गृहमन्त्री खाणद्वारा रुपन्देही–३ मा मनोनयन दर्ता
नेपाली कांग्रेसका केन्द्रीय सदस्य एवम् गृहमन्त्री बालकृष्ण खाणले रुपन्देही–३ बाट प्रतिनिधिसभा सदस्यमा मनोनयन दर्ता गर्नुुभएको छ ।
दाङ ३ मा गठबन्धनबाट गिरी र एमालेबाट वलीको उम्मेदवारी दर्ता
नेपाली कांग्रेसका केन्द्रीय सदस्य एवं पूर्वमन्त्री दीपक गिरीले सत्तारूढ गठबन्धनका तर्फबाट दाङ क्षेत्र नम्बर ३ मा उम्मेदवारी दर्ता गराउनुभएको छ । गिरीले निर्वाचन अधिकृतको कार्यालयले दिएको समयमै कार्यालय पुगेर उम्मेदवारी दर्ता गराउनुभएको हो ।
रोल्पाबाट वर्षमान पुनको उम्मेदवारी दर्ता
गाेरखापत्र अनलाइनरोल्पा, असोज २३ गते । रोल्पाबाट वर्षमान पुनको उम्मेदवारी दर्ता पुनका तर्फबाट माओवादी रोल्पा संयोजक गुणेन्द्र घर्तीमगरले उम्मेदवारी दर्ता गराउनुभएको थियो । पुनको उम्मेदवारीको समर्थकमा रोल्पा नगरपालिकाका निवर्तमान प्रमुख पूर्ण केसी र समर्थकमा माओवादी लुम्बिनी प्रदेश परिषद्का सदस्य भानबहादुर घर्ती छन् । उहाँले व्यस्तताका कारण उम्मेदवारी दर्तामा आफैँ उपस्थित हुन नसकेको बताउनुहुँदै भन्नुभयो । ‘राष्ट्रिय राजनीतिक जिम्मेवारीका कारण उम्मेदवारी दर्तामा सहभागी हुन सकिन । गए राति अबेरसम्म पनि कतिपय निर्वाचन क्षेत्रको सिट बाँडफाँटको काममा व्यस्त थिएँ’, फेरि एकपटक रोल्पाली जनताको प्रतिनिधिका रूपमा काम गर्न मैले उम्मेदवारी दिएको छु ।’प्रतिनिधिसभामा एक मात्र निर्वाचन क्षेत्र रहेको रोल्पाबाट पुन यसअघि ०७४ मा निर्वाचित, ०६४ को संविधानसभा निर्वाचनमा ललितपुर–१ बाट निर्वाचित हुनुभएको थियो ।प्रदेशसभातर्फ भने प्रदेश 'क'मा माओवादीका जोखबहादुर महरा र 'ख'मा काँग्रेस लुम्बिनी प्रदेश सभापति अमरसिंह पुनले उम्मेदवारी दर्ता गराउनुभयो ।
रुपन्देही–२ बाट एमाले उपाध्यक्ष पौडेलको उम्मेदवारी
नेपाल कम्युनिष्ट पार्टी (एमाले) का उपाध्यक्ष विष्णु पौडेलले प्रतिनिधिसभा निर्वाचनका लागि रुपन्देही क्षेत्र नं २ बाट मनोनयन दर्ता गर्नुभएको छ ।
अविरल वर्षाका कारण बर्दियाका दुई सय बढी घर डुबानमा
तीन दिनदेखि लगातार परिरहेको वर्षाका कारण बर्दियामा दुई सयभन्दा बढी घर डुबानमा परेका छन् । पश्चिम तराईका बर्दिया, बाँके, कैलाली र कञ्चनपुर, महेन्द्रनगर बजार तथा त्यस आसपासका बस्ती जलमग्न बनेका हुन् ।
चार विदेशीसहित ११ पर्यटक पाँच दिनदेखि सम्पर्कविहीन
लगातारको वर्षासँगै ११ जना पर्यटक सम्पर्कविहीन भएका छन् । बाग्लुङको ढोरपाटनबाट रुकुमपूर्व हुँदै डोल्पाको तल्लो सेराका लागि हिँडेका ११ पर्यटक पाँच दिनदेखि सम्पर्कविहीन भएका हुन् ।
गुल्मीमा प्रतिनिधिसभा निर्वाचनमा केन्द्रीय नेताहरुबीच प्रतिस्पर्धा हुने
