अहिले पनि नेपाल अर्धऔपनिवेशिक अवस्थामा छ : अध्यक्ष केसी
राष्ट्रिय जनमोर्चाका अध्यक्ष चित्रबहादुर केसीले देश अर्धऔपनिवेश अवस्थामा रहेको बताउनुभएको छ । राजधानीमा आयोजित 'नेपालमा समाजवादः चुनौती र सम्भावना' विषयक अन्तरक्रिया कार्यक्रममा आफ्नो धारणा राख्नुहुँदै उहाँले साे धारणा राख्नुभएकाे हाे ।
टिकट नपाएपछि पार्टीभित्र अन्तरघात : उपसभापति खड्का
नेपाली कांग्रेसका केन्द्रीय उप–सभापति पूर्णबहादुर खड्काले टिकट नपाएको झोकमा पार्टीभित्रै अन्तरघात भएको बताउनुभएको छ । आइतबार सुर्खेतमा भएको स्थानीय तह निर्वाचन–२०७९ बाट निर्वाचित कांगे्रस जनप्रतिनिधिलाई शुभकामना एवम् अभिमुखीकरण कार्यक्रममा उपसभापति खड्काले यस्तो बताउनुभएको हो ।
राजनीतिक उपलब्धिका कारण जीवन फेर्न सक्यौं कि सकेनौं ? : माओवादी नेता श्रेष्ठ
नेकपा (माओवादी केन्द्र)का नेता नारायणकाजी श्रेष्ठले समसामयिक राजनीतिक तथा सैद्धान्तिक विषयमा बोल्नुहुँदै राजनीतिक उपलब्धीबाट जनताको जीवन फर्न सक्यौं कि सकेनौं भन्ने प्रश्न गर्नुभएको छ ।
समाजवादीको केन्द्रीय परिषदमा साङ्गठानिक प्रतिवेदनमाथि छलफल
नेकपा (एकीकृत समाजवादी) को केन्द्रीय परिषद् बैठक काठमाडौंको कमलादीस्थित प्रज्ञा भवनमा जारी छ । बैठकमा पार्टी अध्यक्ष माधवकुमार नेपालले राजनीतिक प्रतिवेदन पेश गर्नुभएको छ । उहाँले समसामयिक राजनीतिक परिस्थितिको विश्लेषण, पार्टी गठन, विस्तार एवम् परिचालनलगायत राष्ट्रिय तथा अन्तर्र्राष्ट्रिय विषयमा आफ्नो धारणा व्यक्त गर्नुभएको सो दलका नेताहरुले बताउनुभयो ।
राष्ट्रपतिसमक्ष चारमन्त्रीद्वारा मन्त्री पदको शपथ ग्रहण : आजै पदबहाली गर्दै
राष्ट्रपति विद्यादेवी भण्डारीसमक्ष नवनियुक्त चारजना मन्त्रीले सोमबार राष्ट्रपति भवनमा मन्त्री पदको पद तथा गोपनीयताको शपथ ग्रहण गर्नुभएको छ ।
प्रवेशद्वार निर्माणमा होडबाजी
विकास निर्माणभन्दा पनि प्रचारप्रसारमा सङ्घ तथा प्रदेशका सांसद र स्थानीय तहका प्रमुखहरु जुटेपछि बारामा अनावश्यक रुपमा करोडौँ रुपियाँ बजेट स्वागत द्वार निर्माणमा खर्चिएको छ ।
राजनीतिक स्थायित्वका लागि प्रत्यक्ष निर्वाचन आवश्यक : महामन्त्री थापा
अमरराज नहर्कीतनहुँ, असार १२ गते। नेपाली कांग्रेसका महामन्त्री तथा पूर्वमन्त्री गगन थापाले राजनीतिक स्थायित्वको लागि प्रत्यक्ष निर्वाचन प्रणाली आवश्यकता देखिएको बताउनु भएको छ। नेपाली कांग्रेस क्षेत्र नम्बर २ द्वारा आइतबार शुक्लागण्डकी ४ दुलेगौँडामा आयोजित नवनिर्वाचित जनप्रतिनिधिलाई सम्मान तथा प्रशिक्षण कार्यक्रमलाई सम्बोधन गर्दै उहाँले सो कुरा बताउनु भएको हो। ‘‘प्रत्यक्ष निर्वाचन प्रणालीबाटै दलित, महिला, अल्पङ्ख्यकको उचित प्रतिनिधित्व कसरी गर्न सकिन्छ भन्ने विषयमा छलफल गरौँ होइन भने, कुनै एकल पार्टीको बहुमत सरकार नबन्ने हो’’, थापाले भन्नुभयो। अनिवार्य रुपमा गठबन्धन वा तालमेलमा जानुपर्ने महामन्त्री थापाको भनाइ थियो। सरकार निर्माणको लागि गठबन्धन र तालमेल भनेको भागबण्डा मात्र हो भन्दै गइयो भने नेपालको राजनीतिक व्यवस्थामाथि नै लगातार जनविश्वास गुम्दै जाने उहाँको भनाई थियो। उम्मेदवारको अलमल हटाउन साउनमै गठबन्धनको टुङ्गो लगाइने बताउनुभयो।