गोरखापत्र अनलाइन
मलेसियाविरुद्ध नेपाल पछाडि
महिला टी–२० अन्तर्राष्ट्रिय शृङ्खला अन्तर्गत तेस्रो खेलमा नेपाल आइतबार मलेसियासँग १३ रनले पराजित भएको छ । यस नतिजासँगै पाँच खेलको शृङ्खलामा घरेलु टिम मलेसिया २–१ ले अगाडि भएको छ ।
‘दाजुको साली’ सार्वजनिक
कात्तिक ६ गते भाइटीकाको दिनदेखि प्रदर्शनमा आउन लागेको चलचित्र ‘सोल्टिनी’ को गीत ‘दाजुको साली’ सार्वजनिक गरिएको छ । गायक एसडी योगीको स्वर रहेको गीतमा अर्जुन सुवेदीको शब्द र हर्कुलस बस्नेतको सङ्गीत रहेको छ ।
अभिमन्युको प्रदर्शन मिति हेरफेर
चलचित्र ‘अभिमन्यु : च्याप्टर १’ प्रदर्शन मिति पुनः सरेको छ । देशको पछिल्लो अवस्थालाई ध्यानमा राखी निर्माण टिमले चलचित्र प्रदर्शन मिति हेरफेर गरेको हो । यसअघि असोज २४ गते प्रदर्शनमा आउने घोषणा गरिएको यो चलचित्र अब कात्तिक २१ गते (नोभेम्बर ७) बाट दर्शकमाझ आउने भएको छ ।
मोतीलक्ष्मीलाई विराट् पूर्ण वैद्य सिरपाः
विराट् नेपाल भाषा साहित्य सम्मेलन गुथीले ६४ औँ विराट् नेपाल भाषा साहित्य सम्मेलन राममन्दिर भक्तपुरमा सम्पन्न गरेको छ । प्रत्येक वर्ष द्वादशीका दिन आयोजना हुने साहित्यिक कार्यक्रममा विराट् पूर्ण वैद्य सिरपाः मोतीलक्ष्मी शाक्यलाई एक लाख रुपियाँसहित प्राडा चुन्दा वज्राचार्यले प्रदान गर्नुभयो ।
भित्र्याइँदै चिसो धान
दाङको राप्ती गाउँपालिका–७, पहरूवा निवासी किसान चोटाराम चौधरीलाई चाडपर्वभन्दा पाकेको धान भित्र्याउने चटारो बढी छ । जल तथा मौसम विज्ञान विभागले सार्वजनिक गरेको सूचना अनुसार असोज २० गतेसम्म ठुलो वर्षा हुने भएपछि खेतमा काटेको धान थ्रेसरबाट दाउन लागेको चौधरीले बताउनुभयो ।
वर्षाले धान नासिँदा मर्कामा किसान
विजया दशमीको टीका सकेर अन्नबाली भित्र्याउने तयारीमा रहेका बर्दियाका कृषकलाई पछिल्लो वर्षाले समस्यामा पारेको छ । गत मङ्गलबार बिहान आएको हावाहुरीसहितको पानीले धान बालीमा ठुलो क्षति पु¥याएको हो ।
अलपत्र यात्रुलाई होटेलको साथ
वर्षापछिको बाढीपहिरोका कारण स्थलमार्ग अवरुद्ध हुँदा अलपत्र परेका यात्रुलाई चितवनका होटेल व्यवसायीले होटेलको बसाइमा ७५ प्रतिशतसम्म छुट दिएका छन् । बाढीपहिरोका कारण सडक अवरुद्ध भएको पहिलो दिन शनिबार ९० जना यात्रुले यो सुविधा लिएका चितवन होटेल सङ्घका अध्यक्ष लोकनाथ भट्ट कृष्णले जानकारी दिनुभयो ।
काँग्रेसका भ्रातृ संस्थाको अपील : उद्धार, राहत र पुनर्स्थापनामा जुटौं
भारी वर्षाका कारण देशभर जनजीवन प्रभावित बनेको पृष्ठभूमिमा नेपाली काँग्रेससँग आवद्ध भ्रातृ संस्थाहरूले उद्धार, राहत र पुनर्स्थापनाका कार्यमा एकजुट भई जुट्ने अपील गरेका छन्।
