैभन्दा धेरै बागमती नगरपालिकाका छवटा वडामा स्वास्थ्य संस्था छैनन्। बागमतीको वडा नं. २, ६, ७, ८, ९ र ११ मा स्वास्थ्य संस्था नरहेको नगरपालिकाका स्वास्थ्य शाखा सहसंयोजक पदम रायमाझीले जानकारी दिनुभयो। रायमाझीका अनुसार वडा नं. १ मा ढुङ्ग्रेखोला स्वास्थ्य चौकी, वडा नं. ५ मा राजघाट स्वास्थ्य चौकी, वडा नं. १० मा शङ्करपुर स्वास्थ्य चौकी, वडा नं. १२ मा कर्मैया स्वास्थ्य चौकी तथा वडा नम्बर ३ र ४ मा सामुदायिक स्वास्थ्य एकाइ केन्द्र रहेका छन्। स्वास्थ्य संस्था नरहेका वडामा तत्काल स्वास्थ्य संस्था स्थापना गर्ने कुनै निर्णय नभएको स्वास्थ्य सहसंयोजक रायमाझीले बताउनुभयो। यस्तै लालबन्दी नगरपालिकाको वडा नम्बर ७ र ८, ईश्वरपुर नगरपालिकाको वडा नं. ७, ११ र १३, कविलासी नगरपालिकाको वडा नम्बर १ र १०, मलङ्गवा नगरपालिकाको वडा नं. ३ र ८, बरहथवा नगरपालिकाको वडा नं. ८ र रामनगर गाउँपालिकाको वडा नम्बर
सर्लाहीमा कांग्रेस उम्मेदवार सिफारिस
सर्लाहीमा नेपाली कांग्रेसको प्रदेश तथा प्रतिनिधिसभा क्षेत्रीय कार्य समितिले मङ्सिर ४ को निर्वाचनका लागि उम्मेदवार सिफारिस गरेको छ । क्षेत्र नं. २ को क्षेत्रीय कार्य समितिले २ नम्बर क्षेत्रबाट प्रतिनिधिसभा सदस्यमा प्रत्यक्षतर्फ तीन जनाको नाम सिफारिस गरेको छ । प्रतिनिधिसभा सदस्यतर्फ जङ्गीलाल राय, नागेन्द्रकुमार राय र जयहरि श्रेष्ठ (राजु) को नाम सिफारिस गरेको क्षेत्रीय सभापति कौशलकिशोर रायले जानकारी दिनुभयो ।
जसपा अध्यक्ष उपेन्द्र यादवको नाम तीन जिल्लाबाट सिफारिस
आगामी सङ्घीय निर्वाचनमा जनता समाजवादी पार्टीका अध्यक्ष उपेन्द्र यादवको नाम मधेसका तीन जिल्लाबाट सिफारिस भएको छ । यादवले आफ्नो दलको जनाधार रहेको सप्तरी, सिरहा र बाराबाट प्रतिनिधिसभाको चुनावका लागि नाम सिफारिस गराउनुभएको हो ।
वीरगन्जमा डेङ्गु र स्क्रब टाइफसका बिरामी ह्वात्तै बढे
पोखरीया, भदौ १६ गते । पर्साको वीरगन्जमा डेङ्गु र स्क्रब सटाइफका बिरामीको सङ्ख्या ह्वात्तै बढेको छ । वीरगन्जको नारायणी अस्पताल तथा निजी क्लिनिकमा दिनहुँ डेङ्गु र स्क्रब सटाइफका बिरामी उपचारका लागि आउन थालेका छन् । नारायणी अस्पतालका वरिष्ठ चिकित्सक डा. उदयनारायण सिंहका अनुसार सातायता दैनिक जसो बिरामी फेला पर्न थालेका छन् । खासगरी वीरगन्ज बाहिरबाट आएका नागरिकमा बढी जसो डेङ्गु र स्क्रब टाइफसको लक्षण देखिएको उहाँले बताउनुभयो । बिरामीको सङ्ख्या बढ्न थालेपछि चिकित्सकले सावधानी अपनाउन सुझाव दिएका छन् । हाल दैनिक रूपमा १५ देखि २० जनामा डेङ्गु र स्क्रब सटाइफका बिरामी अस्पताल भर्ना हुन थालेका चिकित्सकले बताएका छन् । बिरामीमा उच्च ज्वरो, टाउको दुख्ने, शरीर र मांसपेशी दुख्ने, शरीरका विभिन्न भागमा साना र ठूला रातो डाबर आउने जस्ता लक्षण देखिने गरेको डा. सिहले बताउनुभयो ।