‘‘कुन क्षेत्रमा लड्ने भन्ने अलमल हटाउन साउनको अन्तिम सातासम्ममा उम्मेदवार हुने वा नहुने टुङ्गो लगाउँछौं’’, महामन्त्री थापाले भन्नुभयो। सङ्घ तथा प्रदेशको चुनावको असारको अन्तिममा मिति घोषणा हुने र कात्तिक ३० निर्वाचन गर्ने तयारी रहेको जानकारी दिँदै महामन्त्री थापाले चुनाव लड्ने क्षेत्रको अलमल हटाउनमा साउमै टुङ्गो लगाइने बताउनुभयो।
एमाले आत्मनिर्भर र राष्ट्रिय अर्थतन्त्रको पक्षमा छ : अध्यक्ष ओली
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले हालै सरकारले ल्याएको आर्थिक वर्ष २०७९–८० को बजेटले समग्र नेपालीको हितमा नदेखिएको आलोचना गर्नुभएको छ । यसअघिको सरकारले ल्याएको राम्रो कार्यक्रमलाई वर्तमान सरकारले निरन्तरता दिन नसकेको उहाँले गुनासो गर्नुभयो ।
मन्त्रिपरिषद्मा चार नयाँ अनुहार : शपथ सोमबार
हेरफेरपछि मन्त्रिपरिषद्मा प्रधानमन्त्री, २० मन्त्री र तीन राज्यमन्त्री रहनुभएकाे छ। नवनियुक्त मन्त्रीको शपथ सोमबार बिहान ११ बजे ।
मन्त्रिपरिषद् हेरफेर (सूचीसहित)
राष्ट्रपति विद्यादेवी भण्डारीले आइतबार मन्त्रिपरिषद् हेरफेर र कार्यविभाजन गर्नुभएको छ ।
शहरी विकासमन्त्री झाँक्री भावुक हुँदै बिदा
काठमाडौं, असार १२ गते। शहरी विकास मन्त्री रामकुमारी झाँक्रीले आइतबार साँझ औपचारिकरुपमा बिदा हुनुभएको छ। मन्त्रालयमा “फेरि भेटौंला” कार्यक्रम आयोयजना गर्नुहुँदै झाँक्री आठ महिना २० दिनको कार्यकालपछि बिदाई हुनुभएको हो।“सहयोग गर्ने सचिव, समग्र टिमप्रति धेरै धन्यवाद दिन चाहन्छु, काम गर्दै जाउला, सल्लाह, सुझाव दिने साथीहरु, मन्त्रालयको टिमलाई धन्यवाद दिन्छु”, उहाँले भन्नुभयो। बिदाई कार्यक्रममा भावुक बन्नुहुँदै झाँक्रीले पार्टीबाट निर्णय गरेर मन्त्री भएको तर पार्टीमा केही समयपछि साथीहरुले दिन गन्ती गर्न थाल्नुभएको गुनासो पोख्नुभयो। मन्त्री हेरफेरको विषय मिडियाबाट थाहा पाउनुपरेको भन्दै उहाँले दुःख व्यक्त गर्नुभयो। झाँक्रीको नेतृत्वमा गरेका काम, कारबाही मन्त्रालयले सार्वजनिक गरेको छ।
सबल अर्थतन्त्रका लागि उत्पादन वृद्धि आवश्यक छ : राष्ट्रपति भण्डारी
राष्ट्रपति विद्यादेवी भण्डारीले सबल राष्ट्रिय अर्थतन्त्र निर्माणका लागि वन-पैदावारजन्य उत्पादनमा वृद्धि हुनुपर्ने बताउनुभएको छ।
सर्वोच्चको आदेशले सडक विस्तार रोकियो : मन्त्री झाँक्री
सहरी विकासमन्त्री रामकुमारी झाँक्रीले सर्वोच्च अदालतको आदेशका कारण सडक विस्तारको काम रोकिएको बताउनुभएको छ।
लोसपा र लोक दलबीच पार्टी एकता
