पर्यटक लोभ्याउँदै फुङ्फुङगे झरना
चन्द्र पन्दाकताप्लेजुङ, असोज १९ गते । ताप्लेजुङको मिक्वाखोला गाउँपालिका–४ साँवामा रहेको फुङ्फुङगे झरना आकर्षक पर्यटकीय गन्तव्य बन्दै गएको छ । हरियाली वनजङ्गल र पहराको बिचबाट झर्ने फुङ्फुङगे झरना आकर्षक पर्यटकीय गन्तव्य बन्दै गएको हो ।यतिबेला स्वच्छ, सफा र आकर्षक झरनाले पर्यटकलाई आकर्षित गराएको छ । पछिल्लो समय प्रचार–प्रसारसँगै फेसबुक, टिकटक, यु–ट्युवजस्ता सामाजिक सञ्जालमा फुङ्फुङगे झरनासम्बन्धी तस्बिर तथा भिडियोहरु पोष्ट हुन थालेपछि पर्यटकहरु अझ आकर्षित भएका छन् ।स्थानीय विजय साँबा लिम्बूका अनुसार अहिले दिनहुँजसो पर्यटकहरु फुङ्फुङगे झरनाको भ्रमणमा पुग्न थालेका छन् । कुनै–कुनै दिन झरनाको भ्रमणमा पुग्ने पर्यटकहरुको निकै भीड हुने गरेको लिम्बूले जानकारी दिनुभयो । फुङ्फुङगे झरनाको भ्रमण गर्नेमा अधिकांस आन्तरिक पर्यटक रहेका छन् भने कुनैबेला विदेशी पर्यटकसमेत पुग्ने गरेका छन् । सरकारले एकसय पर्यटकीय गन्तव्यमा सूचिकृत गरेको फुङ्फुङगे झरनालाई जिल्लाकै प्रमुख पर्यटकीय गन्तव्यका रुपमा विकास गर्नका लागि निरन्तर पहल प्रयत्न पनि भइरहेका छन् । सङ्घ, प्रदेश र स्थानीय सरकारले पर्यटन प्रवद्र्धनको योजना अन्तर्गत बजेटहरु खर्चिन सुरु गरेकाले पनि झरना पर्यटकीय गन्तव्यका रुपमा विकास हुन थालेको मिक्वाखोला गाउँपालिकाका उपाध्यक्ष डण्डु लामाले बताउनुभयो । उहाँकाअनुसार झरनाको सौन्दर्यीकरणका रुपमा पदमार्गको स्तरोन्नति, विश्रामलय निर्माणजस्ता क्रियाकलापले पर्यटकको उपस्थितिका लागि सहयोग पुगेको छ । अझ सडक मार्गमार्फत नै सदरमुकाम फुङ्लिङदेखि फुङ्फुङगे झरना स्थलसम्म पर्यटकको यात्रा सहज बनाउन सडक स्तरोन्नतिको योजना पनि बनिरहेको उहाँले जानकारी दिनुभयो । चालू आर्थिक वर्षका लागि सङ्घीय सरकारबाट झरनाको सौन्दर्यिकरण योजनामा एक करोड रुपियाँ बजेटसमेत विनियोजन भएको बताइएको छ । उक्त पर्यटन प्रवद्र्धनसँग सम्बन्धित बजेट तथा योजना कार्यान्वयनपछि फुङ्फुङगे झरना जिल्लाको एक मुख्य पर्यटकीय गन्तव्यका रुपमा स्थापित हुनेमा आफू विश्वस्त रहेको मिक्वाखोला गाउँपालिका अध्यक्ष भक्तबहादुर कार्की बताउनुहुन्छ ।हाल झरना पुग्नलाई कच्ची सडक भए पनि सदरमुकाम फुङ्लिङदेखि बिहान गएर बेलुका फर्कन सकिन्छ । झरना क्षेत्रमा नै बस्न चाहाने पर्यटकका लागि तेम्बा सामुदायिक होमस्टे (घरबास) सेवा सञ्चालनमा आएको छ भने क्रमशः अन्य होटलहरु पनि सञ्चालनमा ल्याउन सुरु गरिएको छ ।
