आन्तरिक रोजगारी सिर्जनामा सहयोग गर्न विश्व बैङ्कसँग आग्रह
श्रम, रोजगार तथा सामाजिक सुरक्षामन्त्री शरतसिंह भण्डारीले आन्तरिक रोजगारी सिर्जना र बाध्यकारी वैदेशिक रोजगारी न्यूनीकरण गर्ने सरकारको योजनामा सहयोग गर्न विश्व बैङ्कसँग आग्रह गर्नुभएको छ ।
गोरखामा पाँच करोड राजस्व सङ्कलन
जिल्ला प्रशासन कार्यालय गोरखाले पाँच करोडभन्दा बढी राजस्व सङ्कलन गरेको छ ।
किर्ते दस्तखत गरी रकम झिक्ने विद्यालय सहयोगी पक्राउ
काँकडभिट्टा माध्यमिक विद्यालयको बैङ्क खाताबाट किर्ते दस्तखतका आधारमा चेक साटेर चार लाख १८ हजार झिकेको आरोपमा विद्यालयकै कार्यालय सहयोगी रोशन मल्लिक पक्राउ परेका छन् ।
तोलामा एक हजार छ सयले बढ्यो सुनको मूल्य
स्थानीय बजारमा आज पहेँलो धातुको मूल्य तोलामा रु एक हजार छ सयले वृद्धि भएको छ । नेपाल सुनचाँदी व्यवसायी महासंघका अनुसार बुधबार प्रतितोला रु एक लाख ४७ हजार आठ सयमा कारोबार भएको छापावाला सुन आजका लागि भने रु एक लाख ४९ हजार चार सय निर्धारण भएको छ ।
टेलिकमको प्याकेज खरिद र व्यालेन्स रिचार्ज सेवा प्रभावित हुन सक्ने
नेपाल टेलिकमको बिलिङ प्रणाली स्तरोन्नति गर्नका लागि चार घण्टा सेवा प्रभावित हुन सक्ने जनाएको छ ।
दुई वटा क्यासिनो बन्द
होटेल साङ्ग्रिला र भैरहवास्थित टाइगर प्यालेस रिसाेर्टमा सञ्चालन रहेका दुई वटा क्यासिनो बन्द भएका छन् । क्यासिनो सञ्चालन गर्दै आएको एसएचएल म्यानेजमेन्ट सर्भिसेज (केटिएम) प्रा.लि. ले व्यवसाय बन्द गरिएको सूचना जारी गरेको छ ।
बत्तिस देशसँग बहत्तर अर्ब त्रिसट्ठी करोडभन्दा बढीको व्यापार
पश्चिम नेपालको प्रमुख नाका नेपालगन्ज नाकाबाट गत आर्थिक वर्ष २०८०/८१ मा ३२ देशसँग ७२ अर्ब ६३ करोड रुपियाँभन्दा बढीको वैदेशिक व्यापार भएको छ । नेपालगन्ज भन्सार कार्यालयका अनुसार नेपालगन्ज नाकाबाट गत आवमा राजस्व सङ्कलन लक्ष्य अनुसार हुन नसके पनि ३.४६ प्रतिशतले वैदेशिक व्यापार वृद्धि भएको छ । नेपालगन्ज भन्सार कार्यालयका सूचना अधिकारी भन्सार अधिकृत पूर्णप्रसाद लम्सालले अघिल्लो आव २०७९/८० को तुलनामा गत आव २०८०/८१ मा नेपालगन्ज नाकाबाट दुई अर्ब ४२ करोड ९५ लाख ६० हजार रुपियाँको वैदेशिक व्यापार बढी भएको बताउनुभयो ।
सरकारले उठायो दस अर्ब ऋण