काठमाडौं, असार १२ गते। लोकतान्त्रिक समाजवादी पार्टी (लोसपा) र कौशल सिंह नेतृत्वको लोक दलबीच पार्टी एकता भएको छ। काठमाडौंको बबरमहलस्थित लोसपाको केन्द्रीय कार्यालयमा लोसपा र लोक दलबीच पार्टी एकता घोषणा कार्यक्रम भएको हो। कार्यक्रममा बोल्नुहुदै लोसपा अध्यक्ष महन्थ ठाकुरले मधेस एवम् थारु आन्दोलन, सामाजिक तथा जातिय विभेद लगायत समसमायिक राजनीतिक विषयमा आफ्नो धारणा राख्नुभयो।दोस्रो संविधानसभाबाट नेपाल बहुराष्ट्रिय राज्यको परिभाषासहित जुन संविधान बन्यो, सहमतिका विषय कार्यान्वयन हुन नसकेको बताउनुभयो। थरुहट, टीकापुर लगायतका आन्दोलनमा कडाइका साथ दमन भएको र यसका मुद्दाहरु अहिले पनि चलिरहेको उहाँले भन्नुभयो। नागरिकता सम्बन्धि विधेयक मधेशलाई मात्र होइन, सिंगो देशलाई नै चाहिएको ठाकुरले बताउनुभयो। वर्तमान अवस्थामा नेपाली काँग्रेस नेतृत्वको गठबन्धन र प्रतिपक्षी नेकपा एमाले सैबसँग मित्रवत् सम्बन्ध रहेको उहाँले प्र्रष्ट पार्नुभयो। समग्रमा मधेश आन्दोलनका माग एवम् मुद्दालाई सरकार र शीर्ष राजनीतिक दलले गम्भीरतापूर्वक लिनुपर्नेमा उहाँँले जोड दिनुभयो।
गणपूरक संख्या नपुगेर स्थगित प्रतिनिधिसभाको बैठक सुरु
आजै आधा घन्टाका लागि स्थगित भएको प्रतिनिधिसभाको बैठक सुरु भएको हो।
संस्कृतिमन्त्री आलेद्वारा पदबाट राजीनामा
काठमाडौं, असार १२ गते। संस्कृति, पर्यटन तथा नागरिक उड्डयनमन्त्री प्रेम आलेले पदबाट राजनीमा दिनुभएको छ। आइतबार प्रतिनिधिसभा संसद्को बैठकबाट बाहिरिने क्रममा सञ्चारकर्मीसँग बोल्नुहुँदै उहाँले मन्त्री पदबाट राजीनामा दिनुभएको बताउनुभयो।“शुक्रबारको पोलिट्ब्यूरो बैठकमा नै ४८ घण्टाभित्र राजीनामा दिन्छु भनेको थिएँ। यसको १५ मिनेट अगाडि नै समयभित्र राजीनामा दिएँ”, आलेले बताउनुभयो।मन्त्रालय अन्तर्गत उठेका जवाफ फर्काउन परेकोले पार्टीको निर्णय कार्यान्वयनमा केही समय लागेको र अब आफ्नो दायित्व पूरा भएको उहाँले उल्लेख गर्नुभयो। “पार्टीले सांसद बनाउने, मन्त्री बनाउने र निर्देशन बमोजिम फिर्ता हुने हो, निर्णय स्वीकार्य छ। पहिलो चरणमा बजेटको सेसन चलिरहेकोले जवाफ दिएर फर्कने भएकाले”, उहाँले आफ्नो कार्यकालमा राम्रो काम गरेको दाबीसमेत गर्नुभयो।राजीनामा पार्टीमा दिइसकेको र सम्बन्धित पत्र पार्टीले सरकारसमक्ष पठाइसकेको उहाँको भनाइ छ।
अन्तर्घात गर्ने १०४ जना नेता कार्यकर्तासँग बाँके काँग्रेसले स्पष्टीकरण सोध्ने निर्णय
हालै सम्पन्न निर्वाचनमा अन्तर्घात गरेको ठर गरेर नेपाली कांग्रेस बाँकेले १०४ जना नेता कार्यकर्तासँग स्पष्टीकरण सोध्ने निर्णय गरेको छ । नेपाली कांग्रेस जिल्ला अनुशासन समिति बाँकेको बैठकले पार्टीका आधिकारिक उम्मेदवारलाई अन्तर्घात गरेको भन्दै १०४ जना नेता कार्यकर्तालाई स्पष्टीकरण सोध्ने निर्णय गरेको हो ।
प्रतिनिधिसभाको शून्य समयमा कुन सांसदले के भन्नुभयाे ?
