नेपाल प्रहरीलाई प्रविधिमैत्री बनाउनु आवश्यक : मुख्यमन्त्री पाण्डे
गण्डकी प्रदेशका मुख्यमन्त्री सुरेन्द्रराज पाण्डेले नेपाल प्रहरीलाई प्रविधिमैत्री बनाउनु आजको आवश्यकता रहेको बताउनुभएको छ ।
बाँकेमा १२ कक्षाको परीक्षा : नौ हजारभन्दा बढी सहभागी हुँदै
सोमबारदेखि सुरु हुन लागेको १२ कक्षाको परीक्षामा बाँके जिल्लाबाट २७ बालबिज्याइँकर्तासहित नौ हजारभन्दा बढी परीक्षार्थी सहभागी हुने भएका छन् ।
डोजर दुर्घटनामा एक जना बेपत्ता
बाजुरा र कालीकोट जिल्लाको सिमानास्थित लैफुडाँडाको भिरबाट डोजर दुर्घटना हुँदा एक जना बेपत्ता भएका छन् ।
मालपोत कार्यालय ताप्लेजुङबाट साढे दुई करोड बढी राजस्व उठ्यो
मालपोत कार्यालय ताप्लेजुङले गत आर्थिक वर्षभन्दा साढे ३८ लाख बढी राजस्व सङ्कलन गरेको छ । गत आर्थिक वर्ष २०८१–८२ को तुलनामा चालु आर्थिक वर्ष २०८२–८३ मा ३८ लाख ६७ हजार १३७ रुपियाँ बढी राजस्व सङ्कलन गरेको हो ।
ट्रम्प कार्यक्रममा आक्रमण प्रयास, राष्ट्रपति सुरक्षित
अमेरिकामा राष्ट्रपति डोनाल्ड ट्रम्प सहभागी रहेको ‘डिनर कार्यक्रम’ मा एक हतियारधारी व्यक्तिले आक्रमण गर्ने प्रयास गर्दा ठुलो सुरक्षा घटना भएको छ ।
अतिक्रमणमुक्त भए काठमाडौँका तीन बस्ती
काठमाडौँका विभिन्न स्थानमा अतिक्रमण गरी निर्माण गरिएका बस्ती हटाउने अभियान तीव्र बनाइएको छ । अभियानका क्रममा शनिबार काठमाडौँ महानगरपालिकाअन्तर्गत तीन स्थानका बस्ती खाली गरिएका छन् ।
मनोहरा सुकुमवासी बस्तीमा घरटहरा भत्काउन सुरु
आज बिहानैदेखि बस्तीमा भक्तपुरबाट खटिएका एक हजार ३०० नेपाल प्रहरी र ६०० सशस्त्र प्रहरी परिचालन गरेर संरचना भत्काउन सुरु गरिएको जिल्ला प्रहरी परिसरका प्रमुख एवं प्रहरी उपरीक्षक सूर्यबहादुर खड्काले जानकारी दिनुभयो ।
सुनचाँदीको मूल्य बढ्यो
नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला दुई लाख ९९ हजार २०० र त्यति नै परिमाणको सेतो धातुको मूल्य रु चार हजार ९९५ कायम भएको छ ।
अपराधका घटना बढ्दै, दोषी उम्कँदै
गत वर्ष फागुन १३ गते गैँडाकोट–२, शान्तिनगरमा डेरा गरी बसिरहेकी गुल्मीको मुसिकोट–९ की २४ वर्षीया बबिता सापकोटाको धारिलो हतियार प्रहार गरी विभत्स रूपमा हत्या भयो ।
-original-thumb.jpg)
थाहामा हावाहुरीबाट १९ लाखभन्दा बढीको क्षति
हावाहुरीसँगै परेको वर्षाका कारण मकवानपुरको थाहा नगरपालिका–९, माझगाउँमा करिब १९ लाख रुपियाँभन्दा बढीको क्षति भएको छ ।
बेनीको रिङरोडमा पदमार्ग र रेलिङ निर्माण
बेनीको कालीगण्डकी नदी किनारमा रहेको रिङरोडमा पदमार्ग निर्माण र रेलिङ राखेर सुरक्षित बनाइएको छ । बेनी नगरपालिका वडा नम्बर ८ ले चालु आर्थिक वर्षमा विनियोजन गरेको बजेटबाट कलिपुलको मोटरेबल पुलदेखि वडा नम्बर ७ को सिमाना सम्मको रिङरोडको डिलतर्फ पदमार्ग निर्माण र रेलिङ राखेर सुरक्षित बनाइएको हो ।
जोगबुडामा झाडापखालाले बालकको मृत्यु, तीन जना अस्पतालमा
