गोरखापत्र अनलाइन
निर्वाचन कानुनको कठोर पालना हुन्छ : रावल
भयरहित निर्वाचन सम्पन्न गराउन निर्वाचन कानुनको कठोर रुपमा प्रयोग गर्ने मुख्य निर्वाचन अधिकृत तथा सप्तरी जिल्ला अदालतका मुख्य न्यायाधीश हेमन्त रावलले बताउनुभएको छ । मंसिर ४ मा हुन गइरहेको निर्वाचन प्रयोजनका लागि सप्तरीको राजविराजस्थित प्रतिनिधिसभा क्षेत्र नं २ को मुख्य निर्वाचन अधिकृतको कार्यालयको उदघाटन गर्ने क्रममा उहाँले सो कुरा बताउनुभएको हो ।
राप्रपा केन्द्रीय कार्यसम्पादन समिति बैठक धुम्बाराहीमा
राष्ट्रिय प्रजातन्त्र पार्टीको केन्द्रीय कार्यसम्पादन समितिको बैठक धुम्बाराहीस्थित केन्द्रीय कार्यालयमा बसेको छ । राप्रपा अध्यक्ष राजेन्द्र लिङ्देनको नेतृत्वमा बसेको बैठकमा मङ्सिर ४ गते हुने प्रतिनिधिसभा तथा प्रदेशसभा सदस्य निर्वाचन सम्बन्धमा छलफल भएको नेता केशव श्रेष्ठले जानकारी दिनुभयो ।
सकल दर्जाका प्रहरी कर्मचारीलाई टीका र प्रसाद
प्रहरी महानिरीक्षक धिरजप्रताप सिंहले सकल दर्जाका प्रहरी कर्मचारीलाई टीका र प्रसाद प्रदान गर्नुभएको छ । दशैंको अवसरमा बिहीबार बिहान सकल दर्जाका प्रहरी कर्मचारीहरुलाई उहाँले टीका लगाएर प्रसाद प्रदान गर्नुभएको हो ।
बाढी र डुबान क्षेत्रको मन्त्री राईद्वारा निरीक्षण
भौतिक पूर्वाधार तथा यातायातमन्त्री मोहम्मद इस्तिायाक राईले बाँकेका केही बाढी र डुबान क्षेत्रको स्थलगत निरीक्षण गर्नुभएको छ । दुई दिनदेखिको अविरल वर्षाका कारण जिल्लाको डुडुवा गाउँपालिकाका केही गाउँमा राप्ती नदीको बाढी पसेको र केही ठाउँमा डुडुवा खोलाले डुबान गरेकोले मन्त्री राईले निरीक्षण गरेर अवस्था बुझ्नु भएको हो ।
बाँकेको नरैनापुर आसपास क्षेत्र जलमग्न, जनजीवन प्रभावित
बुधबारदेखिको लगातार वर्षाका कारण बाँकेको नरैनापुर आसपासका विभिन्न क्षेत्र जलमग्न भएको छ । मुख्यगरी नरैनापुरको १ बनिया गाँउ, वडा ४ को घोडदौरिया, वडा ५ को जमुनहा, वडा ६ को दोँदरा क्षेत्रमा रहेका घरमा पानी पसेपछि जनजीवन प्रभावित बनेको छ । सो क्षेत्रका स्थानीय जनप्रतिनिधिहरुले स्थलगत अनुगमन गरेको गाँउपालिकाका अध्यक्ष इश्तियाक अहमद शाहले बताउनुभयो ।
समानुपातिकको बन्दसूचीबाट २९ जनाको नाम फिर्ता
आगामी मङ्सिर ४ गते हुने प्रतिनिधिसभा र प्रदेशसभा निर्वाचनका लागि पेस गरिएको बन्दसुचीबाट विभिन्न दलका २९ उम्मेदवारले नाम फिर्ता लिएका छन् ।
लगातार वर्षापछि आएको पहिरोले घर पुरियो, पशुचौपाया मरे
लगातारको वर्षाका कारण आएको पहिरोले रूकुम पश्चिममा एक घर पुरिएको छ । घरका पशुचौपाया मरेका छन् । रुकुमपश्चिमको त्रिवेणी गाउँपालिका –६ बाँठाकोटमा पहिरो आउँदा स्थानीय पदमबहादुर घर्तीको घर पुरिएको हो । लगातारको वर्षापछि आएको पहिरोले बुधबार राति घर्तीको दुई तले घर पुरिएर क्षति पुगेको प्रहरीले जनाएको छ ।