काठमाडौं, असार १२ गते। प्रतिनिधिसभा बैठकको शून्य समयमा सांसदले समसामयिक विषयमा धारणा राख्नुभएको छ। अमृता थापाले उपसभामुख र राष्ट्रिय सभाको उपाध्यक्षको निर्वाचन गरी सङ्घीय संसदलाई पूर्णता दिन माग गर्नुभएको छ। आइतबारको प्रतिनिधिसभा बैठकको शून्य समयमा बोल्दै प्रतिनिधिसभा सदस्य थापाले उपसभामुख र राष्ट्रिय सभाको उपाध्यक्षको पद लामो समयदेखि खाली भएको उल्लेख गर्दै तत्काल निर्वाचन गरेर सङ्घीय संसदलाई पूर्णता दिन माग गर्नुभएको हो। उहाँले यसपालिको स्थानीय तहको निर्वाचनमा १२४ जना दलित महिला सदस्य खाली भएको भन्दै कानुन संशोधन गरेर भए पनि खाली ठाउँमा जनप्रतिनिधिको सङ्ख्यालाई पूर्णता दिने व्यवस्था गर्न पनि माग गर्नुभयो।प्रतिनिधिसभा सदस्य आशाकुमारी बिकले गत कार्तिक ३० गते बझाङमा आएको वर्षाले ११ सय घर परिवार विस्थापित भएको भन्दै पूर्ण क्षति भएका घर अझै बन्न नसकेकोप्रति सरकारको जवाफ माग गर्नुभयो। उहाँले विपद् व्यवस्थापनमा सरकारको तयारी के छ त्यसको पनि जवाफ माग गर्नुभयो। प्रतिनिधि सभा सदस्य इन्दुकुमारी शर्माले नागरिकता विधेयक पास नहुँदा कतिपय नागरिकले देशभित्रै अनागरिकसरह कष्टकर जीवन बाँच्नुपरेको बताउनुभयो।उहाँले संसदको चालु अधिवेशनमै नागरिकता विधेयक पारित गर्न माग गर्नुभयो। प्रतिनिधिसभा सदस्य कलिला खातुनले काठमाडौंमा हैजा फैलिएको समाचार आएको उल्लेख गर्दै यसतर्फ सरकारको ध्यानाकर्षण गराउनुभयो।प्रतिनिधिसभा सदस्य कृष्णगोपाल श्रेष्ठले गत जेठ १४ गते बजेट तयारीमा अर्थ मन्त्रालयमा अनधिकृत व्यक्तिको हस्तक्षेप भएको भन्दै उहाँले अर्थ मन्त्रालयको सो दिनको फुटेज सार्वजनिक गर्न माग गर्नुभयो।प्रतिनिधिसभा सदस्य कृष्णभक्त पोखरेलले विपद् व्यवस्थापनका लागि पूर्व तयारी, उद्धार, राहत र पुनस्र्थापनाका लागि सरकारको ध्यानाकर्षण गराउनुभयो। उहाँले सांसदलाई पनि विपद् अनुगमनका काममा प्रत्यक्ष सहभागी हुन आग्रह गर्नुभयो। उहाँले नारायणगढ-मुग्लिन सडकखण्डमा दैनिक रुपमा हुने पहिरोको समस्यालाई दीर्घकालीन रुपमा समाधान गर्न सरकारसँग माग गर्नुभयो।प्रतिनिधि सभा सदस्य खगराज अधिकारीले प्रधानन्यायाधीश चोलेन्द्र शमशेर जबरा विरुद्धको महाअभियोग प्रस्ताव संसदीय समितिमा लगेर छानबिन र सुनुवाइ हुनुपर्ने बताउनुभयो। प्रतिनिधि सभा सदस्य गणेश सिंह ठगुन्नाले बजारमा महँगी बढेकाले बजारमा हुने कालोबजारी र महँगी नियन्त्रण गर्न सरकारको ध्यानाकर्षण गराउनुभयो।