उद्योग व्यापार महासंघ गण्डकीको अध्यक्षमा बागलुङका चोखाल चयन
नेपाल उद्योग व्यापार महासंघ गण्डकी प्रदेशको अध्यक्षमा बागलुङका अर्जुन चोखाल चयन हुनुभएको छ । बागलुङ बजारमा सम्पन्न तेस्रो साधारण सभा तथा दोस्रो अधिवेशनबाट चोखाल सर्वसम्मत अध्यक्षमा चयन हुनुभएको हो ।
लागुऔषध ट्याब्लेट र क्याप्सुलसहित एकजना पक्राउ
सुनसरीको इटहरीमा लागुऔषध ट्याब्लेट र क्याप्सुलसहित एक जना पक्राउ परेका छन् । इलाका प्रहरी कार्यालय इटहरी, सुनसरीबाट खटिएको प्रहरी टोलीले इटहरी उपमहानगरपालिका–११ बाट २९ वर्षीय मोहमद सहनेवाजलाई ठुलो परिमाणको लागुऔषधसहित पक्राउ गरेको हो ।
वर्षापछि गर्मीबाट राहत, सर्लाहीमा चट्याङ र हावाहुरीको असर
सर्लाहीमा शनिबार राति पूर्व–पश्चिम राजमार्ग क्षेत्र र आसपासका स्थानहरूमा मुसलधारे वर्षा भएको छ । दुई दिनदेखि अत्यधिक गर्मीबाट प्रभावित स्थानीयले वर्षापछि मौसम शीतल भएसँगै राहत महसुस गरेका छन् ।
देशभर बदली, धेरै प्रदेशमा वर्षा र चट्याङको सम्भावना
आइतबार बिहानैदेखि काठमाडौँसहित देशभरको आकाश बादलले ढाकिएको छ र वातावरण धुम्मिएको देखिएको छ ।
छत्रकोटमा महिला स्वास्थ्य शिविर सम्पन्न
गुल्मीको छत्रकोट गाउँपालिकाको स्वास्थ्य शाखाको आयोजनामा सबै वडामा महिला रोगसम्बन्धी निःशुल्क स्वास्थ्य शिविर सम्पन्न भएको छ ।
बडिगाडमा चट्याङ लाग्दा एक युवती गम्भीर
बागलुङको बडिगाडमा चट्याङ लाग्दा एक युवती गम्भीर घाइते हुनुभएको छ । शनिबार चट्याङ लाग्दा बडिगाड गाउँपालिका–१० पात्लेकी १९ वर्षीया शर्मिला रसाइली गम्भीर घाइते हुनुभएको हो ।
मुनालको ‘बतासे प्रेम’ मुक्तकसङ्ग्रह लोकार्पण
युवा मुक्तककार मुनाल गोदार क्षेत्रीको पहिलो साहित्यिक कृति ‘मुनाल (बतासे प्रेम)’ मुक्तकसङ्ग्रहको लोकार्पण, परिचर्चा तथा सिर्जना वाचन कार्यक्रम सम्पन्न भएको छ ।
पूर्ण शुल्क कोटा खारेज, छात्रवृत्तिमा थप व्यवस्था
प्राविधिक शिक्षा तथा व्यावसायिक तालिम परिषद् (सीटीईभीटी) अन्तर्गतको आङ्गिक शिक्षालय ‘स्कूल अफ हेल्थ साइन्स’, भरतपुरले पूर्ण छात्रवृत्तिको कोटा वृद्धि गरेको छ ।
वडामै पहिलोपटक सडक कालोपत्र
आँबुखैरेनी गाउँपालिका–६ मा पहिलोपटक सडक कालोपत्र गर्न थालिएको छ । हालसम्म उक्त वडाका कुनै पनि सडक कालोपत्र गरिएका थिएनन् ।
तरकारीमा विषादी प्रयोगबारे सचेत बन्दै किसान
