उपत्यकामा खुम्चँदै ‘कम्युनिस्ट’ प्रभाव
जनआन्दोलन २०४६ पछिका निर्वाचनमा काठमाडौँ उपत्यकामा कम्युनिस्ट पार्टीले आफ्नो प्रभाव बढाए पनि आम निर्वाचन २०७९ को अन्तिम मत परिणामले कमजोर देखाएको छ । २०४८, २०५१, २०५६, २०६४, २०७४ को निर्वाचनमा कुनै न कुनै कम्युनिस्ट पार्टीले निर्वाचनमा बलियो प्रभाव देखाए पनि यो निर्वाचनमा कुनै पनि कम्युनिस्ट पार्टीले काठमाडौँ उपत्यकामा प्रभाव देखाउन सकेनन् ।
उपत्यकाबाट प्रदेश सभामा माओवादी शून्य
उपत्यकाबाट प्रतिनिधि सभामा जस्तै प्रदेश सभामा पनि नेकपा (माओवादी केन्द्र) शून्य भएको छ । काठमाडौँ, ललितपुर र भक्तपुरका प्रदेश सभाका ३० मध्ये छ स्थानमा माओवादी केन्द्रको उम्मेदवारी थियो । उनीहरू सबै पराजित भए । भक्तपुरको प्रदेश सभाका चार क्षेत्रमा माओवादी केन्द्रका उम्मेदवार थिएनन् । ललितपुर क्षेत्र नं. १ (क)मा माओवादीका उम्मेदवार पराजित भए भने (ख)मा उम्मेदवारी थिएन । काठमाडौँ क्षेत्र नं. ३ (क)मा माओवादीको उम्मेदवारी थियो तर पराजित भए । काठमाडौँ क्षेत्र नं. ६ को (क) र (ख)मा उम्मेदवारी भए पनि पराजित भए । काठमाडौँ क्षेत्र नं. १० (क) र (ख)मा उम्मेदवारी थियो तर पराजित भए ।
शैक्षिक गुणस्तर सुधारका लागि तीन साझेदारसँग सहमति पत्रमा हस्ताक्षर
काठमाडौँ महानगरपालिकाको शिक्षा विभागले शैक्षिक क्रियाकलापलाई व्यवहारिक र जीवन उपयोगी बनाउन विभिन्न ३ वटा संस्थासँग सहकार्य सम्झौता गरेको छ।
गृहमन्त्री खाण र अध्यक्ष राउतबीच सहमति र सहकार्यबारे कुराकानी
गृहमन्त्री बालकृष्ण खाण र जनमत पार्टीका अध्यक्ष डा.सिके राउतबीच भेटवार्ता भएको छ ।
यी हुन् माओवादीका प्रतिनिधि सभाका १७ सांसद
मङ्सिर ४ गते सम्पन्न संघीय चुनावमा प्रतिनिधि सभामा प्रत्यक्षतर्फ नेकपा (माओवादी केन्द्र) ले हालसम्म १७ निर्वाचन क्षेत्रमा विजयी हासिल गरेको छ ।
प्रतिनिधिसभा निर्वाचनमा १० उम्मेदवार दुई सयभन्दा कम मतले पराजित
प्रतिनिधिसभा निर्वाचनमा एक सय ६२ जना निर्वाचित हुँदा १० उम्मेदवार जम्मा दुई सय मतभन्दा कम मतान्तरले पराजित भएका छन्।
सरकार र विप्लव माओवादीबीच वार्ता : मुद्दा चाँडो टुंग्याइने
सरकार र नेत्रविक्रम चन्द नेतृत्वको नेपाल कम्युनिष्ट पार्टीबीच यसअघि दुई पक्षबीच भएको सहमति कार्यान्वयन गर्ने विषयमा वार्ता भएको छ ।
प्रधानमन्त्रीसँग डा.राउतको भेट : आपसी सहकार्यका विषयमा छलफल
प्रधानमन्त्री एवम् नेपाली कांग्रेसका सभापति शेरबहादुर देउवासँग जनमत पार्टीका अध्यक्ष डा. सीके राउतले भेट गर्नुभएको छ ।
मधेश प्रदेश : मुख्यमन्त्री आकाङ्क्षीको लर्को