प्रतिनिधि सभा सदस्य गङ्गा चौधरीले बलात्कारमा संलग्न राजनीतिक पहुँचवाला व्यक्ति जोडिएको मुद्दा कमजोर बनाउन महान्यायाधिवक्ता र उनको सचिवालय सक्रिय भएको आरोप लगाउनुभयो। सङ्गीता थोकरलाई सरुवा गरिएको उल्लेख गर्दै उहाँले सरुवा बदर गर्न माग गर्नुभयो। उहाँले महान्यायाधिवक्ता बलात्कारको अभियुक्तलाई जोगाउन लागेको भन्दै महान्यायाधिवक्ताको राजीनामा माग गर्नुभयो।प्रतिनिधिसभा सदस्य घनश्याम खतिवडाले बजेट बनाउने क्रममा अर्थमन्त्रीले अनाधिकृत व्यक्तिलाई अर्थ मन्त्रालयमा प्रवेश गराएकाले अर्थमन्त्रीले अविलम्ब राजीनामा गर्नुपर्ने माग गर्नुभयो।उहाँले सरकारले सुशासनको प्रत्याभूति हुनेगरी काम गर्न नसकेको भन्दै सुशासन प्रत्याभूति हुनेगरी काम हुनुपर्ने धारणा राख्नुभयो।
‘नेपाल काठमा आत्मनिर्भर कहिले हुन्छ ?’
राष्ट्रियसभाका सांसदहरुले नेपाल काठमा आत्मनिर्भर कहिले हुन्छ ? भन्दै वन तथा वातावरणमन्त्री समक्ष प्रश्न गरेका छन् । राष्ट्रिय सभाको आजको बैठकमा विनियोजन विधेयक २०७९ अन्तर्गत विभिन्न मन्त्रालयसँग सम्बन्धित विनियोजन शीर्षकमाथिको छलफलका क्रममा सांसदहरुले नेपालमा काठको व्यवस्थापन हुन नसकेको भन्दै काठ आयातलाई कम गर्दै लैजानुपर्नेमा जोड दिनुभयो ।
विघटित कांग्रेसको दुई भ्रातृ सङ्घको अध्यक्षमा तिमिल्सिना र घर्तीमगर नियुक्त
नेपाली कांग्रेसको दुई वटा भ्रातृ सङ्घ संशाेधित विधानबाट म्याद समाप्त भएपछि स्वतः विघटन भएको छ । विघटन भएको नेपाल किसान संघ र नेपाल आदिबासी जनजाति संघलाई पुनःगठन गरेको छ ।
भरतपुर व्यवस्थित गर्ने काम सुरु भइसक्यो: दाहाल
भरतपुर महानगरपालिका प्रमुख रेनु दाहालले भरतपुरको मुख्य कोरएरियामा देखिएको समस्यालाई व्यवस्थित गर्ने कामको थालनी भई सकेको बताउनु भएकोछ ।
विकासको महत्वपूर्ण क्षेत्र पूर्वाधार सरकारको प्राथमिकतामा छ : गृहमन्त्री खाण
काठमाडौं, असार ११ गते। गृहमन्त्री बालकृष्ण खाणले विकासको महत्वपूर्ण क्षेत्र पूर्वाधारलाई सरकारले प्राथमिकतामा राखेको बताउनुभएको छ। सरकारले चाहँदाचाहँदै पनि सम्पन्न गर्न नसकेका पूर्वाधार विकासका आयोजना सम्पन्न गर्न थप जोड दिनुपर्ने उहाँले औँल्याउनुभयो।गृहमन्त्री खाणले रुपन्देहीको तिनाउ नदीमा निर्माण सम्पन्न पुलको शनिबार उद्घाटन गर्दै पूर्वाधार विकाससँगै नागरिकमा सुविधा तथा शान्ति र सुरक्षाको अवस्था सुदृढ हुने बताउनुभयो। उहाँले भन्नुभयो, “पूर्वाधार विकास शान्तिसहित समृद्धिको यात्रा हो।” यो पुल भौतिक पूर्वाधार तथा यातायात मन्त्रालय, सडक विभाग, सङ्घीय सडक सुपरीवेक्षण तथा अनुगमन कार्यालय र सडक डिभिजन बुटवलको आयोजनाका रूपमा १२ वर्षअघि निर्माण सुरु भएको हो।