प्रतिनिधि र प्रदेशसभा सदस्य निर्वाचनमा गुल्मी जिल्लामा केन्द्रीय नेताहरुबीच प्रतिस्पर्धा हुने भएको छ । दुई प्रतिनिधिसभा निर्वाचन क्षेत्र र चार प्रदेशसभा निर्वाचन क्षेत्र रहेको यस जिल्लामा प्रतिनिधिसभा सदस्य निर्वाचनका लागि चार केन्द्रीय नेताहरुबीच प्रतिस्पर्धा हुने भएको हो ।
दर्जनौँ बस्ती डुबानमा, पाकेको धानबालीमा क्षति
पछिल्लो चार दिनदेखिको अविरल वर्षाका कारण नवलपरासीको दक्षिण क्षेत्रका दर्जनौँ बस्ती डुबानमा परेका छन् भने सयौँ बिघा धानबालीमा क्षति पुगेको छ ।
पहिरो खसेर कालीगण्डकी कोरिडोर अवरुद्ध
कालीगण्डकी करिडोर अन्तर्गत पीपलडाँडा–रामपुर सडक खण्डको सहदीखोला पहिरो खस्दा यातायात सेवा अवरुद्ध भएको छ । रम्भाको पीपलडाँडा र फोक्सिङकोटको सिमाना सहदीखोलामा डाँडा भाँसिएपछि कालीगण्डकी कोरिडोर अबरुद्ध बनेको हो ।
पाल्पामा पहिरोले गाउँ नै विस्थापित
पहिरोको जोखिममा परेपछि पाल्पाको निस्दी –३, स्थित क्याङ्रुङ् गाउँका बासिन्दा विस्थापित बनेका छन् । वर्षात्ले क्याङ्रुङ्मा गएको पहिरोले गाउँ नै लग्न थालेपछि सो गाउँका ४५ घरधुरी गाउँबाट बिस्थापित भएर सुरक्षित स्थानमा सरेका हुन् ।
गुल्मीका अधिकांश सडक अवरुद्ध
विगत पाँच दिनदेखि परेको वर्षाका कारण गुल्मीका अधिकांश सडकहरु अवरुद्ध भएका छन् । जिल्लाको कालीगण्डकी गाउँपालिकाको अर्बेनीदेखि पुर्तिघाट सडकखण्डको बीच बीचमा पहिरो खसेका कारण सडक अवरुद्ध भएको हो ।
बर्दियाको जब्दी पुल बाढीले बगायाे
मङ्गलबार रातिदेखि परेको अविरल वर्षाले बबई नदीमा आएको बाढीले बर्दियाको सदरमुकाम गुलरिया र बारबर्दिया जोड्ने जब्दी पुल बगाएको छ । यसअघि २०७४ साउन २८ गते आएको बाढीका कारण १६ करोड ६८ लाख रुपियाँ लगानीमा बनेको ४२५ मिटर लम्बाईको उक्त पुलका तीनवटा स्पान भासिएका थिए ।
सिक्टा सिचाइँले बनाएको बाँध फुट्यो, राप्ती सोनवर्षा गाउँमा पस्यो
मंगलबार रातिदेखि परेको अविरल वर्षाका कारण राप्ती नदीमा आएको बाढीले नरैनापुर वडा नम्बर ६ शोनवर्षा, गंगापुर र कुदरबेटवा पूर्णरुपमा डुबानमा परेका छन् ।
राप्तीमा हालसम्मकै ठूलो बाढी, सतह ८.५५ मिटर नाघ्यो
बाँकेको पूर्बी क्षेत्रका तीन पालिकालाई छोएर बग्ने राप्ती नदीमा यस वर्षकै ठूलो बाढी आएको छ । तीन दिनदेखि भइरहेको अविरल बर्षाले गर्दा नदीको सतह पहिलो पटक हालसम्मकै उच्च विन्दुमा पुगेको हो ।
बाढीको भेलमा गाउँ डुब्यो, डुङ्गाबाट उद्धार गरिँदै (फोटो फिचर)
लगातारको वर्षाका कारण दाङको लमही नगरपालिका वडा नं ८ धनपुरुवा गाउँ बाढीको भेलमा डुबेको छ । राप्ती नदीमा आएको बाढीले धनपुरुवा गाउँलाई डुवान पारेको हो । उद्धार कार्य जारी रहेको छ ।
प्युठानमा पहिरोले चार घर पुरियो
अत्यधिक वर्षाका कारण जिल्लाको माण्डवी गाउँपालिका–४ फरिण्डेमा पहिरोले चार घर पुरिएको छ । स्थानीय बोमबहादर बुढामगरको घर सहित चार घर पहिरोले पुरिएको वडा अध्यक्ष डिलबहादुर घर्तिले बताउनुभयो ।
