• गोरखापत्र अनलाइन
• २३ माघ २०७९, सोमबार

नेपाल पञ्चशीलका सिद्वान्तप्रति प्रतिबद्ध

उपप्रधानमन्त्री एवं भौतिक पूर्वाधार तथा यातायातमन्त्री नारायणकाजी श्रेष्ठले नेपाल पञ्चशीलको सिद्वान्त र असंलग्न परराष्ट्र नीतिप्रति प्रतिबद्ध रहेको बताउनुभएको छ । पाँचौँ स्थापना दिवसका अवसरमा ‘सेन्टर फर डिप्लोमेसी एन्ड डेभलपमेन्ट’ नामक संस्थाद्वारा आइतबार यहाँ आयोजित ‘एसिया तथा प्रशान्त क्षेत्रमा विकास, कूटनीति तथा सुरक्षा’ विषयक संवाद कार्यक्रममा मन्त्री श्रेष्ठले सो धारणा व्यक्त गर्नुभएको हो ।