मधेश प्रदेश सभा सदस्यको प्रत्यक्षतर्फको मतगणना सकिएलगत्तै सरकार नेतृत्वको चर्चा चल्न थालेको छ। प्रदेशमा प्रत्यक्षतर्फको मतगणनाअनुसार सत्ता गठबन्धन दलले सामान्य बहुमत प्राप्त गरेको छ। तर, दलको हिसाबमा नेकपा(एमाले) पहिलो र नेपाली कांग्रेस दोस्रो दल बनेको छ।
समानुपातिक मतगणना : एक करोड दुई लाख गणना हुँदा एमाले पहिलो दल
मङ्सिर ४ गते भएको निर्वाचनमा समानुपातिकतर्फ एक करोड दुई लाख ६४ हजार ५३ मतगणना हुँदा नेकपा (एमाले)ले सबैभन्दा बढी मत पाएको छ।
पार्टीभित्र अन्तर्घात गर्ने जोसुकै भए पनि कारबाही हुन्छ: ढुङ्गाना
नेपाली कांग्रेस अनुशासन समितिका संयोजक आनन्दप्रसाद ढुङ्गानाले पार्टीभित्र अन्तर्घात गर्नेलाई कारबाही गरिने बताउनुभएको छ ।
‘कांग्रेस नेतृत्वमै गठबन्धनको सरकार बन्छ’–डा. शेखर कोइराला
नेपाली कांग्रेसका नेता तथा प्रतिनिधि सभाका नवनिर्वाचित सांसद डा. शेखर कोइरालाले वर्तमान गठबन्धनले नै सरकार बनाउने बताउनुभएको छ ।
अर्थतन्त्र सुधारका लागि निजी क्षेत्रसँग सहकार्य आवश्यक : महामन्त्री थापा
नेपाली कांग्रेसका महामन्त्री गगनकुमार थापाले अर्थतन्त्रमा देखिएको समस्या समाधानका लागि निजी क्षेत्रसँग सहकार्य आवश्यक रहेको बताउनुभएको छ ।
मेरो नेतृत्वमा पुस पहिलो सातामा नयाँ सरकार गठन हुन्छ: नेता पौडेल
नेपाली काँग्रेसका वरिष्ठ नेता रामचन्द्र पौडेलले पुस पहिलो हप्ता भित्र नयाँ सरकार बन्ने बताउनु भएको छ । नेपाल प्रेस युनियन चितवनले बिहीबार भरतपुरमा आयोजना गरिएको पत्रकार भेटघाट कार्यक्रममा बोल्दै उहाँले मङ्सिर अन्तिम सम्म निर्वाचनको अन्तिम घोषणा भइसक्ने र साउन पहिलो सातामा नयाँ सरकार बन्ने जानकारी दिनुभयो ।
माओवादी अध्यक्ष दाहाल सुकुटेमा
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ सिन्धुपाल्चोकको सुकुटे आउनुभएको छ।
समानुपातिकतर्फ पाँचथरमा एमालेलाई सबैभन्दा धेरै मत
प्रत्यक्षतर्फबाट प्रतिनिधि सभामा ४६ मत अन्तरले कांग्रेसलाई पछाडि पारेको नेकपा (एमाले)लाई समानुपातिक तर्फ पाँचथर जिल्लाबाट सात हजार भन्दा धेरै मत प्राप्त भएको छ।
समानुपातिकमा २७ लाख मतसहित एमाले पहिलो दल
समानुपातिकतर्फको मतगणनामा नेकपा (एमाले)ले २७ लाख मत कटाएको छ। निर्वाचन आयोगकाअनुसार बुधबारसम्मको गणनामा एमालेले २७ लाख २० हजार ६३९ मत पाएको छ। नेपाली कांग्रेसले २५ लाख ८५ हजार ९० मत पाएको छ।
कांग्रेस नेता निधि र जनमत पार्टीका अध्यक्ष राउतबीच भेट
नेपाली कांग्रेसका पूर्व उपसभापति विमलेन्द्र निधि र जनमत पार्टीका अध्यक्ष सीके राउतबीच भेटवार्ता भएको छ।
सबै शक्तिलाई जोड्ने नेतृत्व आवश्यक छ : महामन्त्री थापा
