पूर्वसहकर्मीबीच रोचक बन्दै प्रतिस्पर्धा
आगामी मङ्सिर ४ गते हुने निर्वाचनमा पाल्पा जिल्लाको प्रतिनिधि सभा क्षेत्र नं. २ मा पूर्वसहकर्मीबीच प्रतिस्पर्धा हुने भएको छ। करिब दुई दशक नेकपा एमालेमा रहेर सँगै काम गर्नुभएका पूर्वमन्त्री सोमप्रसाद पाण्डेय र एमालेका नेता ठाकुर गैरेबीच मुख्य प्रतिस्पर्धा हुने आकलन मतदाताले गरेका छन्।
कुलो पुरिएपछि सिँचाइ समस्या
दाङमा अर्जुन खोला सिँचाइ आयोजनाको मुख्य कुलो पहिरोले पुरिँदा किसान समस्यामा परेका छन्। अविरल वर्षाका कारण पहिरो जाँदा सिँचाइ कुलो पुरिएको हो। कुलो पुरिएपछि साढे चार सय हेक्टर क्षेत्रमा खेती गर्दै आएका किसानलाई सिँचाइमा समस्या पर्ने देखिएको छ। केही दिनको अविरल वर्षाका कारण पहिरोले अर्जुन खोला सिँचाइको मुख्य कुलो पुरिएको छ।
अपाङ्गता भएकाहरूबीच नमुना मतदान
नेत्रहीन युवा सङ्घ नेपाल रुपन्देहीले आगामी मङ्सिर ४ गते हुने प्रतिनिधि तथा प्रदेश सभा निर्वाचनमा अपाङ्गता भएकाहरूको मत बदर हुन नदिन नमुना मतदान गरेको छ। बुटवलको दुर्गा भवानी प्राथमिक विद्यालयमा भएको उक्त नमुना मतदानमा विभिन्न प्रकृतिका अपाङ्गता भएकाहरूको सहभागिता थियो।
संविधान रक्षाका लागि गठबन्धन : पूर्वमन्त्री खनाल
संविधान रक्षाका लागि गठबन्धन भएको कपिलवस्तु प्रतिनिधि सभा क्षेत्र नं. १ का उम्मेदवार चक्रपाणि खनालले बताउनुभएको छ । बाम–लोकतान्त्रिक गठबन्धनको शुद्धोदन गाउँपालिकाको लबनीमा संयुक्त प्रचार प्रसार समिति कार्यालयको उद्घाटन गर्दै उहाँले सो कुरा बताउनुभएको हो ।
विकल्पबिना सुकुम्बासीका घर टहरा भत्किँदैनन् : गृहमन्त्री खाण
गृहमन्त्री बालकृष्ण खाणले उपर्युक्त विकल्प र व्यवस्थापनविना सुकुम्बासी नागरिकका घर टहरा नभत्काइने बताउनुभएको छ । रुपन्देही – ३ बाट पाँच दलीय गठबन्धनका प्रतिनिधि सभा सदस्यका उम्मेदवार रहनुभएका नेपाली कांग्रेसका केन्द्रीय सदस्य खाणले बुटवल उपमहानगरपालिका वडा १६ मा चुनाव प्रचार प्रसार कार्यालयको उद्घाटन गर्दै सो कुरा बताउनुभयो ।
राजनीतिज्ञ र उद्योगपतिको भिडन्त: त्रिपाठी र चौधरी प्रतिस्पर्धामा
प्रतिनिधिसभा सदस्यको निर्वाचनमा पश्चिम नवलपरासीको निर्वाचन क्षेत्र नम्बर १ बाट निर्वाचनमा राजनीतिज्ञ हृदेश त्रिपाठी र उद्योगपति विनोद चौधरीबीच भिडन्त हुने भएको छ ।
राजनीतिक स्थिरताका लागि गठबन्धन
गुल्मी निर्वाचन क्षेत्र नम्वर १ प्रतिनिधि सभाका उम्मेदवार चन्द्र भण्डारीले संबिधानको रक्षा र राजनीतिक स्थिरताका लागि गठबन्धन आवश्यक भएको बताउनुभएको छ ।
बाँकेको नरैनापुरमा खाद्य सङ्कट सुरु, अधिकांश स्थानीय चिन्तित
बर्सेनि करिब ६० क्विन्टल धान उत्पादन गर्ने नरैनापुर ४ का इसराफिल खानको घरमा अहिले एक किलो पनि धान छैन । ६० क्विन्टल धान मध्ये परिवारका लागि खान पुग्ने राखेर बाँकी सबै बिक्री गर्दै आउनुभएका उहाँले यस वर्ष के खाने भन्ने चिन्ताले सताउन शुरु गरेको बताउनुभयो ।
पुरानालाई नयाँको चुनौती
