प्रधानमन्त्री प्रचण्ड पशुपतिनाथ मन्दिरमा
प्रधानमन्त्री पुष्पकमल दाहाल ‘प्रचण्ड’ले आज साँझ पशुपति क्षेत्रको निरीक्षण र अवलोकन गर्नुभएको छ।
कपिलताल अर्थात् घोडाघोडी मन्दिर (फोटो फिचर)
कैलालीको घोडाघोडी नगरपालिका वडा नम्बर १ को सुखडमा अवस्थित घोडाघोडी मन्दिर भक्तजनका लागि प्रख्यात मानिन्छ । यो मन्दिर पूर्वपश्चिम राजमार्गको दक्षिण भागमा राजमार्गको किनारमा रहेको छ ।
शनिबार सङ्कटा मन्दिरमा भक्तजनको भीड (फोटो फिचर)
राजधानीको नयाँ सडकको टेवहालस्थित सङ्कटा मन्दिरमा शनि दशा पन्छाउन विश्वासका साथ शनिबार भक्तजनको भीड लागेको छ।
ठाकुरबाबा मन्दिरमा महाआरती हुने
मुकुन्द सुवेदीबर्दिया, जेठ २६ गते । बर्दियाको ठाकुरबाबा मन्दिर परिसरमा महाआरती हुने भएको छ । धार्मिक, ऐतिहासिक तथा पुरातात्त्विक महत्त्व बोकेको ठाकुरबाबा मन्दिरमा आजबाट हरेक शुक्रबार सन्ध्या महाआरती हुने भएको हो ।नाट्टा बाँके च्याप्टर, नेपालगञ्जको आयोजना, ठाकुरबाबा मन्दिर व्यवस्थापन तथा विकास समितिको सहकार्य र ठाकुरबाबा नगरपालिका प्रवर्द्धक रहने गरी महा आरती आजबाट सुरु हुन लागेको हो ।ठाकुरबाबा नगरपालिका पर्यटकीय क्षेत्र भएकाले पर्यटन प्रवर्द्धन विकास टेवा पुग्ने उद्देश्यका साथ नगरपालिकाले महाआरती सुरुवात गर्न लागेको ठाकुरबाबा नगरपालिका नगर प्रमुख तिलकराम लम्सालले जानकारी दिनुभयो । धार्मिक उद्देश्यले मात्र नभई पर्यटकीय हिसाबले पनि यो महाआरती महत्त्वपूर्ण हुने नगर प्रमुख लम्सालको भनाइ छ पश्चिम क्षेत्रकै महत्त्वपूर्ण गन्तव्यको रूपमा रहेको बर्दिया राष्ट्रिय निकुञ्ज नजिक रहेको ठाकुरबाबा मन्दिरमा महाआरती हुँदा पर्यटकीय गतिविधि बढ्ने भन्दै निकुञ्ज क्षेत्रका स्थानीयहरू खुसी छन्। स्थानीय होटल सञ्चालक रामजी थापाले महाआरतीले आफूहरूको पर्यटन व्यवसायमा थप सघाउ पुग्ने बताउनुभयो । हरेक शुक्रबार बेलुका सन्ध्या महाआरती हुने भएको हुँदा सम्पूर्ण श्रद्धालु भक्तजनहरूलाई सहभागिताका लागि नगरप्रमुख लम्सालले अनुरोध गर्नुभयो ।
कांग्रेस संसदीय दलको सचेतकमा सुशीला थिङ
नेपाली कांग्रेसको प्रतिनिधि सभा सचेतकमा प्रतिनिधि सभा सदस्य सुशीला थिङ मनोनीत हुनुभएको छ ।
आस्थाको केन्द्र बन्दै कपिलवस्तुको ‘जहदी रक्षाबाबा’
कपिलवस्तुको कपिलवस्तु नगरपालिका वडा नम्बर ११ जहदीस्थित रक्षाबाबा अस्थाको केन्द्र बन्दै गएको छ। यस क्षेत्रमा बसोबास गर्ने मानव तथा पशुपन्छीको रक्षा गर्ने देवता भएकोले यसलाई रक्षाबाबा नामकरण गरिएको स्थानीयको भनाइ छ।
रातो मच्छिन्द्रनाथ रथयात्रा र भोटोजात्रा