नेपाली कांग्रेसका महामन्त्री गगनकुमार थापाले सबै शक्तिलाई जोड्नसक्ने नेतृत्व आवश्यक भएको बताउनुभएको छ। उहाँले भन्नुभयो, “नेतृत्वले चाहेमा दश वर्षमा विकासको क्षेत्रमा कायापलट गर्न सक्छ। विकासमा चमत्कार गर्न सक्ने र सबैको चाहना बुझ्ने नेतृत्व चाहिएको छ।”
प्रदेश सभामा १२ स्वतन्त्र उम्मेदवार विजयी
निर्वाचन आयोगले सार्वजनिक गरेको विवरण अनुसार प्रदेश २ मा सबैभन्दा बढी प्रदेश सभातर्फ ६ जना स्वतन्त्र उम्मेदवार विजयी भएका छन्।
अध्यक्ष लिङ्देनद्वारा पुल शिलान्यास
झापा क्षेत्र ३ बाट नवनिर्वाचित सांसद राजेन्द्र लिङ्देनले वुधबार एकै दिन तीन वटा पुलको शिलान्यास गर्नुभएको छ । राप्रपा अध्यक्ष समेत रहनुभएका लिङ्देनले हल्दीबारी गाउँपालिकामा निर्माण हुन लागेको तीन पक्की पुलको शिलान्यास गर्नुभएको हो ।
झापामा १६ दलले सय मत कटाएनन्
झापामा निर्वाचनमा ५३ वटा राजनीतिक दल समानुपातिक निर्वाचनमा सहभागिता भएकोमा १६ वटा राजनीतिक दलहरु एक सय मतपनि नकटाएको पाईएको छ ।
पाँचथरमा एमालेका नेम्वाङ ४६ मत अन्तरले विजयी
पाँचथर जिल्लामा प्रदेश र प्रतिनिधि सभा निर्वाचनको अन्तिम मत परिणाम सार्वजनिक भएको छ । मुख्य निर्वाचन अधिकृतको कार्यालयले मंगलबार राती १०ः०० बजे प्रकाशन गरेको अन्तिम परिणाम अनुसार एमालेका वसन्तकुमार नेम्वाङ प्रतिनिधि सभा सदस्यमा निर्वाचित हुनुभएको छ ।
प्रदेश सभा निर्वाचन : माओवादी केन्द्र ५५ स्थानमा विजयी
प्रतिनिधि सभाको प्रत्यक्षतर्फको कुल १६५ स्थानमध्ये १७ स्थानमा विजय हासिल गरेको नेपाल कम्युनिस्ट पार्टी (माओवादी केन्द्र)ले प्रदेशको प्रत्यक्षतर्फ भने हालसम्म ५५ स्थानमा विजय हासिल गरेको छ। प्रदेश १ को प्रदेश सभामा प्रत्यक्षतर्फ माओवादी केन्द्रले सात स्थानमा विजय हासिल गरेको छ। हालसम्म राजेन्द्र कार्की सङ्खुवासभा (क), गणेशप्रसाद उप्रेती मोरङ २ (क), जीवन आचार्य मोरङ ६ (क)मा निर्वाचित हुनुभएको छ। त्यस्तै गोम्बु शेर्पा सोलुखुम्बु १ (क), बाबुराम गौतम ओखलढुङ्गा १ (ख), दुर्गाप्रसाद चापागाईं तेह्रथुम (ख) र नारायणबहादुर मगर उदयपुर २ (क)बाट निर्वाचित हुनुभएको छ। प्रदेश १ को प्रदेश सभामा कुल ५६ स्थान रहेको छ।
एकै परिवारबाट विजयी सांसद
भर्खरै सम्पन्न प्रतिनिधि सभा र प्रदेश सभा सदस्य निर्वाचनमा एकै परिवारका सदस्य तथा आफन्तहरू पनि विजयी भएका छन् । धनुषा निर्वाचन क्षेत्र नम्बर ३ बाट प्रतिनिधि सभा सदस्यमा नेपाल कम्युनिस्ट पार्टी (एमाले)का तर्फबाट निर्वाचित जुली महतो सोही पार्टीका सचिव रघुवीर महासेठकी श्रीमती हुनुहुन्छ । महासेठ पनि धनुषा क्षेत्र नं. ४ बाट प्रतिनिधि सभा सदस्यमा निर्वाचित हुनुभएको छ । महतो पहिलो पटक प्रतिनिधि सभा सदस्यमा प्रत्यक्ष निर्वाचित हुनुभएको हो । उहाँ यसअघि दुई पटक पार्टीका तर्फबाट समानुपातिक सांसद हुनुहुन्थ्यो ।
