गोरखापत्र अनलाइन
बखानमाथि समुदायमा बहस
प्रजातान्त्रिक आन्दोलनमा योगदान पु¥याएका व्यक्तित्व बखानसिंह गुरुङलाई केन्द्रमा राखेर लेखिएको ‘बखान’ उपन्यासमाथि समुदायस्तरबाट बहस तथा चर्चा–परिचर्चा सुरु भएको छ । चितवनको इतिहास, बस्ती विकास र स्थानीय तहको पहलमा पहिलोपटक किताबमाथि सार्वजनिक बहस थालिएको हो ।
स्मार्ट पूर्वाधार विकास र व्यवस्थापन
‘स्मार्ट’ पूर्वाधार विकास एक महत्वपूर्ण नवीनतम अवधारणा हो, जसले मुलुकको समग्र आर्थिक, सामाजिक र सांस्कृतिक विकासमा महत्वपूर्ण भूमिका खेल्छ । विकासको यो अवधारणाले भौतिक संरचना र सेवाहरूको निर्माण, सुधार र व्यवस्थापनलाई समेत समेट्छ । यसले मुलुकको आधारभूत सुविधाहरूमा सुधार गरेर जनताको जीवनस्तर उकास्ने र आर्थिक गतिविधि प्रवर्धन गर्ने उद्देश्य राख्दछ ।
ख्रिष्टमसको अवसरमा तीन दिन सार्वजनिक बिदा
मकवानपुरको दुई गाउँपालिकाले इसाई धर्मावलम्बीहरुले पर्व ख्रिष्टमसको अवसरमा तीन दिन सार्वजनिक बिदा दिने निर्णय गरेको छ ।
तोडिएका ठेक्काको तत्काल टेण्डर गरौं : मन्त्री घिसिङ
ऊर्जा, जलस्रोत तथा सिँचाइ, भौतिक पूर्वाधार तथा यातायात र शहरी विकास मन्त्री कुलमान घिसिङले ठेक्का तोडिएका सडकका योजनाको निर्माण सुनिश्चिता गर्न तत्काल नयाँ टेण्डरको प्रक्रिया सुरु गर्न निर्देशन दिनुभएको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित नेपाल भाषा
समावेशीकरणको दिशामा नयाँ फड्को : गोरखापत्रद्वारा प्रकाशित नेपाल भाषा
फरार तेल ट्याङ्कर चालक पक्राउ
ठक्कर दिएर फरार रहेका एक ट्याङ्कर चालकलाई प्रहरीले नियन्त्रणमा लिएको छ । सप्तरीको रूपनी गाउँपालिका–६ स्थित विरेन्द्र बजारमा तेल ट्याङ्करको ठक्करबाट गत बिहीबार एक बालकको मृत्यु भएको थियो ।
जलेको उखु किनिदिन चिनी मिलसँग उखु किसानको आग्रह
जनार्जन खत्री सर्लाही, पुस ५ गते । काटेर चिनी मिललाई बिक्री गर्ने ठिक्क बेला भएको उखु आगलागीबाट जलेपछि सर्लाहीको गोडैता नगरपालिका–४, रोहुवाका किसानले राहत माग गर्न थालेका छन् । गत सोमबार दिउँसो एक्कासी भिषण रुपमा आगलागी फैलँदा रोहुवा गाउँमा लगाइएको ५० बिघा बढीको उखु जलेको थियो । जलेको उखु खेतीको निरीक्षण गर्न आउनेहरुसँग किसानले राहतको माग गरेका हुन् । उखु किसान एवम् गोडैता नगरपालिकाका प्रमुख देवेन्द्र यादवले मूल्य घटाएर भए पनि जलेको उखु किनिदिन चिनी मिलहरुसँग निरन्तर आग्रह गरिरहेको बताउनुभयो । आगलागीबाट जले पनि उखुमा अझै चिनीको केही मात्रा बाँकी रहेकाले बरु कम मूल्य दिएर भए पनि उखु किनिदिन इन्दुशङ्कर चिनी उद्योग हरिवन र महालक्ष्मी चिनी उद्योग बगदहलाई