बाँकेमा प्रतिनिधि सभाका तीन र प्रदेश सभाका छ निर्वाचन क्षेत्रमा जनताले पटक–पटक परीक्षण गरिसकेका र नयाँ उम्मेदवारबीच प्रतिस्पर्धा हुँदै छ। बाँके क्षेत्र नम्बर १ मा सत्तारूढ गठबन्धनका तर्फबाट नेकपा (माओवादी केन्द्र)का नेता एवं युवा तथा खेलकुदमन्त्री महेश्वर गहतराज उम्मेदवार हुनुहुन्छ। उहाँको सशक्त प्रतिद्वन्द्वीमा नेकपा (एमाले)का तर्फबाट सूर्य ढकाल उम्मेदवार देखिनुभएको छ। मन्त्री गहतराजको यो तेस्रो प्रतिस्पर्धा हो भने एमाले केन्द्रीय सदस्य तथा बाँके जिल्ला इन्चार्ज ढकाल पहिलो पटक संसदीय राजनीतिमा उम्मेदवार बन्नुभएको छ। प्रदेश (क)मा गठबन्धनका तर्फबाट माओवादी केन्द्रका कृष्ण केसी लगातार दोस्रो पटक प्रतिस्पर्धामा हुनुहुन्छ। यहाँ एमालेको समर्थनमा राप्रपाका नरेन्द्र पौडेल उम्मेदवार रहनुभएको छ।
अर्घाखाँची सिमेन्ट निर्यात सुरु
अर्घाखाँची सिमेन्टले सोमबारदेखि सिमेन्ट भारत निर्यात गर्न थालेको छ । रुपन्देहीमा रहेको यो उद्योगले बेलहिया नाका हुँदै भारतको आनन्दनगर र नौतनवामा रहेको शुभांशु एसोसिएट डिलरलाई एक सय टन (एक हजार चार सय बोरा) पीपीसी सिमेन्ट पठाएको सो उद्योगका प्रबन्ध निर्देशक राजेशकुमार अग्रवालले जानकारी दिनुुभयो ।
गुरुङको उम्मेदवारी कायम
सर्वोच्च अदालतको अन्तरिम आदेशपछि रुपन्देही क्षेत्र नम्बर २ का निर्वाचन अधिकृतको कार्यालयले सत्ता गठबन्धनबाट उम्मेदवारी दिनुभएका नेकपा (एकीकृत समाजवादी)का राजु गुरुङको उम्मेदवारी कायम गरेको छ । चेक अनादर प्रकरणमा पाटन उच्च अदालतमा मुद्दा चलिरहेको भन्दै निर्वाचन अधिकृतको कार्यालयले असोज २५ गते गुरुङको उम्मेदवारी खारेज गरेको थियो ।
तीन महिनामा २७ लाख १८ हजार रुपियाँ भेटी संकलन
अन्तर्राष्ट्रिय पर्यटकीय स्थल लुम्बिनीमा चालु आर्थिक वर्षको तीन महिनामा २७ लाख १८ हजार रुपियाँ भेटी संकलन भएको छ । लुम्बिनी विकास कोषले आइतबार र सोमबार गरी दुई दिनसम्म आन्तरिक तथा बाह्य पर्यटकबाट दानपेटिकामा संकलन भएको भेटी गणना गरिएको हो ।
प्युठानमा दुर्गालाई सूर्यको चुनौती
प्रतिनिधिसभा तथा प्रदेशसभा निर्वाचनका लागि प्युठानमा सत्ता गठबन्धन र एमाले गठबन्धन प्रतिस्पर्धामा छन् । राष्ट्रिय जनमोर्चाका केन्द्रीय उपाध्यक्ष दुर्गा पौडेल र नेकपा एमालेका पोलिट्ब्युरो सदस्य सूर्य थापा अहिले प्रतिनिधिसभाका लागि आमनेसामने हुनुहुन्छ । दुबै प्रत्याशीका पुख्यौली घर समेत एउटै पालिकामा पर्छ ।
एम्बुलेन्स जान छैन सडक
पश्चिमनवलपरासी प्रतापुर गाउँपालिका पञ्चपेडा गाउँसम्म सडक पुग्न नसक्दा अत्यावश्यक सेवाका रूपमा रहेको एम्बुलेन्स पनि जान नसक्ने स्थिति छ। पञ्चपेडा गाउँसम्म पुग्नका लागि खजुरा खोलामा वर्षौदेखि सडक र पुल जीर्ण हुँदा एम्बुलेन्सजस्तो अत्यावश्यक सेवा सञ्चालन हुन नसकेको हो। सो सेवा सञ्चालन हुन नसक्दा स्थानीय बासिन्दा आक्रोशित भएका छन्।
अल्लोबाट आत्मनिर्भर बन्दै महिला
घोराही उपमहानरपालिका–१४ की प्रेमकुमारी पुनमगर अल्लो उद्योगसँग जोडिएको वर्षौं भइसक्यो । लामो समय शिक्षण पेसामा रहनुभएकी उहाँ करिब दुई दशकदेखि अल्लोको धागो उत्पादन, धागोबाट तयारी कपडा बनाउनेसँगै कपडाको बजारीकरण गर्ने व्यवसायमा व्यस्त हुनुहुन्छ ।