-original-thumb.jpg)
गाईगोरुलाई स्याउको आहारा
बाजुराको खप्तड छेडेदह गाउँपालिका–१, काँडामा उत्पादन भएको स्याउ गाईगोरुको आहारा बनको छ । किसानले करोडौँको लागतमा उत्पादन गरेको स्याउले बजार नपाएपछि गाईगोरुको आहारा बन्दै गएको हो ।
अख्तियारको प्रतिवेदनमा स्थानीय तह, सबैभन्दा धेरै उजुरी पोखरामा
अख्तियार दुरुपयोग अनुसन्धान आयोगमा गत वर्ष भ्रष्टाचार तथा अनियमिततासँग सम्बन्धित सबैभन्दा धेरै उजुरी पर्ने स्थानीय तहमा कास्कीको पोखरा महानगरपालिका परेको छ । सबैभन्दा कम उजुरी पर्ने स्थानीय तहमा भने रौतहट जिल्लाको कटहरिया नगरपालिका छ ।
विपतका बेला सरकारको साथमा दल
देशैभरि वर्षा, बाढी र पहिरोले नागरिकको जनधनको क्षति र प्रताडना बेहोरिरहँदा प्रमुख राजनीतिक दल उद्धार र राहत कार्यमा सरकारको साथमा उभिएका छन् । असोज १७ गतेदेखि सुरु भएको वर्षापछि असोज १८ र १९ गते विभिन्न जिल्लामा बाढी र पहिरोले क्षति पु¥याएपछि राजनीतिक दल र तिनका भ्रातृ संस्था उद्धार र राहतमा खटिएका हुन् ।
राजमार्ग अवरुद्ध हुँदा हवाईयात्रामा चाप
अविरल वर्षाका कारण काठमाडौँ जोडिने मुख्य राजमार्ग अवरुद्ध हुँदा हवाई यात्रुको चाप बढेको छ । प्रतिकूल मौसमका कारण शनिबार दिनभर बन्द भएको आन्तरिक उडान सञ्चालनमा आएसँगै उडानमा चाप बढेको हो ।
आयोडिन नुनको प्याकेटभित्र भ्यागुतो
स्याङ्जामा उपभोक्ताले खानका लागि खरिद गरी घरमा लगेको साल्ट ट्रेडिङ लिमिटेडको आयोडिनयुक्त नुनको प्याकेटमा मरेको भ्यागुतो भेटिएको छ । वालिङ नगरपालिका–७, ताप्केका ताराबहादुर थापाले वालिङ नगरपालिका–६ स्थित मिर्दीबाट खरिद गरी लिएको नुनमा सुकेको अवस्थामा मरेको भ्यागुतो भेटिएको हो ।
सडक पुनर्निर्माण प्राथमिकतामा
ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकासमन्त्री कुलमान घिसिङले अविरल वर्षाका कारण मुलुकका विभिन्न स्थानमा आएको बाढीपहिरोमा सबैको सतर्कताले मानवीय क्षति कम भएको बताउनुभएको छ ।
सप्तकोशीमा सन्ताउन्न वर्षयताकै तेस्रो ठुलो बाढी
यस वर्षको वर्षायाम सकिए पनि आरिघोप्टे वर्षाका कारण सप्तकोशी नदीमा पानीको बहाव ५७ वर्षयताकै तेस्रो उच्च बाढी मापन गरिएको छ । आइतबार दिउँसो ४ बजेको मापन अनुसार कोशी ब्यारेज नियन्त्रण कक्षले पाँच लाख ३३ हजार ५४० क्युसेक प्रतिसेकेन्ड पानीको बहाव मापन गरेको छ । यही रूपमा पानीको बहाव बढ्दै गए छ लाख क्युसेक प्रतिसेकेन्ड पुग्न सक्ने नियन्त्रण कक्षले जनाएको छ ।