भाइबहिनीहरू, काठमाडौँ उपत्यका मन्दिरै मन्दिरले भरिएकोे सहर हो । यहाँ बाह्रै महिना कुनै न कुनै जात्रा तथा पर्व भइरहेको हुन्छ । अझ भनुँ विविध धर्म र संस्कृतिमा नेपाल संसारमै धनी मानिन्छ । हरेक वर्षको वैशाख शुक्ल प्रतिपदादेखि सुरु भएर आषाढ शुक्ल चौथीसम्म मनाइने सांस्कृतिक उत्सवलाई रातो मच्छिन्द्रनाथको रथयात्रा भनिन्छ । रातो मच्छिन्द्रनाथका दुईवटा मन्दिर छन्, एउटा बुङ्गमतीमा, अर्को ललितपुर तःबहालमा । छ महिना बुङ्गमती र छ महिना ललितपुरमा राख्ने गरिन्छ ।
प्रधानमन्त्रीद्वारा खप्तड आध्यात्मिक सम्मेलनको उद्घाटन
तीन दिने प्रथम खप्तड अन्तर्राष्ट्रिय आध्यात्मिक सम्मेलन सुरु भएको छ । सम्मेलनको प्रधानमन्त्री पुष्पकमल दाहाल ‘प्रचण्ड’ ले मंगलबार उद्घाटन गर्नुभयो ।
-original-thumb.jpg)
पाँच महिनामा गलेश्वरधाममा एक लाख भक्तजन भित्रिए
कालिगण्डकी कोरिडोरमा पर्ने प्रसिद्ध धार्मिक स्थल गलेश्वरधाममा पछिल्लो पाँच महिनाको अवधिमा करिब एक लाख धार्मिक पर्यटकले मन्दिरको दर्शन गरेका छन् ।
भ्रष्टाचार विरोधी अभियानलाई सरकारले अगाडि बढाएको छ : उपप्रधानमन्त्री श्रेष्ठ
उपप्रधानमन्त्री एवं गृहमन्त्री नारायणकाजी श्रेष्ठले भ्रष्टाचार विरोधी अभियानलाई सरकारले अगाडि बढाएको बताउनुभएको छ ।
नेपाली नागरिकले नागरिकता पाउने विषयमा कसैको विमति छैन : प्रधानमन्त्री
प्रधानमन्त्री पुष्पकमल दाहाल ‘प्रचण्ड’ले नेपाल राष्ट्रको बृहत्तर हितलाई केन्द्र विन्दुमा राखेर नेपाली नागरिकले सहज ढङ्गले नागरिकता पाउन र अनागरिकले नागरिकता प्राप्त नगरुन् भन्ने सैद्धान्तिक विषयमा सबैको एकमत भएको बताउनुभएको छ ।
मनाइयो पनौती जात्रा
काभ्रेपलाञ्चोकको पनौतीमा हरेक वर्ष ज्येष्ठ शुक्ल द्वादशीदेखि असार कृष्ण तृतीयाको दिनसम्म चल्ने पनौती जात्रा (ज्याः पुन्ही) सम्पन्न भएको छ । जात्राको अन्तिम दिन आइतबार पनौतीस्थित लायकु दरबारमा उन्मत्त भैरव, भद्रकाली र महादेवको रथ एक आपसमा जुधाएर जात्रा सम्पन्न गरियो ।
‘मेघ मल्हार’ पछि वर्षा
उच्च तापक्रमका कारण मौसम तातिँदै गर्दा ललितपुरवासीले केही दिनयता शीतलताको कामना गरिरहेका थिए । उनीहरूको सो कामना आइतबार पूरा भयो । ललितपुरको पाटन दरबार क्षेत्र र त्यस वरपरका स्थानीयले आइतबार दिउँसो एकछिन भए पनि शीतलता पाए, टन्टलापुर घामको तेजमा अचानक परिवर्तन भई बादल मडारिएपछि स्थानीयले शीतलताको अनुभव गरे ।
सञ्जीवनीयुक्त पर्वतमा हनुमानको मूर्ति स्थापना हुने
दोलखाको तीन गाउँपालिकाको शिरमा रहेको हनुमन्तेडाँडामा हनुमानको अग्लो मूर्ति स्थापना हुने भएको छ ।
खप्तड स्विजरल्याण्डभन्दा पनि सुन्दर छ : आचार्य