धारामा चिप्लिएर एकको मृत्यु
गुल्मीमा धारामा चिप्लिएर लड्दा एक जनाको मृत्यु भएको छ । जिल्लाको मुसिकोट नगरपालिका –४, ग्वादिकाचौर बस्ने ४१ वर्षीय सुखबहादुर कुमालको धारामा चिप्लिएर मृत्यु भएको वामी प्रहरी चौकीले जनाएको छ ।
निराहार ब्रत बसी मनाइँदै थारु महिलाको पर्व जितिया
नवलपरासीको नवलपुरमा बसोबास गर्ने थारु महिलाले निराहार ब्रत बसी जितिया पर्ब मनाइरहेका छन् । हरेक बर्ष थारु जातीले मनाउने जितिया पर्ब यस बर्ष थारु अन्नत पर्बमा पुरषहरुले पनि ब्रत बसेर यो पर्ब मनाइरहेका छन् ।
गोरखाको कालिका मन्दिर भक्तजनका लागि खुला
गोरखाको प्रसिद्ध धार्मिकस्थल गोरखाकाली मन्दिर भक्तजनका लागि खुला गरिएको छ । २०७२ सालको विनाशकारी भूकम्पले मन्दिरको आधा भागमा क्षति पुर्याउदाँ बिगत लामो समयदेखि भक्तजनहरुले दरबारको ढोका बाहिरबाटै दर्शन गरेर फर्कनुपर्ने अबस्था रहेको थियो ।
नेपालमा आर्थिक वृद्धिको ठूलो सम्भावना छ : जापानी केन्द्रीय बैंकका पूर्व गभर्नर कुरोदा
जापानी केन्द्रीय बैंक, बैंक अफ जापानका पूर्व गभर्नर हारुहिको कुरोदाले नेपालको अर्थतन्त्रमा केही चुनौति रहे पनि आर्थिक वृद्धिको ठूलो सम्भावना रहेको बताउनु भएको छ ।
-original-thumb.jpg)
लागू औषध र विस्फाेटक पदार्थ नियन्त्रण गर्न सीमाक्षेत्रमा ‘डग स्क्यानिङ्’
चाडपर्व नजिकिदै गर्दा विराटनगरको सीमा रानी आसपासका नाकाबाट नेपाल भित्रिनेको सङ्ख्या उल्लेख्य हुन्छ ।
पुल मर्मतपछि आवतजावतमा सहज
कालीकोट जिल्लाको जिते बजारस्थित कर्णालीको पुल मर्मत भएपछि नागरिकलाई आवतजावत गर्न सहज भएको छ ।
तराईमा जितिया पर्व मनाइँदै
तराईका महिलाहरुले मनाउने जितिया पर्व आज शुक्रबार धुमधामका साथ जितवाहन भगवानको पूजा आरधना गरेर मनाउदैँछन् ।
हुम्लाबाटै स्नातकोत्तर तहको परीक्षा सञ्चालन
शैक्षिक सत्रबाट पठनपाठन सुरु भएको सामुदायिक मानसरोवर बहुमुखी क्याम्पसको स्नातकोत्तर (एमएड) मा अध्ययनरत विद्यार्थीहरुले जिल्लाबाट परीक्षा दिनएका छन् ।
पाँच नेपाली खेलकर्मीलाई ओसिएको सम्मान
ओलम्पिक काउन्सिल अफ एसिया (ओसीए)ले १९ औँ एसियाली खेलकुदको क्रममा चीनको होङजाउ पुगेका नेपालका पाँच खेलकर्मीलाई कदरपत्रसहित सम्मान गरेको छ ।
विपन्न समुदायमा सामाजिक रुपान्तरणको आवश्यकता छ : अध्यक्ष नेपाल
नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले मुलुकमा आर्थिक विकास गरी विपन्न समुदायको सामाजिक रुपान्तरण गर्नुपर्ने खाँचो औल्याउनुभएको छ ।