पाल्पामा डुबेर दुई जनाको मृत्यु, एकको शव फेला
पाल्पामा डुबेर दुई जनाको मृत्यु भएको छ। तानसेन–२, नारायणस्थानस्थित पोखरीमा पौडी खेल्ने क्रममा डुबेर तानसेन टुंडिखेलका १२ वर्षीय सुजल पराजुलीको मृत्यु भएको छ।
स्रोत नखुलेको १३ लाखसहित एक पक्राउ
कपिलबस्तुमा स्रोत नखुलेको १३ लाख आठ सय रकमसहित एक जना पक्राउ परेका छन् । प्रहरीले कपिलवस्तु कृष्णनगर नगरपालिका –२ गणेशपुर चोकस्थित कृष्णनगर चन्द्रौटा सडकखण्डमा कृष्णनगरबाट चन्द्रौटातर्फ जाँदैगरेको लु १ ख २३९७ नम्बरको बसलाई गोप्य सूचनाको आधारमा चेकजाँच गर्नेक्रममा पक्राउ गरेको प्रहरी नायब उपरीक्षक मिनबहादुर घलेले बताउनुभयो ।
संसदमाथि प्रहार गर्नेलाई चुनावमा दण्डित गर्नुपर्छ : गृहमन्त्री खाण
गृहमन्त्री बालकृष्ण खाणले पटक-पटक संसदमाथि प्रहार गर्नेलाई फेरि संसदमा पठाउन नहुने बताउनुभएको छ ।
साँवा ब्याज नतिर्ने घोषणा
कोभिड–१९ का कारण व्यवसाय प्रभावित भएको भन्दै भैरहवाका होटल व्यवसायीले साँवा र ब्याज नतिर्ने घोषणा गरेका छन् । भैरहवा तथा आसपासका होटल व्यवसायीले असोजमा बैङ्कको त्रैमासिक साँवा र ब्याज नतिर्ने घोषणा गरेका हुन् । शनिबार पत्रकार सम्मेलन गरी उहाँहरूले कोभिड–१९ का कारण व्यवसाय सञ्चालन हुन नसकेको र सरकारले पुनरुत्थानका लागि प्रभावकारी नीति र कार्यक्रम नल्याएका कारण बैङ्कको साँवा र ब्याज तिर्न नसक्ने जनाएका हुन् ।
तिनाउ खोलाले बगाएर एक जना बेपत्ता
बुटवलको तिनाउ खोलाले बगाएर एक जना बेपत्ता भएका छन्।
अवैध पटका बरामद गरी नष्ट
दाङमा सशस्त्र प्रहरीले पटका बरामद गरी नष्ट गरेको छ । शुक्रबार र शनिबार गरी पूर्वपश्चिम राजमार्गको धानखोला लमही सडकखण्डमा चेकजाँचको क्रममा पटका फेला पारी बरामद गरिएको थियो ।
बाढी पीडितलाई मन्त्रीको राहत
दाङ देउखुरीका बाढी पीडितलाई सहरी विकास मन्त्री मेटमणि चौधरीले राहत उपलब्ध गराउनुभएको छ । देउखुरीका चारवटै स्थानीय तहमार्फत् एकद्वार प्रणालीबाट वितरण हुने गरी राहत पालिकालाई हस्तान्तरण गरिएको हो ।
भाइरल ज्वरो र रुघाखोकीबाट बालबालिका प्रभावित
केही दिनअघिको अविरल वर्षासँगै मौसम परिवर्तन हुँदा बाँके जिल्लाका विभिन्न बस्तीमा भाइरल ज्वरो, रुघाखोकी र निमोनियाका बिरामी बढ्दै गएका छन्। असोजको सुरुदेखि नै कहिले अत्यधिक गर्मी र कहिले वर्षा भएकाले ज्वरो बढेको बताइएको छ। केही दिनयताको अविरल वर्षाका कारण ज्वरो, रुघाखोकी र निमोनियाका बिरामीको सङ्ख्या थप बढेको जिल्ला स्वास्थ्य कार्यालयले जनाएको छ।
सोनवर्षा बाँध तत्काल मर्मत गर्न स्थानीयको माग
करिब एक साताको अविरल वर्षाका कारण आएको बाढीले नरैनापुर सोनवर्षामा भत्काएको बाँध तत्काल मर्मत गर्न स्थानीयले माग गरेका छन् । सो बाँधलगायत नरैनापुर क्षेत्रमा आएको बाढी र डुबानको स्थलगत निरीक्षण गर्न नरैनापुर पुग्नु भएका बाँकेका प्रमुख जिल्ला अधिकारी सूर्यबहादुर खत्री र प्रहरी प्रमुख एसपी श्यामकृष्ण अधिकारीसहितको टोलीसँग पीडित स्थानीयले सो माग गरेका हुन् ।
गुल्मीका ३५ मतदानस्थल अति संवेदनशील
गुल्मीका ३५ मतदानस्थल अति संवेदनशील सूचीमा परेका छन्।