जिल्लामा व्यावसायिक रूपमा तरकारी उत्पादन गर्दै आएका किसान विषादी प्रयोगबारे सचेत बन्दै गएका छन् । नेपालगन्जस्थित रानी तलाउ तरकारी बजारमा बिक्रीका लागि किसानले ल्याएको हरियो तरकारीमा विगतमा विषादी अवशेष भेटिने गरेकामा यो वर्ष हालसम्म फेला परेको छैन ।
पर्यटकको पर्खाइमा थोरङ फेदी
समुद्री सतहदेखि पाँच हजार ४१६ मिटरको उचाइको (मनाङ–मुस्ताङ) थोरङलापास पदमार्ग कठिन छ । यही पर्यटकीय पदमार्ग पछ्याउँदै विदेशी पर्यटक लमजुङको बेँसीसहरबाट पदयात्रा सुरु गरेर मनाङ हँुँदै थोरङलापास छिचोल्दै मुस्ताङ प्रवेश गर्ने गर्छन् ।
लामाडाँडा सुरक्षित पानीको प्रतीक्षामा
योजनाको करिब ७५ प्रतिशत काम सम्पन्न भएसँगै सल्यानको लामाडाँडाका बासिन्दा वर्षौंदेखिको खानेपानी समस्या समाधान हुने आशामा छन् ।
आरसिओडी मिति संशोधनका लागि सम्पर्कमा आउन प्राधिकरणको आग्रह
नेपाल विद्युत् प्राधिकरणले विभिन्न जलविद्युत् आयोजनाका प्रवद्र्धकलाई आयोजनाको व्यापारिक उत्पादन सुरु गर्नुपर्ने मिति ९आरसिओडी० संशोधनका लागि सम्पर्कमा आउन आग्रह गरेको छ ।
पर्यटकीय क्षेत्र फालोटमा विद्युत् र इन्टरनेटको समस्या
बर्सेनि पाँच हजारभन्दा बढी पर्यटक पुग्ने पाँचथरको पर्यटकीय क्षेत्र फालोटको मुख्य समस्या सडक, विद्युत् र इन्टरनेट हो । तीन हजार ४०० मिटर उचाइमा अवस्थित फालोटका चारराते–तीनसिमानालगायत क्षेत्रसम्म पुग्ने सडक व्यवस्थित हुनसकेको छैन भने विद्युत् र इन्टरनेटको प्रवाह सहज हुनसकेको छैन ।
रुरुक्षेत्रमा ‘प्रथम अध्यक्ष कप’ हुँदै
गुल्मीको रुरुक्षेत्र गाउँपालिकाले ‘प्रथम अध्यक्ष कप’ खुल्ला भलिबल प्रतियोगिता आयोजना गर्ने भएको छ।
अन्तरराष्ट्रिय चेर्नोबिल विपद् स्मरण दिवसः चालीस वर्षपछि पनि असर कायम
आज अन्तरराष्ट्रिय चेर्नोबिल विपद् स्मरण दिवस हो । संयुक्त राष्ट्रसङ्घको महासभाले सन् २०१६ डिसेम्बर ८ मा एक प्रस्ताव पारित गर्दै प्रत्येक वर्ष अप्रिल २६ लाई यस दिवसका रूपमा मनाउने घोषणा गरेको हो ।
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
पुल बनेपछि जोखिमपूर्ण यात्राको अन्त्य
तनहुँको ऋषिङ गाउँपालिकामा दुई नयाँ पुल सञ्चालनमा आएपछि स्थानीयको जोखिमपूर्ण यात्राको अन्त्य भएको छ । ऋषिङ–५ र ७ जोड्ने फलामे पुल तथा ऋषिङ–४ र ७ जोड्ने झोलुङ्गे पुल निर्माण सम्पन्न भएपछि वर्षायाममा खोला वारपार गर्दा भोग्नुपर्ने सास्ती सदाका लागि हटेको हो ।
एआई र खोजमूलक पत्रकारिता अपरिहार्य : अध्यक्ष मगर