पुलले बुद्ध सर्किट जोड्ने र चार नगरको भाइचारा सम्बन्ध स्थापना गर्न मद्दत पुर्याउने उल्लेख गर्दै उहाँले लुम्बिनीसँगै यस क्षेत्रको आन्तरिक पर्यटन प्रवद्र्धनमा महत्वपूर्ण भूमिका खेल्ने विश्वास व्यक्त गर्नुभयो। सो अवसरमा लुम्बिनी प्रदेशका ग्रामीण तथा सहरी विकासमन्त्री डिल्ली चौधरीले सङ्घीय सरकारले चालेका कदममा प्रदेश सरकार सहयोगीको भूमिका खेल्न तयार रहेको बताउनुभयो। उहाँले प्रदेशबाट हुने हरेक कामका लागि आफूहरू लागिपर्ने बताउनुभयो।विसं २०६७ असार २५ गते ठेक्का सम्झौता भएको उक्त पुल ११ मिटर चौडाइ तथा १८५ मिटर लम्बाइ छ। कूल १३ करोड ८३ लाख १५ हजार ३७८ लागत अनुमान गरिएको पुल ११ करोड ७२ लाख ८८ हजार ९०७ मा ठेक्का सम्झौता भएको सडक डिभिजन कार्यालय बुटवलका इञ्जीनियर अशोक पौडेलले जानकारी दिनुभयो।
समाजवादीको केन्द्रीय कमिटी बैठक : सचिवालयका निर्णय सर्वसम्मत पारित
नेकपा (एकीकृत समाजवादी)को चौथो केन्द्रीय कमिटीको बैठकले पार्टीका तर्फबाट सरकारमा सहभागी चार मन्त्रीलाई फिर्ता बोलाउने सचिवालयको निर्णय सर्वसम्मतले पारित गरेको छ।
नव–नियुक्त भारतीय राजदूत श्रीवास्तव काठमाडौंमा
काठमाडौं, असार ११ गते। नेपालका लागि नव-नियुक्त भारतीय राजदूत नवीन श्रीवास्तव काठमाडौं आइपुग्नुभएको छ। शनिबार अपरान्ह काठमाडौँ ओर्लनु भएका श्रीवास्तव अनुभवी करियर कूटनीतिज्ञ भएको नेपालस्थित भारतीय दूतावासले बताएको छ। काठमाडौँमा जिम्मेवारी लिन आउनु अघि राजदूत श्रीवास्तव भारतीय विदेश मन्त्रालयमा चीन, जापान, कोरिया र मङ्गोलिया मामिला हेर्ने पूर्वी एसिया डिभिजनको प्रमुखको रुपमा कार्यरत हुनुहुन्थ्यो। श्रीवास्तवले सन् २०१५ देखि २०१७ सम्म कम्बोडियाका लागि भारतीय राजदूतका रुपमा काम गरिसक्नु भएको छ। साथै उहाँले वासिङटन, बेइजिङ, संघाई र हङकङमा विभिन्न जिम्मेवार पदमा रही काम गर्नुभएको छ। राजदूत श्रीवास्तवले राष्ट्रपति बिद्या भण्डारीलाई आफ्नो ओहोदाको प्रमाणपत्र बुझाएपछि औपचारिक जिम्मेवारी सम्हाल्नु हुनेछ।
लोकतन्त्रको रक्षाका पक्षमा छौँ : अध्यक्ष नेपाल
नेकपा (एकीकृत समाजवादी)का अध्यक्ष माधवकुमार नेपालले लोकतन्त्रको रक्षाका लागि आफूहरुले तत्कालीन अवस्थामा नेकपा (एमाले) बाट गरेको विद्रोह देश र जनताको पक्षमा रहेको प्रमाणित भएको बताउनुभएको छ।