सरकारले बुधबार १० अर्ब रुपियाँ आन्तरिक ऋण उठाएको छ । सरकारका तर्फबाट सार्वजनिक ऋण व्यवस्थापन कार्यालयले ११ वर्षका लागि सो रकम बराबरको विकास ऋणपत्र निष्कासन गरेको हो । बैङ्क तथा वित्तीय संस्था, गैरबैङ्क वित्तीय संस्था, बिमा कम्पनी, सङ्गठित संस्था तथा नेपाली नागरिकले खरिद गर्न सक्ने गरी जारी गरिएको उक्त ऋणपत्र उपर बुधबार दिउँसो बोलकबोल भइसकेको छ । कार्यालयले बोलकबोलमार्फत नै ब्याजदर निर्धारण गरेको छ ।
विभागले गरायो म्यानपावरलाई सचेत
वैदेशिक रोजगार विभागले वैदेशिक रोजगारीमा जाने श्रमिकलाई अनावश्यक दुःख नदिन इजाजतपत्र प्राप्त संस्था (म्यानपावर) व्यवसायीलाई सचेत गराएको छ । म्यानपावर व्यवसायीले केही युवालाई वैदेशिक रोजगारीमा जानका लागि छनोट नहुँदै राहदानी लिने, वैदेशिक रोजगारीमा नपठाउने र राहदानी लिन जाँदा सेवा शुल्क माग्ने जस्ता कार्य गरेको गुनासो विभागमा आएकाले यस विषयमा सचेत गराएको हो ।
कृषि प्राविधिक पुनः आन्दोलनमा
कृषि तथा पशुपन्छी विकास मन्त्रालय अन्तर्गतका विभिन्न कार्यालयमा कार्यरत कर्मचारीले आन्दोलन पुनः सुरु गरेका छन् । नवनियुक्त कृषिमन्त्री रामनाथ अधिकारीले १५ दिनभित्र माग पूरा गर्ने भनी दिएको आश्वासन पूरा नभएको भन्दै कर्मचारीले बुधबारदेखि पुनः आन्दोलन सुरु गरेका छन् ।
सुनको मूल्य बढ्दा घट्यो आयात
गत आर्थिक वर्षमा सुनको आयात ४० प्रतिशतले घटेको छ । भन्सार विभागको तथ्याङ्क अनुसार आव २०८०/८१ मा २५ अर्ब ९५ करोड ९३ लाख रुपियाँ बराबरको २९ लाख नौ हजार ग्राम सुन आयात भएको हो । आव २०७९/८० मा ४३ अर्ब ९० करोड रुपियाँ बराबरको ३५ लाख सात हजार ८८४ ग्राम सुन आयात भएको थियो ।अघिल्लो आवको तुलनामा गत आवमा सुनको मूल्यको आधारमा १७ प्रतिशत र परिमाणको आधारमा ४० प्रतिशतले सुनको आयात घटेको विभागको तथ्याङ्कले देखाएको छ ।
एमसिसीका तीन वटै सबस्टेसनको निर्माण सम्झौता
एमसिसी परियोजना अन्तर्गतका सबै विद्युत् सबस्टेसनको निर्माण सम्झौता सम्पन्न भएको छ । परियोजना कार्यान्वयन कार्यालय एमसिए–नेपालले तनहुँ जिल्लाको दमौलीमा बन्ने चार सय केभी क्षमताको नयाँ दमौली सबस्टेसन निर्माणको बुधबार ठेक्का सम्झौता गरेको छ । सो सबस्टेसन निर्माणका लागि भारतको टेक्नो इलेक्ट्रिक एन्ड इन्जिनियरिङ लिमिटेडसँग ३.८८ करोड अमेरिकी डलरको ठेक्का सम्झौता सम्पन्न भएको एमसिए नेपालले जनाएको छ । सम्झौतासँगसँगै एमसिसी नेपाल कम्प्याक्ट अन्तर्गत निर्माण गर्न लागिएका तीन वटै चार सय केभी सबस्टेसन निर्माणसम्बन्धी सम्झौता सम्पन्न भएको छ ।
हावाहुरी र वर्षाले कृषि बालीमा क्षति
मङ्गलबार राति आएको हावाहुरी र वर्षाले ताप्लेजुङको फुङ्लिङ नगरपालिकामा कृषि बालीमा क्षति गरेको छ।