विद्युत् अनियमितताका कारण सेवा प्रभावित
पटक–पटक विद्युत् जाने समस्याले महोत्तरीको उत्तरी क्षेत्रको जनजीवन अस्तव्यस्त बनेको छ। विद्युत् अनियमितताले उपचारदेखि व्यवसायसम्म प्रभावित बनेका छन्। लामो समयदेखि विद्युत् अनियमित भएको सेवाग्राहीको गुनासो छ। यस क्षेत्रमा १२ घण्टासम्म लाइन जानु सामान्य भइसकेको छ। लाइन आइहाले पनि कुन बेला जाने हो भन्ने अनिश्चित हुँदा जिल्लाको उत्तरी भेगका ३० हजार परिवार समस्यामा परेका छन्।
मधेस प्रदेशमा जलवायु मैत्री कृषि कार्यक्रम सञ्चालन हुने
बाढी ग्रस्त क्षेत्रको कृषकहरूको क्षमता अभिवृद्धि तथा विस्थापित श्रमिकहरूको कृषिमा पुन:ःएकिकरण गर्ने उद्देश्यका साथ मधेस प्रदेशमा जलवायु मैत्री कृषि कार्यक्रम सञ्चालन हुने भएको छ ।
सुक्खा बन्दरगाह निर्माणको आग्रह
महोत्तरी जिल्लाको मुख्य सीमा नाकाका रूपमा रहेको जलेश्वर नगरपालिकाको भिट्ठामोडमा सुक्खा बन्दरगाह निर्माणका लागि अर्थसचिवलाई आग्रह गरिएको छ। जलेश्वर नगरपालिकाका नगरप्रमुखसहितको टोली अर्थ मन्त्रालयमा पुगेर यसै नगरपालिकाका निवासी रहनुभएका अर्थसचिव कृष्णहरि पुष्करलाई भेटी भिट्ठामोडमा सुक्खा बन्दरगाह निर्माणको प्रक्रियालाई अगाडि बढाउन आग्रह गरेको हो। सरकारले चालू आर्थिक वर्षको बजेटमा जलेश्वरमा सुक्खा बन्दरगाह निर्माणको सम्भाव्यता अध्ययन गर्ने समावेश गरेपछि सो सम्बन्धमा काम अगाडि बढाउन आपूmहरू अर्थ मन्त्रालयमा गएर अर्थसचिवलाई आग्रह गरेको जलेश्वर नगरपालिकाका प्रमुख सुरेश साह सोनारले बताउनुभयो।
मिथिला क्षेत्रमा चौरचन र तीज पर्व मनाइयो
सप्तरीसहित मिथिला क्षेत्रमा मंगलबार चौरचन पर्व मनाएका छन् भने तीज पर्व हिन्दु नारीले मनाएका छन्।
-original-thumb.jpg)
मिटरब्याजी पीडितको समस्या बुझ्दै कार्यदल
मिटरब्याजको समस्या समाधानको निम्ति सरकारद्वारा गठित कार्यदलले आइतबार सप्तरीको मिटरब्याजबाट पीडितसँग प्रत्यक्ष भेटघाट गरी प्रकृतिगत समस्याबारे जानकारी लिनुभएको छ। मिटरब्याजी पीडितको वास्तविक समस्या र पीडालाई मिडियाले उजागर गरेका कारण सरकार गम्भीर भएर यसको जरासम्म गई समस्या समाधानका लागि कार्यदलले स्थानीय सरकार, बैङ्किङ क्षेत्र, प्रहरी, पत्रकार सबैसँग सहकार्य गरेर तीव्रताले काम गरिराखेको कार्यदलका संयोजक डाक्टर भीष्मकुमार भुसालले बताउनुभयो। जिल्लाका १८ वटा स्थानीय तहमध्ये सप्तकोसीबाहेक १७ वटै स्थानीय तहमा मिटरब्याज पीडकविरुद्ध ११२ वटा उजुरी परेको प्रमुख जिल्ला अधिकारी जनार्दन गौतमले कार्यदललाई जानकारी दिनुभयो। “वास्तविक पीडितलाई मिटरब्याजीको चङ्गुलबाट मुक्त गरेर गुमाएका घर जग्गा फिर्ता हुन सक्ने आधार प्रमाणसहित काम गर्न कार्यदलले सरकारलाई सुझाव दिनेछन्। यति धेरै बैङ्क तथा वित्तीय संस्था हुँदाहुँदै देशभरिबाटै यति ठूलो सङ्ख्यामा सोझा जनता चर्को ब्याजमा भए पनि साहु महाजनसँगै ऋण लिने कारणबारे थप अध्ययन गरी तीनै तहको सरकारलाई त्यस प्रकारको बजेट नीति कार्यान्वयनको सुझाव दिने उहाँले बताउनुभयो।