अनुरोध गरिरहेको अगुवा उखु किसान यादवले बताउनुभयो । इन्दुशङ्कर चिनी उद्योगले रोहुवा क्षेत्र महालक्ष्मी चिनी उद्योगको मिलगेटभित्र पर्ने भएकाले सोही उद्योगसँग सम्पर्क राख्न किसानसँग आग्रह गरेको छ । यो वर्षका लागि उखु क्रसिङ सुरु गर्न धमाधम चलान (उखु ल्याउने अनुमति पत्र) बाँडिरहेको महालक्ष्मीलाई आगलागीबाट जलेको उखुको मूल्याङ्कलन गरी किनिदिन अनुरोध गरिरहेको नगरप्रमुख यादवको भनाइ छ । उहाँले अब यही पुसमा हुने विशेष नगरसभाबाट पीडित किसानलाई केही राहत प्रदान गर्ने सोँच रहेकोसमेत बताउनुभयो । मधेशका नवनियुक्त मुख्यमन्त्री कृष्णप्रसाद यादवले शुक्रबार आगलागी भएको उखु खेतीको निरीक्षण गर्दै चिनी मिलले पीडित किसानलाई केही रकम दिएर उखु खरिद गरिदिए सङ्घीय सरकारले निर्धारण गरेको उखुको समर्थन मूल्यमा बाँकी हुने पैसा प्रदेश सरकारबाट प्रदान गर्ने आश्वासन दिनुभएको छ । प्रदेश सरकारका स्वास्थ्यमन्त्री जङ्गीलाल राय, प्रदेश सभा सदस्य वीरेन्द्रप्रसाद सिंह, फकिरा महतोसहितलाई लिएर आगलागी भएको उखु खेतीको निरीक्षण गर्न पुग्नुभएका मुख्यमन्त्री यादवले पीडित किसानलाई मार पर्न नदिने प्रतिवद्धता व्यक्त गर्नुभएको छ । ठुलो क्षेत्रफलको उखु खेतीमा आगलागी हुनुको कारण अझै प्रष्ट हुन सकेको छैन । सुरुमा बिजुलीको तारबाट करेन्ट सर्ट भएर आगलागी भएको आशङ्का गरिएको थियो, तर नेपाल विद्युत् प्राधिकरणको मलङ्गवा वितरण केन्द्रले घटनास्थलमा रहेको विद्युतीय संरचनाको प्राविधिक विश्लेषण, घटनाको प्रकृति तथा स्थानीय प्रत्यक्षदर्शीको भनाइ विश्लेषण गर्दा विद्युतको तार सर्ट नभएको दाबी गरेको छ । घटना भएको पाँच दिन बितिसक्दा पनि प्रहरीले आगलागीबाट कति क्षेत्रफलको उखु खेतमा क्षति पुग्यो भन्ने एकिन विवरण सङ्कलन गरेको छैन । जिल्ला प्रहरी कार्यालय सर्लाहीका सूचना अधिकारी एवम् डिएसपी सरोज राईले आगलागीको वास्तविक विवरण सङ्कलन गर्नै बाँकी रहेको बताउनुभएको छ ।
मध्य दरमखोला जलविद्युत आयोजना निर्माणमा अवरोध
पश्चिम बागलुङको ताराखोला गाउँपालिका वडा नं. १ मा निर्माणाधिन मध्य दरमखोला जलविद्युत आयोजनामा स्थानीय र निर्माण कम्पनीबिचको विवादले काममा अबरोध आएको छ । माग सम्बोधन नभए आयोजना निर्माण गर्न नदिने प्रभावित क्षेत्रका बासिन्दाको अडानले आयोजनाको काममा अवरोध आएको हो ।
कठ्याङ्ग्रिँदो चिसोमा उपल्लो मुस्ताङ भ्रमण गर्दा समस्या