बस दुर्घटनामा मृत्यु हुनेको सङ्ख्या १६ पुग्यो : घाइतेको अस्पतालमा उपचार हुँदै
बाराको जितपुर सिमरा उपमहानगरपालिका–२२ मा बिहीबार बिहान भएको बस दुर्घटनामा परी मृत्यु हुनेको सङ्ख्या १६ पुगेको छ ।
-original-thumb.jpg)
सखिया नृत्य देखाउँदै युवती
शुक्लाफाँटा नगरपालिका–३ पिपलाडीका थारु समुदायका युवती सखिया नृत्य देखाउँदै ।
स्कुटर दुर्घटना हुँदा एकको मृत्यु, एक जना घाइते
काठमाडौं महानगरपालिका–३ महाराजगञ्जस्थित सडकमा सवारी दुर्घटना हुँदा एकको मृत्यु भएको छ भने, एक जना घाइते भएका छन् । बिहीबार बिहान बा ४२ प ३३१४ नम्बरको स्कुटर अनियन्त्रित भई दुर्घटना हुँदा एक जनाको मृत्यु हुनाका साथै एक जना घाइते भएको प्रहरी प्रधान कार्यालयले जनाएको छ ।
भीरबाट लडेर युवकको मृत्यु
भीरबाट लडेर २३ वर्षीय युवाको मृत्यु भएको छ । दशैंको टीका लगाएर अर्को गाउँ जाने क्रममा बाटोमा पर्ने भीरबाट लडेर उहाँको घटनास्थलमै मृत्युु भएको प्रहरीले जनाएको छ ।
मनाङमा हिमपात, सतर्कता अपनाउन प्रशासनको अनुरोध
हिमाली जिल्ला मनाङमा हिउँ पर्न थालेको छ । जिल्लाको माथिल्लो क्षेत्रमा बिहीबार बिहानबाट हिउँ पर्न थालेको स्थानीयले बताएका छन् । मंगलबार रातिदेखि परेको अविरल बर्षाका कारण बिहीबारबाट हिउँ पर्न थालेको हो । मनाङ ङिस्याङ गाउँपालिका अध्यक्ष कान्छा घलेका अनुसार तीन दिनदेखि निरन्तर परेको बर्षाले हिउँ पर्न थालेको हो ।
राप्तीको बाढी गाउँमा पस्यो, स्थानीयहरुले विद्यालयमा शरण लिए
दुई दिनदेखि अविरल परिरहेको वर्षाका कारण बाँकेस्थित राप्ती नदीमा आएको बाढी डुडुवाका केही गाउँमा पसेर स्थानीय बिस्थापित भएका छन् । राप्ती नदीमा बुधबार दिउँसोदेखि पानीको सतह खतराको चिन्हभन्दा माथि पुगेपछि बाढी गाउँमा पसेको हो ।
आईएमई लुटपाटमा संलग्न थप दुईजना पक्राउ
ताप्लेजुङको सदरमुकाम फुङ्लिङमा गएको सोमबार एक आईएमई लुटपाटमा संलग्न थप दुईजना पक्राउ परेका छन् । प्रहरीले एकजनालाई झापाको बिर्तामोड र अर्कोलाई फुङ्लिङ बजारकै हेलिप्याड क्षेत्रबाट बुधबार साँझ पक्राउ गरेको हो ।
पानीको सतह बढेपछि गण्डक नहरका सबै ढोका खुल्ला
दुई दिनदेखि परेको वर्षाका कारण नारायणी नदीमा पानीको बहाव बढ्दै गएपछि नवलपरासीको त्रिवेणीस्थित गण्डक ब्यारेजका ३६ वटै (सबै) ढोका खोलिएका छन् । नारायणी नदीमा जलको बहावका कारण जोखिम बढेपछि गण्डक ब्यारेजका सबै ३६ वटै ढोका खोलिएको गण्डक योजना कार्यालयका भुआर्जन अधिकृत अमित खड्काले बताउनुभयो ।
