गोरखापत्र अनलाइन
तीन संस्थाले भने ‘मौद्रिक नीति सकारात्मक’
नेपाल राष्ट्र बैङ्कले ल्याएको आर्थिक वर्षको २०८२/८३ को मौद्रिक नीतिलाई निजी क्षेत्रका तीन संस्थाले स्वागत गरेका छन् । नेपाल उद्योग परिसङ्घ, नेपाल चेम्बर अफ कमर्स र बैङ्क तथा वित्तीय संस्था परिसङ्घ नेपालले बेग्लाबेग्लै विज्ञप्ति पारी गरी स्वागत गरेका छन् ।
सबै भुक्तानी विद्युतीय प्रणालीमार्फत
अर्थ मन्त्रालयले साउन १ गतेदेखि सार्वजनिक निकायबाट हुने सबै प्रकारका भुक्तानीलाई अनिवार्य रूपमा विद्युतीय प्रणालीमार्फत गर्ने व्यवस्था मिलाउन सबै मन्त्रालय, नेपाल राष्ट्र बैङ्क, सार्वजनिक संस्थान, बोर्ड, समिति तथा प्रतिष्ठानलाई परिपत्र गरेको छ । आर्थिक वर्ष २०८२/८३ को बजेट वक्तव्यमा उल्लेख भए अनुसार अर्थ मन्त्रालयले परिपत्र जारी गरेको हो ।
यस्तो छ आजका लागि विदेशी मुद्राको विनिमय दर
नेपाल राष्ट्र बैङ्कले सोमबारका लागि विदेशी मुद्राको विनिमय दर निर्धारण गरेको छ । राष्ट्र बैङ्कका अनुसार अमेरिकी डलर एकको खरिदर १३६ रुपियाँ ९९ पैसा र बिक्रीदर १३७ रुपियाँ ५९ पैसा कायम गरिएको छ ।
ट्राफिक सचेतना कक्षा अनलाइनबाट
ट्राफिक नियम उल्लङ्घन गरी कारबाहीमा परेका सवारीचालकका लागि सञ्चालित सचेतना कक्षा अबदेखि अनलाइनमार्फत हुने भएको छ । मादक पदार्थ सेवन गरी सवारी चलाउने, रातो बत्ती, लेन अनुशासन उल्लङ्घन तथा तीव्र गतिमा सवारी चलाउनेमाथि ट्राफिक प्रहरीले जरिबाना तथा भौतिक रूपमा कक्षा सञ्चालन गर्दै आएको थियो ।
हात्तीको आक्रमणबाट महिलाको मृत्यु
मोरङको बेलबारीमा आइतबार जङ्गली हात्तीको आक्रमणबाट एक महिलाको मृत्यु भएको छ ।जिल्ला प्रहरी कार्यालय मोरङका प्रवक्ता प्रहरी नायव उपरीक्षक कोपिला चुडालका अनुसार बेलबारी –८ बाँसबारीकी ४५ वर्षीया अमिना राजवंशीको मृत्यु भएको हो ।
सरकारको राम्रा कामलाई ओझेल पार्न झुटको खेती हुँदैछ : प्रधानमन्त्री ओली
प्रधानमन्त्री केपी शर्मा ओलीले सरकारले गरेका राम्रा कामहरुको चर्चा हुन थालेपछि ओझेलमा पार्न प्रतिपक्षीहरुले झुटको खेती गर्न थालेको बताउनुभएको छ ।
गाजामा इजरायली हवाई आक्रमण : ४० भन्दा बढीको मृत्यु
गाजाको नागरिक सुरक्षा निकायले आइतबार दिएको जानकारीअनुसार, इजरायली हवाई आक्रमणमा कम्तीमा ४३ जना प्यालेस्टिनी नागरिकको ज्यान गएको छ । आक्रमण बजार, पानी वितरण केन्द्र र शरणार्थी शिविरहरूलाई लक्षित गरी गरिएको थियो ।
भुक्तानी अनिवार्यरूपमा विद्युतीय प्रणालीबाट गर्न परिपत्र
अर्थ मन्त्रालयद्वारा सार्वजनिक निकायबाट हुने सबै प्रकारका भुक्तानीलाई अनिवार्यरुपमा विद्युतीय प्रणालीमार्फत गर्ने व्यवस्था मिलाउन परिपत्र गरेको छ ।
सञ्चारमन्त्री गुरुङ स्वदेश फिर्ता
सञ्चार तथा सूचना प्रविधिमन्त्री पृथ्वीसुब्बा गुरुङ विश्व सूचना समाज सम्मेलनमा सहभागी भई आज स्वदेश फर्कनुभएको छ।
काठमाडौँ महानगरपालिकाको बजेट २५ अर्ब ७६ करोड
आगामी आर्थिक वर्ष २०८२/८३ का लागि काठमाडौँ महानगरपालिकाले रु २५ अर्ब ७६ करोड ४३ लाख बराबरको बजेट ल्याएको छ ।
विधान महाधिवेशनमा ७० वर्षे उमेर हद हटाउने प्रस्ताव जान्छ : महासचिव पोखरेल
नेपाल कम्युनिष्ट पार्टी (एमाले)का महासचिव शङ्कर पोखरेलले पार्टीको आगामी विधान महाधिवेशनमा ७० वर्षे उमेर हद हटाउने प्रस्ताव लैजाने बताउनुभयो।
अभिनेता थारुलाई प्रज्ञा प्रादेशिक प्रतिभा पुरस्कार
अढाई दशकदेखि कला क्षेत्रमा क्रियाशील अभिनेता सङ्गत थारुलाई प्रज्ञा प्रादेशिक पुरस्कार प्रदान गरिएको छ।
बालाजुको झोला गोदाममा आगलागी, दुई करोड क्षति
काठमाडौं महानगरपालिका वडा नं. १६ बालाजु चमतिस्थित झोला गोदाममा आगलागी हुँदा दुई करोडको क्षति भएको बताइएको छ ।
आदिकविको जन्मस्थललाई पर्यटकको गन्तव्य बनाउँछौंः मुख्यमन्त्री पाण्डे
गण्डकी प्रदेशका मुख्यमन्त्री सुरेन्द्रराज पाण्डेले राष्ट्रिय विभूति तथा आदिकवि भानुभक्त आचार्यको जन्मस्थललाई पर्यटकीय गन्तव्य स्थल बनाइने बताउनुभएको छ।
आरिफ क्यास्पियन भ्यालीको ब्रान्ड एम्बेसडर
क्रिकेटर आरिफ शेखलाई क्यास्पियन भ्याली कलेजले ब्रान्ड एम्बेसडर नियुक्त गरेको छ ।