नेपाल पत्रकार महासंघ बागमती प्रदेशका अध्यक्ष कृष्ण सारु मगरले परम्परागत पत्रकारितामात्रको भरमा अबको प्रतिस्पर्धी मिडिया जगतमा टिकिरहन नसकिने बताउनुभएको छ।
चन्द्रनहर अतिक्रमण हटाइने, १२६ घरटहरा भत्काइने
सप्तरीको ऐतिहासिक चन्द्रनहर क्षेत्रको अतिक्रमित जग्गा खाली गराउन कोशी पम्प चन्द्रनहर सिँचाइ व्यवस्थापन कार्यालय, राजविराजले तयारी सुरु गरेको जनाएको छ।
यस्तो छ आज विदेशी मुद्राको विनिमयदर
नेपाल राष्ट्र बैंकले आज (आइतबार) का लागि विदेशी मुद्राको विनिमयदर निर्धारण गरेको छ । निर्धारित विनिमयदरअनुसार अमेरिकी डलर एकको खरिददर १५० रुपियाँ ५० पैसा र बिक्रीदर १५१ रुपियाँ १० पैसा तोकिएको छ ।
पश्चिमी वायु प्रभावः देशभर बदली
श्चिमी र स्थानीय वायुको आंशिक प्रभावका कारण देशका विभिन्न स्थानमा बदली भएको छ । हाल कोशी, मधेश, बागमती, गण्डकी र लुम्बिनी प्रदेशलगायत देशका हिमाली तथा पहाडी भागमा साधारणतया बदली भएको छ भने सुदूरपश्चिम प्रदेशका तराई भेगमा मुख्यतया मौसम सफा रहेको छ ।
एसइईको नतिजा वैशाख अन्तिम साता
राष्ट्रिय परीक्षा बोर्डले माध्यमिक शिक्षा परीक्षा (एसइई) को नतिजा वैशाख अन्तिम साता प्रकाशन गर्ने भएको छ । विगतमा परीक्षा सकिएको तीन महिनाभित्रमा नतिजा प्रकाशन गर्ने गरेको बोर्डले यस पटक भने एक महिनाभित्रमै नतिजा सार्वजनिक गर्न लागेको हो । बोर्डका सदस्यसचिव जङ्गबहादुर अर्यालका अनुसार एसइईको उत्तरपुस्तिका परीक्षण सकेर परीक्षार्थीको प्राप्ताङ्क कम्प्युटरमा प्रविष्ट गर्ने काम भइरहेको छ ।
हट्यो बागमती किनार अतिक्रमण
अव्यवस्थित बस्ती विस्तार गरेर बागमती नदीकिनारमा गरिएको अतिक्रमण दशकौँपछि हटेको छ । सरकारले काठमाडौँ महानगरपालिका वडा नं. ११ स्थित थापाथली, वडा नं. ९ स्थित गैरीगाउँ र सिनामङ्गलमा बागमती नदीकिनार कब्जा गरेर बनाइएका घरटहरा शनिबार भत्काएको हो । थापाथलीमा डोजर चलेपछि गैरीगाउँ, सिनामङ्गल र महानगरकै वडा नं. ३१ स्थित शान्तिनगरमा रहेका सुकुमवासी बस्तीका बासिन्दाले धेरैजसो घरटहरा आफैँ भत्काएर सरसामान सारेका छन् ।
कैलालीमा एकै दिन २५३ पिन्ट रगत सङ्कलन
कैलालीमा एकै दिन २५३ जनाले रक्तदान गरेका छन् । सन्त निरंकारी मण्डलले मानव एकता दिवसको अवसरमा कैलाली जिल्लाका टीकापुर लगायतका पाँच स्थानमा आयोजना गरिएको रक्तदानबाट २५३ पिन्ट रगत सङकलन भएको हो ।