उपल्लो मुस्ताङको ल्होमन्थाङमा शैक्षिक भ्रमणमा गएकी ब्रिजवाटर इन्टरनेसनल कलेजकी एक छात्राको अक्सिजनको मात्रा कम भएपछि अचेत अवस्थामा उद्धार गरियो । अक्सिजन लेभल ५३ मा झरेको र मुटुको धड्कन रेट १०२ विट्स प्रतिमिनेटभन्दा बढी थियो । शरीरमा अक्सिजनको मात्रा ९४ भन्दा बढी हुनुपर्ने र सामान्य अवस्थमा मुटुको धड्कन रेट ६०–९० प्रतिमिनेट हुनुपर्नेमा निकै चिन्ताजनक अवस्थामा अन्नपूर्ण संरक्षण क्षेत्र आयोजना इलाका कार्यालय ल्होमन्थाङका स्वास्थ्य सहायक रामलाल गुरुङले सिपिआर गर्नुभयो ।
अतिथि भवन दशकौँदेखि अलपत्र
कुनै समय बर्दिया आउने मन्त्री, उच्च सरकारी अधिकारी तथा सर्वसाधारणका लागि भरपर्दो बास बनेको सदरमुकाम गुलरियास्थित अतिथि भवन अहिले अलपत्र छ । मुलुक सङ्घीयतामा गएपछि व्यवस्थापनको स्पष्ट जिम्मेवारी नतोकिँदा ऐतिहासिक र सार्वजनिक महत्वको यो भवन प्रयोगविहीन बनेको हो ।
पालमा बसेका आरक्षपीडितलाई चिसोको समस्या
शुक्लाफाँटा वन्यजन्तु आरक्ष (हाल निकुञ्ज) विस्तारका क्रममा रौतेली बिछुवाबाट विस्थापित हुनुभएका ७४ वर्षीय जयभान भट्ट चिसोले कठ्याङ्ग्रिँदै पालमुनि बस्दै आउनुभएको छ ।
त्रिविको ५१ औँ दीक्षान्त समारोह : यी हुन् पदक र पुरस्कार पाउने २५ जना (नामसहित)
त्रिभुवन विश्वविद्यालयको ५१ औँ दीक्षान्त समारोह हुने भएको छ । विश्वविद्यालयद्वारा जारी सूचनामा यही पुस १० गते दशरत रङ्गशालामा दीक्षान्त समारोह हुने भएको हो ।
-original-thumb.jpg)
मन्त्रीपरिषद्ले नै रोकिदियो कर्मचारी भर्ना प्रक्रिया
कर्णाली प्रदेशमा कर्मचारी अपुग भइरहेका बेला प्रदेश सरकारले चालु आर्थिक वर्षमा नयाँ कर्मचारी पदपूर्तिका लागि लोक सेवा आयोगलाई दिनुपर्ने माग फारामको विवरण पठाएको छैन । त्यसले गर्दा कर्मचारी अभाव भएको छ । एक तथ्याङ्क अनुसार कर्णाली प्रदेशमा २८ प्रतिशत कर्मचारी अपुग छन् ।
‘परिवर्तन’ देखि ‘परान’ सम्मको यात्रा
दार्जिलिङमा उच्च माध्यमिक विद्यालयस्तरको अध्ययन गर्दै थिए उनी । विद्यालयमा भानुजयन्ती तथा अन्य अवसरमा कवितावाचन, नाटक तथा अन्य सिर्जनात्मक गतिविधिमा उनको दिलचस्पी छँदै थियो । त्यतिखेर दार्जिलिङको रौनक नै अर्कै थियो । साहित्य, गीतसङ्गीत तथा नाटक रङ्गमञ्चमा त्यतिखेर त्यो भूमि काठमाडौँसित सहजै प्रतिस्पर्धा गरिरहेको थियो । मनबहादुर मुखिया तथा प्रताप सुब्बाहरू रङ्गमञ्चमा जमिरहेका थिए भने इन्द्रबहादुर राई, ईश्वरबल्लभ र बैरागी काइँलाहरू साहित्यमा । उनी भर्खरै नेपालमा शाही नेपाल चलचित्र संस्थानको तेस्रो कथानक उत्पादन ही
जबरजस्ती करणी गर्ने युवा पक्राउ
जबरजस्ती करणी गरेको आरोपमा स्याङ्जामा प्रहरीले एक जनालाई पक्राउ गरेको छ । करिब ५० वर्षीया महिलामाथि जबरजस्ती करणी गरी फरार पुतलीबजार नगरपालिका–४ का २६ वर्षीय अजय परियारलाई प्रहरीले पक्राउ गरेको हो ।