उच्च अदालतको सेवा अब भर्चुअल प्रणालीबाट
उच्च अदालत सुर्खेत जुम्ला इजलासले न्याय सम्पादनलाई छिटो, छरितो र सहज बनाउन भर्चुवल प्रणाली सुरु गरेको छ । साविक कर्णालीका ५ जिल्लालाई न्यायीक सेवा लिन खर्चिलो र असज भएको भन्दै यसलाई प्रविधिमैत्री बनाउन सुरु गरेको हो ।
सद्भाव कायम गर्न नागरिक समाजका अगुवाको संयुक्त अपिल
नेपालगन्जमा सामाजिक सद्भाव कायम गर्न बाँकेस्थित विभिन्न नागरिक समाजका अगुवाहरुको तर्फबाट सामूहिक अपिल गरिएको छ ।
अरिंगालको टोकाइबाट एक महिलाको मृत्यु
झापामा अरिंगालको टोकाइबाट एक महिलाको मृत्यु भएको छ । अरिंगालले टोकाइबाट घाइते बन्नु भएकी बाह्रदशी गाउँपालिका– ५ का ६० वर्षीया रामप्यारी भुर्तेलको उपचारको क्रममा मृत्यु भएको हो ।
भूकम्प पीडितलाई राहत माग गर्दै सर्वदलीय प्रतिनिधिले प्रधानमन्त्रीलाई बुझायो ज्ञापन-पत्र
मङ्गलवार बझाङमा गएको भूकम्पबाट भएको क्षतिको विवरण सङ्कलन गर्दै पीडितलाई तत्काल राहत दिन माग गरिएको छ। नेपाली काँग्रेसका केन्द्रीय सदस्य नैनसिंह महरलगायत नेताहरूको सर्वदलीय प्रतिनिधि मण्डलले बुधवार बेलुकी प्रधानमन्त्रीलाई ज्ञापन पत्र बुझाउँदै पीडितलाई तत्काल राहतको व्यवस्था गर्न माग गरेको हो।
दशैंको मुखमा भाडादर वृद्धि हुँदैन, बढी भाडा असुले कारवाहीः मन्त्रालय
सर्वसाधारण यात्रुको ढाड सेक्ने गरी भाडादर असुल गर्ने यातायात व्यवसायीहरूले फेरि पनि दशैंको मुखमा भाडा दर वृद्धि गर्ने तयारीमा जुटेका छन् । पटक पटकको भाडा वृद्धिले हैरान बनेको सर्वसाधारणलाई फेरी पनि भाडा वृद्धि गर्न माग गरे पनि मन्त्रालयले भने स्वीकृति दिएको छैन ।
चिकित्सक र स्वास्थ्यकर्मी आक्रमण गर्नेलाई कारबाही गर्न माग
त्रिभुवन विश्वविद्यालयले चिकित्सक र स्वास्थ्यकर्मीलाई आक्रमण गर्नेलाई हदैसम्मको कारबाही गर्न माग गरिएको छ । विश्वविद्यालय रजिस्ट्रारको कार्यालयले बिहीबार विज्ञप्ति जारी गर्दै चिकित्सक र स्वास्थ्यकर्मीमाथिको आक्रमण नरोकिए स्वास्थ्यकर्मी विदेश पलायन हुन सक्ने चेतावनी दिएको छ ।
सुन तस्करी प्रकरण : आयोगले थाल्यो काम
त्रिभुवन अन्तर्राष्ट्रिय विमानस्थल भन्सार कार्यालयबाट बाहिरिएको ठुलो परिमाणको सुन प्रकरणमा अनुसन्धान गर्न गठित आयोगलाई अदालतसहरको अधिकार रहेकाले अनुसन्धानमा कोही कसैको दबाब र प्रभाव नहुने जनाएको छ । सुनको अवैध पैठारी (तस्करी) नियन्त्रणसम्बन्धी जाँचबुझ आयोगको कामकारबाहीबारे जानकारी गराउन बिहीबार सिंहदरबारमा आयोजित पत्रकार सम्मेलनमा आयोगका अध्यक्ष डिल्लीराज आचार्यले तीन महिनाभित्र अनुसन्धान सम्पन्न गरेर सुनको अवैध (पैठारी) तस्करीको नियन्त्रणका लागि सुझावसहितको प्रतिवेदन सरकारसमक्ष पेस गर्ने जानकारी दिनुभयो ।