नेप्सेमा करिब २२ अर्बको कारोबार
नेपाल स्टक एक्सचेन्ज (नेप्से) परिसूचकमा उल्लेख्य वृद्धिसँगै उच्च रकमको कारोबार देखिएको छ । आज नेप्से परिसूचक ६४ दशमलव २५ अङ्कले बढेर दुई हजार सात सय ६० दशमलव ९१ विन्दुमा कायम भएको छ ।
प्युठानका किसानलाई चैतेधान भित्र्याउने चटारो
यहाँको माण्डवी गाउँपालिका–५ छापका ठाकुर घर्तीमगरलाई चैतेधान भित्र्याउने चटारो छ । चार रोपनीमा लगाएको धान भित्र्याउन उहाँलाई भ्याइनभ्याइ छ ।
-original-thumb.jpg)
तनहुँमा एक वर्षमा सात सय ७१ उद्योग दर्ता
आर्थिक वर्ष २०८०/८१ तनहुँमा सात सय ७१ उद्योग दर्ता भएका छन् । पर्यटन तथा उद्योग कार्यालयमा उद्योगतर्फ तीन सय ९८ र वाणिज्यतर्फ तीन सय ७३ उद्योग दर्ता भएका हुन् । सोही आवमा एक हजार एक सय ३७ उद्योग नवीकरण भएका छन् ।
कोदोको उपभोग बढाएर प्रवर्धन गर्न आवश्यक
कृषि तथा पशुपन्छी विकासमन्त्री रामनाथ अधिकारीले कोदोका परिकारको उपभोग बढाएर प्रवर्धन गर्न आवश्यक रहेको बताउनुभएको छ । राष्ट्रिय कृषक महासङ्घ र एग्रिकल्चर जर्नालिस्ट एसोसिएसन नेपाल (अनाज) ले संयुक्त रूपमा ललितपुरमा आयोजना गरेको चौथो कोदो दिवसको उद्घाटन गर्दै मन्त्री अधिकारीले खाजाका रूपमा कोदोको परिकार प्रयोग गर्न अति उपयोगी हुने बताउनुभयो । “कोदो स्वास्थ्यका लागि लाभदायक हुन्छ, कोदो खाएर हुर्किएको हो, अझै पनि गाउँमा कोदो खेती गरिरहेको छ,” मन्त्री अधिकारीले भन्नुभयो, “सबैले बाँझो खेर गएको जमिनमा खेती गर्नुहोस् ।”
पचहत्तर करोडभन्दा बढीको जडीबुटी निकासी
जडीबुटी निकासीको प्रमुख नाका मानिएको नेपालगन्ज नाकाबाट गत आर्थिक वर्ष २०८०/८१ मा ७५ करोडभन्दा बढीको जडीबुटी निकासी भएको छ । नेपाल जडीबुटी व्यवसायी सङ्घले विभिन्न प्रकारका समस्या र अवरोधका बाबजुद पनि गत आवमा ७५ यो नाकाबाट करोडको जडीबुटी निकासी भएको जनाएको छ ।
सुदूरपश्चिमको आर्थिक गतिविधि ठप्प
सुदूरपश्चिम प्रदेशको आर्थिक गतिविधि १५ दिनदेखि ठप्प रहेको छ । प्रदेश सरकारले चालु आर्थिक वर्षका लागि बजेट पास गर्न नसकेपछि प्रदेशमा आर्थिक गतिविधि शून्य रहेको हो । बजेट र यससँग सम्बन्धित ऐनहरू पास भएपछि मात्रै नयाँ आवमा राजस्व सङ्कलन र खर्च गर्न पाइन्छ । आर्थिक विधेयक पास नहुँदा राजस्व सङ्कलन र विनियोजन विधेयक पास नभएका कारण खर्च रोकिएको छ । आर्थिक ऐन र विनियोजन ऐन नभएका कारण राजस्व सङ्कलन र खर्च शून्य रहेको प्रदेश लेखा नियन्त्रक कार्यालयका सूचना अधिकारी यज्ञराज पाण्डेयले बताउनुभयो ।