जिल्लाको भित्री मधेश जोगबुडामा झाडापखालाका कारण एक सात वर्षीय बालकको मृत्यु भएको छ । अत्यधिक गर्मी हुने चुरे क्षेत्र अन्तर्गत परशुराम नगरपालिका–२ मा झाडापखालाको प्रकोपसँगै बालकको मृत्यु भएपछि एकै परिवारमा शोक छाएको छ ।
-original-thumb.jpg)
मूल्यवृद्धिले नवलपरासीका ७० प्रतिशत विकास योजना अलपत्र
निर्माण सामग्रीको अत्यधिक मूल्यवृद्धिका कारण पश्चिम नवलपरासीका सातवटै स्थानीय तहका विकास निर्माण कार्यहरू प्रभावित भएका छन् ।
बाढीले बिपी राजमार्ग अवरुद्ध, यात्रु उद्धार जारी
शनिबार दिउँसोदेखि परेको लगातार वर्षाका कारण सङ्घीय राजधानी काठमाडौँलाई पूर्वी पहाडी तथा तराईका जिल्लासँग जोड्ने बिपी राजमार्ग पूर्ण रूपमा अवरुद्ध भएको छ ।
त्रिवेणी–बुढीगङ्गा क्षेत्रमा नेटवर्क समस्या, स्थानीयलाई सास्ती
जिल्लाको तल्लो क्षेत्र त्रिवेणी र बुढीगङ्गाका बासिन्दाले लामो समयदेखि नेटवर्क समस्याको सामना गर्दै आएका छन् । नेटवर्क सहज बनाउन नेपाल टेलिकमले तोली र बानेगाउँको माथिल्लो डाँडामा टावर निर्माण गरे पनि स्थानीयले अझै पनि प्रभावकारी सेवा पाउन नसकेको गुनासो गरेका छन् ।
जिल्ला प्रहरी कार्यालयलाई पुस्तक हस्तान्तरण
विश्वभर विश्व पुस्तक तथा प्रतिलिपि अधिकार दिवसका अवसरमा सम्पूर्ण किताब नारायणगढले जिल्ला प्रहरी कार्यालय चितवनलाई पुस्तक हस्तान्तरण गरेको छ । प्रहरी हिरासत (थुनुवा) कक्षमा रहेका थुनुवाका लागि सम्पूर्ण किताबले ती पुस्तक उपलब्ध गराएको हो । प्रहरीले थुनुवा कक्षमा पुस्तकालय निर्माण गरेको छ । सम्पूर्णका सञ्चालक लेखराम सापकोटाले २० हजार रुपैयाँभन्दा बढी मूल्यका विभिन्न पुस्तक प्रहरी उपरीक्षक गोविन्द पुरीलाई हस्तान्तरण गरेको जानकारी दिनुभयो ।
हलेसी गुफा झैँ बटुक केभ
मलेसियाको सेलाङ्गल राज्यमा प्रसिद्ध बटुक/कार्तिकेयको मन्दिर छ । मलेसियामा बटुक केभ नामको विश्वप्रसिद्ध तीर्थस्थल क्वालालम्पुरबाट उत्तर पहाडको काखमा अवस्थित छ । क्वालालम्पुरबाट बटुक केभसम्मको दुरी १५ किलोमिटर छ । बटुक केभ गुफामा मन्दिर रहेको छ । भनिन्छ, “यो गुफा ४० करोड वर्ष पुरानो हो र प्रारम्भमा यस गुफालाई ओराङ अस्ली जनजातिका टेमुआन समुदायले आश्रय स्थल बनाएको बताइन्छ । सन् १८९० मा मलेसियाली भारतीय व्यापारी के थाम्बुसामी
चौथो बुट्टाबारी गोल्डकपको उपाधि आयोजक बुट्टाबारी युनाइटेडलाई
झापाको बिर्तामोडमा जारी चौथो बुट्टाबारी गोल्डकपको उपाधि आयोजक बुट्टाबारी युनाइटेडले जितेको छ । घरेलु मैदान र दर्शकको साथ पाएको आयोजकले धरानस्थित फेयर क्लबविरुद्ध शनिबार भएको फाइनल खेलमा २–१ गोल अन्तरको कठिन जित निकाल्दै उपाधि रक्षा गरेको हो ।
मनोहराको सुकुम्बासी बस्ती भत्काइयो (फोटो फिचर)
मनोहरास्थित सुकुम्बासी बस्तीमा आइतबार सुरक्षाकर्मीको बाक्लो उपस्थितिमा डोजर चलाइएको छ । अधिकार क्षेत्र मिचेर बनाइएका संरचना हटाउने भन्दै प्रशासनले सशस्त्र प्रहरी र नेपाल प्रहरी परिचालन गरी बस्तीमा कारबाही गरेको हो ।
छब्बिस योजनाको अन्तिम भुक्तानी सिफारिस