उपसमितिमा टुङ्गिँदै टिआरसी विधेयक
बेपत्ता पारिएका व्यक्तिको खोजिबिन, सत्यनिरूपण तथा मेलमिलाप आयोग ऐन संशोधन विधेयक (टिआरसी) मा संसदीय उपसमिति तहमा सहमति जुटेको छ । कानुन, न्याय तथा मानव अधिकार समिति अन्तर्गतको उपसमितिले विधेयकका विवादित विषयमा सहमति जुटाएको हो तर समितिमा पेस गर्नुअघि विषयवस्तुमा अन्तिम पटक छलफल गरेर प्रतिवेदन तयार गर्ने तयारी उपसमितिले गरेको छ । उपसमिति र समिति दुवै बैठक शुक्रबार बस्दै छ ।
टिप्परमा बालुवाको चुली, प्रहरी मौन
टिप्परले ओभर लोड बोक्ने, राजमार्गमा पानी चुहाउँदै प्रेसर हर्न बजाएर हैरानी पार्ने क्रम देशव्यापी भएको छ । त्यति मात्रै होइन, रातको समयमा फोकस लाइट बालेर साना सवारीसाधनको दुर्घटनाको जोखिम बढिरहँदा प्रहरी प्रशासन भने मौन छ । यो समस्या सङ्घीय राजधानी काठमाडौँदेखि प्रदेशका राजधानी तथा हरेक जिल्लाका मुख्य सहरको हो ।
गुल्मी प्रहरीद्वारा निबन्ध प्रतियोगिता आयोजना
गुल्मी प्रहरी कार्यालयले निबन्ध प्रतियोगिता आयोजना गरेको छ । जिल्ला प्रहरी कार्यालय गुल्मीको आयोजनामा प्रहरी दिवसको अवसरमा गरिने विभिन्न कार्यक्रम अन्तर्गत निबन्ध प्रतियोगिता गरिएको हो ।
अपाङ्गता आयोगको व्यवस्था गर्न समुदायको माग
अपाङ्गता भएका व्यक्तिको अधिकार सुनिश्चितताका लागि छुट्टै संवैधानिक आयोगको व्यवस्था गर्न बहिरा समुदायले माग गरेका छन् ।
यात्रुका लागि सहायता कक्ष
चाड–पर्वलाई लक्षित गर्दै बिहीबारबाट धनकुटा बसपार्कमा यात्रु सहायता कक्ष सञ्चालनमा ल्याइएको छ । जिल्ला प्रहरी कार्यालय, जिल्ला ट्राफिक प्रहरी कार्यालय र यातायात व्यवसायी सङ्घको संयुक्त पहलमा यात्रु सहायता कक्ष सञ्चालनमा ल्याइएको हो ।
देशभित्रै सम्भावित रोजगारीको क्षेत्र खोजेर तालिम दिनुपर्छ : अर्थमन्त्री डा. महत
बदलिँदो अवस्थालाई मध्यनजर राखेर देशभित्रै रोजगारी सिर्जना गर्ने र सम्भावित रोजगारीको क्षेत्र खोजेर तालिम दिन अर्थमन्त्री डा. प्रकाशशरण महतले सुझाव दिनुभयो ।
पहिरोपीडितले निःशुल्क मिटरबक्स पाउने
ताप्लेजुङको मैवाखोला गाउँपालिकाका पहिरो पीडित परिवारले बिजुलीको मिटरबक्स निःशुल्क पाउनेभएका छन् । अस्थायी आवासमा बस्दैआएका साँघुका पहिरो पीडित ६५ परिवारले मिटरबक्स निःशुल्क रूपमा पाउने भएका हुन् ।