खिर खाने दिन नब्बे लाख लिटर दुध खपत
साउन १५ गते खिर खाने दिन देशभर करिब ९० लाख लिटर दुध खपत भएको छ । डेरी उद्योगीको छाता सङ्गठन नेपाल डेरी एसोसिएसन नेपालका अनुसार अरू दिन दैनिक ३० लाख लिटर दुध खपत हुन्छ तर खिर खाने दिन तीन गुणा बढी अर्थात् ९० लाख लिटर दुख खपत भएको हो । ९० लाख लिटर दुध खपतबाट ६५ करोड १० लाख बराबरको आर्थिक कारोबार भएको जनाइएको छ ।
जलविद्युत् विकासका बाधा हटाउने प्रतिबद्धता
ऊर्जा, जलस्रोत तथा सिँचाइमन्त्री दीपक खड्काले नेपालमा जलविद्युत् उत्पादन क्षेत्रमा देखिएका समस्या हटाउन सरकार प्रतिबद्ध रहेको बताउनुभएको छ । नेपाल विद्युत् प्राधिकरणले हरेक साउन १५ मा गर्ने देशव्यापी वृक्षरोपण कार्यक्रमको भक्तपुरमा उद्घाटन गर्दै उहाँले सो कुरा बताउनुभएको हो । सरकारले १० वर्षमा २८ हजार मेगावाट विद्युत् उत्पादन गर्ने र १० हजार मेगावाट निर्यात गर्न लिएको लक्ष्य समयअगावै पूरा गर्ने गरी लाग्न आवश्यक रहेको बताउँदै उहाँले त्यो परिमाण निर्यातका लागि १० वर्ष कुर्नु नपर्ने गरी काम गर्न सम्बद्ध अधिकारीलाई आग्रह गर्नुभयो । “जलविद्युत् निर्माणमा हाल बेहोरिरहेका बाधा अवरोध हटाउन कानुन संशोधनलगायतका काम गर्न हामी क्रियाशील हुन्छौँ,” उहाँले भन्नुभयो, “१० वर्षभन्दा पहिले नै १० हजार मेगावाट निर्यात गर्ने गरी काम गर्नु पर्छ ।”
करदाता सेवा कार्यालय खोटाङले उठायो २२ करोड ३१ लाख राजस्व
करदाता सेवा कार्यालय खोटाङले आर्थिक वर्ष २०८०/८१ मा २२ लाख ५० करोडभन्दा बढी राजस्व सङ्कलन गरेको छ ।
डिभिजन वन कार्यालय गोरखामा एक करोड बढी राजस्व सङ्कलन
डिभिजन वन कार्यालय गोरखाले गत आर्थिक वर्ष २०८०/०८१ को साउनदेखि असार मसान्तसम्म एक करोड ३७ लाख राजस्व सङ्कलन असुल उपर गरेको छ ।
तोलामा एक सयले घट्यो सुनको मूल्य
स्थानीय बजारमा सुनको मूल्य आज प्रतितोला रु. एक सयले घटेको छ । नेपाल सुनचाँदी व्यवसायी महासङ्घका अनुसार सोमबार प्रतितोला रु एक लाख ४६ हजार एक सयमा कारोबार भएको छापावाला सुन आजका लागि भने रु एक लाख ४६ हजार निर्धारण भएको छ ।
पोखरामा गाउँगाउँबाट कृषि ‘एम्बुलेन्स’ले ल्याउँछ तरकारी
पोखरा महानगरपालिका–७ माछापुच्छ्रे टोलकी आस्था गिरी सोमबार साँझ आफ्नै घरछेउमा थरीथरीका तरकारी किन्न पाउँदा मख्ख हुनुहुन्थ्यो । त्यहाँ उहाँजस्ता धेरै गृहिणीको तरकारी किन्न भीड नै लागेको थियो ।