पहिरोले प्यूठानका अधिकांश सडक अवरुद्ध
प्यूठान भालुबाङ सडकखण्ड अवरुद्ध भएको छ । लगातारको वर्षाको कारण पहिरो जाँदा गएरातिदेखि सडक अवरुद्व भएको हो। प्यूठान भालुबाङ सडकखण्ड अन्तर्गतको खहरेखोला, सिमलचौर, चेरनेटा आसपासका विभिन्न ठाउँमा पहिरो खसेको जिल्ला प्रहरी कार्यालय प्यूठानले जानकारी दिएको छ ।
-original-thumb.jpg)
डुबानले नरैनापुरका पाँच हजार बढी स्थानीय प्रभावित
तीन दिनदेखि लगातार भैरहेको वर्षाका कारण बाँकेको नरैनापुर गाउँपालिका सबैभन्दा बढी प्रभावित बनेको छ । सो पालिकाका करिब पाँच हजार स्थानीय बासिन्दा प्रत्यक्ष रुपमा प्रभावित भएको गाउँपालिकाले जनाएको छ ।
आर्यभन्ज्याङ–रामपुर सडक दुई दिनदेखि अवरुद्ध
अविरल वर्षाले सडकमा पहिरो खसेपछि जिल्लाका मुख्य राजमार्ग र सहायक मार्गहरू अबरुद्ध बनेका छन् । जिल्लाको सहायक राजमार्गको रुपमा रहेको आर्यभाङ्ज्याङ्–रामपुर सडकखण्ड दुई दिनदेखि अबरुद्ध बनेको छ ।
अविरल वर्षाका कारण वालिङका पाँच घर जोखिममा
अविरल वर्षासँगै पहिरो जाँदा वालिङ नगरपालिका वडा नम्बर १३ को बायँटारी ठुलाखेतका पाँच घर जोखिममा परेका छन् । अविरल वर्षासँगै पहिरो जाँदा बायँटारीका ती पाँच घर अगाडि पहिरो गएको छ ।
विनयी त्रिवेणीमा ७० घर डुबानमा, दुई सय हेक्टर धान बाली नष्ट
पूर्वी नवलपरासीको विनयी त्रिवेणी गाउँपालिका–१ को बगुवनमा नारायणी नदीमा आएको बाढीले ७० घर डुबानमा परेका छन् । मध्यवर्ती क्षेत्रका कारण गाउँपालिकाको सडक सञ्जालबाट जोडिन नसकेको वडा नं १ को बगुवन चारैतिरबाट नारायणी नदीको भेलले घेरिएको गाउँपालिकाका अध्यक्ष घनश्याम गिरीले जानकारी दिनुभयो ।
हातहतियार बुझाउन रुपन्देही प्रशासनको निर्देशन
जिल्ला प्रशासन कार्यालय रुपन्देहीले इजाजत प्राप्त हातहतियार बुझाउन निर्देशन दिएको छ । एक सूचना जारी गर्दै प्रशासनले कात्तिक ५ गतेभित्र हातहतियार बुझाइसक्न सम्बद्ध पक्षलाई निर्देशन दिएको हो ।
नारायणीको बाढी सुस्तातर्फको बाँध भत्काएर वस्ती पस्यो
तीन दिनदेखि लगातार परेको वर्षाका कारण नारायणी नदीको बाढी नवलपरासीको सुस्तामा बाँध भत्काएर गाउँमा पसेको छ । बाढी गाउँ पसेपछि सुस्तामा त्रास फैलिएको छ ।
पहिरोका कारण १४ घरधुरीका ५७ जना विस्थापित
जिल्लामा पहिरोको उच्च जोखिमका कारण १४ घरका ५७ जनालाई सुरक्षित स्थानमा सारिएको छ । अविरल परेको वर्षाका कारण घरहरू जोखिममा परेपछि प्रहरीले नजिकका स्कुल, स्वास्थ्य चौकी र आफन्तको घरमा उहाँहरुलाई सारिएको हो ।
खोलाले बगाउँदा एकको मृत्यु
पाल्पाको रिब्दीकोट –६, ठिमुरेस्थित मन्दीखोलाले बगाएर एक जना बालिकाको मृत्यु भएको छ । मृत्यु हुनेमा रिब्दीकोट –५, नयाँटोला बस्ने पाँच वर्षकी प्रिन्सु पचभैँया रहनुभएको छ ।