सुदूरपश्चिमको प्रमुख पर्यटकीयस्थल भूस्वर्ग खप्तडमा आध्यात्मिक सम्मेलनको तयारी तीव्र बनेको छ । जेठ २३ देखि २५ गतेसम्म हुने सम्मेलनको तयारी तीव्र पारिएको हो ।
प्रख्यात रामेश्वर मन्दिर (फोटो फिचर)
गोरखाको पादेली वा पोखरी थोकको चोकमा अवस्थित रामेश्वर मन्दिर प्रख्यात मन्दिर मध्ये एक हो । दर्शनार्थीको भीड लाग्ने यस मन्दिरको निर्माण वि.स. १६९३ मा राजा राम शाहले गराउन लगाएको इतिहास छ ।
तीन दशकपछि बज्रधार मूर्ति कुलायनमा भित्राइयो
दोलखाको भीमेश्वर नगरपालिका –२ को प्राचीन नगरी दोलखामा करिब तीन दशकपछि बज्रधर मूर्ति कुलायनमा भित्राइएको छ ।
धिमाल समुदायले फुड फेष्टिवल आयोजना गर्दै
धिमाल जातीय विकास केन्द्र कानेपोखरी गाउँपालिकाले मोरङको कानेपोखरी –७ मा धिमाल सांस्कृतिक महोत्सव एवम् फुड फेष्टिवलको आयोजना गर्नेभएको छ । पालिका भित्रका ६ वटै गाउँटोलमा जातिरि र सिरिजात सम्पन्न भएपछि कानेपोखरीमा सांस्कृतिक महोत्सव आयोजना गरी यस वर्षको जातिरि पर्व समापन गर्न लागिएको हो । शुक्रबार पत्रकार सम्मेलन गरी फेष्टिवलका विषयमा जानकारी गराइएको हो ।
सुनिमाया भाका संरक्षणमा गलेमबासी
विशेषगरी गुुरुङ युवा समुुदायले गाउने सुुनिमाया भाका पछिल्लो समय लोप हुँदै गएको छ ।
-original-thumb.jpg)
सकियो धुलेको मूलबिधि
लामो समयदेखि चल्दैआएको मान्यता रहेको मंगला गाउँपालिका –३ र ४ मा मनाइने मगर समुदायको मुख्य चाड धुलेको तीन दिने औपचारीक बिधि सकिएको छ । म्याग्दीमा मानिदैआएको मध्ये पुरानो पर्व धुलेको यसवर्ष अन्तिम दिन बिहीबार सकिएको हो ।
निर्जला एकादशी: घर घरमा तुलसीको दल राखिँदै
वैदिक सनातन धर्मावलम्बीले आज आ–आफ्नो घरको मठमा तुलसीको दल राख्दै छन् । प्रत्येक वर्ष ज्येष्ठ शुक्ल एकादशीका दिन घरघरमा तुलसीको दल राख्ने गरिन्छ ।
२०२३-२०३२ लाई पर्यटन दशकका रूपमा मनाइने
सरकारले सांस्कृतिक सम्पदाहरूको संरक्षण र संवर्द्धन गरी पर्यटकीय क्षेत्रको रूपमा विकास गरिने घोषणा गर्नुभएको छ ।
जनकपुरधामको दशरथ तलाउमा स्नान गर्नेको भीड
हिन्दु धर्मावलम्बीहरूका लागि गङ्गा मातासँग सम्बन्धित गङ्गा दशहरा अर्थात् गङ्गा दशैँको अवसरमा जनकपुरधामको दशरथ तलाउ (दशरथ पोखरी) मा स्नान गर्ने भक्तजनहरूले घुइँचो लागेको छ ।
मुक्तिनाथ मन्दिरमा दर्शनार्थीको घुइँचो
हिमालपारिको जिल्ला मुस्ताङमा रहेको पवित्र तीर्थस्थल मुक्तिनाथ मन्दिरमा पछिल्लो समय दैनिक हजारौँको सङ्ख्यामा स्वदेशी तथा विदेशी पर्यटकको घुइँचो लाग्नेगरेको छ ।
बज्राचार्य अध्ययन मण्डलको ४४औँ स्थापना दिवस सम्पन्न
महागुरु पण्डित बज्राचार्य स्व. बद्रीरत्न गुरुजुले स्थापना गर्नुभएको बज्राचार्य अध्ययन मण्डलले नेवारी परम्पराअनुसार ४४ औँ स्थापना दिवस मनाएको छ ।