मिथिला क्षेत्रमा चौरचन पर्व मनाइँदै
मिथिला क्षेत्रमा अत्यन्तै श्रद्धा र विधिपूर्वक चौरचन (चौरचण्ठ) पर्व आज मनाइँदैछ । भदौ शुक्लपक्ष चतुर्थीका दिन खासगरी मिथिला क्षेत्रमा मधेशी र थारु समुदायले विशेष महत्वका साथ उक्त पर्व मनाउने गर्दछन् । यस वर्ष तिथि फरक भएपनि हरितालिका तीज र चौरचन पर्व आज एकै दिन परेको छ ।
तीन तलाबाट खसेर बालकको मृत्यु
धनुषाको ढल्केवरमा तीन तलाबाट खसेर एक बालकको मृत्यु भएको छ ।
अवैध काठसहित एक पक्राउ
वन कर्मचारीले अवैध काठसहित एक जनालाई नियन्त्रणमा लिएको छ । वर्दिवास ३ गौरीडाँडास्थित भवसी टोलका ३५ वर्षिय जीवन बराईलीलाई साखु (साल) को ९ थान चिरान काठसहित पक्राउ गरेको सवडिभिजन वन कार्यालय माईस्थानले जनाएको छ । वरामद काठ करिव १० क्यूफिट रहेको जनाइएको छ ।
रेलको ‘वासिङ ’ गराउन मात्र बर्सेनि पाँच करोड खर्च
नेपाल रेल्वे कम्पनीले भारतको जयनगरदेखि धनुषाको कुर्था रेलमार्गमा सञ्चालन हुँदै आएको रेलको ‘वासिङ’ गराउन मात्र वार्षिक पाँच करोड रुपियाँभन्दा बढी रकम खर्च गर्दै आएको छ ।
बाँसको पुलले दिएको छ सुविधा
सिरहा र धनुषा जिल्लाको सिमाना जोडिएको कमला नदीमा निर्माण भएको पुल सञ्चालनमा नआउँदै दुईवटा पिल्लर (पाया) गत वर्षको बाढीमा धसिए। पिल्लर धसिएकाले हुलाकी मार्गबाट जनकपुर जानेहरूले एक सय रुपियाँ तिरेर मोटरसाइकल वारपार गर्नु परिरहेको छ।
महागंगा आरती
जनकपुरधामको गंगा सागरमा दैनिक हुने सन्ध्याकालीन महागंगा आरतीको क्रममा देखिएको मनमोहक दृश्य।
आयोगद्वारा राष्ट्रिय सभाका अध्यक्ष तिमिल्सिनालाई प्रतिवेदन हस्तान्तरण
मधेशी आयोगले हरितालिका तिज, चौरचन (चौठचन्द्र) र जितिया पर्वको अवसरमा संवाद तथा शुभकामना आदानप्रदान कार्यक्रम गरेको छ । आयोगमा शनिबार भएको कार्यक्रममा मधेशी समुदायको चाडपर्वसम्बन्धी दुई वटा प्रतिवेदन राष्ट्रिय सभाका अध्यक्ष गणेशप्रसाद तिमिल्सिनालाई बुझाएको हो ।
टिकटका लागि नेताहरुको दलबदल
गत स्थानीय निर्वाचनमा उम्मेदवार बन्न दलबदल गरेका नेताहरु फेरि संसदीय निर्वाचनमा टिकट पाउन दलबदलको अभ्यास थालेका छन् । प्रदेश र प्रतिनिधि सभाको निर्वाचन नजिकिएसँगै स्थानीय तहमा पराजित भएका उम्मेदवारहरु टिकटका लागि पुनः पार्टी परिवर्तन गर्न थालेका हुन् ।
सबै तहमा महिला सहभागिता सम्मानजनक हुनुपर्नेमा जोड
महिला सांसदहरुले सबै तहमा महिला सहभागिता सम्मानजनक हुनुपर्नेमा जोड दिनुभएको छ । महिला, बालबालिका, सामाजिक न्याय समिति, मधेस प्रदेश र नेपाल एफएमको संयुक्त आयोजनामा आइतबार जनकपुरधाममा आयोजित संसदीय प्रतिनिधित्व : संवाद कार्यशालामा भाग लिँदै उहाँहरुले यस्तो धारणा राख्नुभएको हो ।