सामाजिक विकास कार्यालयले जिल्लाका पाँच वटा गाउँपालिकाका २६ वटा योजनाको अन्तिम भुक्तानीका लागि सिफारिस गरेको छ । निर्माण सम्पन्न भएका ती योजनाको लागत स्टिमेट अनुसारको कामको मूल्याङ्कन गर्दै अनुगमनमा निस्केको कार्यालय प्रमुख टोलीले अन्तिम भुक्तानी दिने निष्कर्ष निकालेको हो । ताँजाकोट, चङ्खेली, सर्केगार्ड, खार्पुनाथ र सिमकोट गाउँपालिकामा ती योजना सञ्चालन भएका थिए ।
बजेट सुनिश्चित भएसँगै पुनर्निर्माण
जेनजी आन्दोलनका क्रममा क्षति पुगेका चार सरकारी संरचना पुनर्निर्माण गर्न डेढ करोड रुपियाँ लाग्ने भएको छ । कर्णाली प्रदेश सरकारले संरचनाको पुनर्निर्माण गर्न लागेको हो । बजेटको स्रोत सुनिश्चित गरेर सरकारी संरचनाको पुनर्निर्माण गर्न लागिएको पूर्वाधार विकास निर्देशनालय सुर्खेतले जनाएको छ । बजेटका लागि अर्थ मन्त्रालयमा पत्राचार गरिएको छ, निर्देशनालयका निमित्त निर्देशक सूर्यबहादुर शाहीले भन्नुभयो, “अहिले चार वटा सरकारी भवनको लागत अनुमान तयार भएको छ । जसमा मुख्यमन्त्री निवास, सोही ठाउँमा रहेको सुरक्षाकर्मीको निवास, कृषिमन्त्रीको निवास र प्रदेश कोष तथा लेखा नियन्त्रकको कार्यालय रहेका छन् ।” यी चार वटा संरचनाको मर्मत तथा पुनर्निर्माणका लागि एक करोड ५० लाख लागत लाग्ने शाहीले जानकारी दिनुभयो ।
-original-thumb.jpg)
पत्रकार महासंघ मकवानपुरको साधारणसभा जेठ ९ गते
नेपाल पत्रकार महासंघ मकवानपुर शाखाको १९ औँ साधारणसभा आगामी जेठ ९ गते हुने भएको छ । महासंघ मकवानपुरको शनिबार बसेको कार्यसमिति बैठकले साधारणसभा गर्ने निर्णय गरेको हो ।
इन्धनको मूल्यवृद्धिका कारण देवघाटको विराट महायज्ञ स्थगित
इन्धनको मूल्यवृद्धिका कारण तनहुँको देवघाटधाममा हुने महायज्ञ नै स्थगित गरिएको छ । देवघाट गाउँपालिका–५ स्थित भर्जन कालिका मन्दिरमा यही वैशाख २१ गतेदेखि आयोजना गर्ने भनिएको ‘बृहत देवीभागवत विराट ज्ञान महायज्ञ’ स्थगित गरिएको हो ।
लागुऔषधसहित विभिन्न स्थानबाट एकचालिस जना पक्राउ
काठमाडौँ महानगरपालिका–३२ जडीबुटीबाट चिकित्सकको सिफारिसमा मात्र खरिद गर्न पाइने १३० थान ट्रामाडोल ट्याब्लेट नगद रु ६८ हजार २०० सहित एक जना किशोरलाई पक्राउ गरिएको छ ।
मूल्यवृद्धि नरोकिए विकासनिर्माण ठप्प हुने
रुकुमपश्चिमका निर्माण व्यवसायीले पेट्रोलियम पदार्थमा भएको अत्यधिक मूल्यवृद्धि नरोकिए विकासनिर्माणका काम ठप्प हुने चेतावनी दिएका छन् । शुक्रबार प्रमुख जिल्ला अधिकारी दिनेशप्रसाद थानीमार्फत प्रधानमन्त्रीसमक्ष ज्ञापनपत्र पेस गरेका उनीहरूले मूल्यवृद्धि रोक्न माग गरेका छन् । उनीहरूले इन्धनजन्य सामग्री डिजेल, पेट्रोल, मटितेलमा भइरहेको अप्रत्याशित र अत्यधिक मूल्यवृद्धिले निर्माण लागतलाई नियन्त्रणबाहिर लिएकाले विकासनिर्माणका कार्य ठप्प हुने स्थिति आएको जनाएका छन् । निर्माण व्यवसायी सङ्घका जिल्ला अध्यक्ष परवीर डाँगीले देशको भौतिक पूर्वाधार विकासको मेरुदण्डका रूपमा रहेको निर्माण उद्योग अत्यन्तै विषम र जर्जर परिस्थितिबाट गुज्रिरहेको तथ्य जानकारी गराउँदै मूल्यवृद्धि रोक्न माग गरिएको बताउनुभयो ।
