दोलखाका निजामती कर्मचारी संघसंगठनले बुझाए ज्ञापनपत्र
दोलखाका निजामती कर्मचारी संघसंगठनले प्रमुख जिल्ला अधिकारीलाई ज्ञापनपत्र बुुझाएका छन् ।
नागरिकता विधेयकबारे गृहमन्त्री खाणद्वारा माओवादी अध्यक्ष दाहालसँग छलफल
नेपाल सरकारले संघीय संसद्मा पेस गरेको ‘नेपाली नागरिकता ऐन, २०६३ लाई संशोधन गर्न बनेको विधेयक’ बारे गृहमन्त्री बालकृष्ण खाणले सत्तारुढ दल नेकपा माओवादी केन्द्रका अध्यक्ष पूर्वप्रधानमन्त्री पुष्पकमल दाहालसँग छलफल गर्नुभएको छ ।
वर्षौंदेखि नवीकरणबिनै क्रसर सञ्चालन
काभ्रेपलाञ्चोक जिल्लामा क्रसर उद्योगहरू वर्षौंदेखि नवीकरणबिना नै सञ्चालित छन् । ढुङ्गा, गिट्टी तथा बालुवा उत्खनन गर्दै आएका क्रसरका विषयमा सरकारी निकायले फरक–फरक निर्णय तथा परिपत्र गरेका कारण क्रसर उद्योगहरू नवीकरणबिना नै सञ्चालन हुँदासमेत कुनै निकायले सञ्चालनमा रोक लगाउन सकेका छैनन् । जिल्लामा सञ्चालन भएका ढुङ्गा, गिट्टी, बालुवा तथा खानीजन्य उद्योगहरू सङ्घीय र प्रदेश सरकार आफू मातहत हुनुपर्ने औद्योगिक
काभ्रेमा पाँचजनामा कोरोना सङ्क्रमण
काभ्रेमा पछिल्लो २४ घण्टामा पाँच जनामा कोरोना सङ्क्रमण पुष्टि भएको छ । नमोबुद्ध नगरपालिकामा गरिएको दुई पिसिआर र २४ एन्टिजेन परीक्षणमा चार महिलासहित पाँचमा सङ्क्रमण पुष्टि भएको जिल्ला स्वास्थ्य कार्यालय धुलिखेलले जनाएको छ । जिल्लामा साढे चार महिनापछि सङ्क्रमणको लहर देखिएको कार्यालयले जनाएको हो । “काभ्रेमा कोरोनाको लहर बढ्न सुरुआत गरेको अनुमान गर्न सकिन्छ” कार्यालयप्रमुख डा पुरुषोत्तम सेडाइँले भन्नुभयो । उहाँका अनुसार परीक्षणको दायरा क्रमशः बढाइँदै लगिनेछ । पाँच सङ्क्रमितको अवस्था सामान्यनै रहेको जनाइएको छ ।
दोलखाको सोक्लामा रक क्लाइम्बिङ खेल सुरु
दोलखाको भीमेश्वर नगरपालिका–२ को सोक्ला गाउँमा साहसिक पर्यटन प्रवद्र्धनका लागि ‘रक क्लाइम्बिङ एन्ड हाइकिङ’ रुट सुरु गरिएको छ ।
‘कृषि उत्पादनलाई बढावा दिने योजना छ’
चितवन राष्ट्रिय निकुञ्ज र सोमेश्वर पहाडले घेरिएको माडी नगरपालिकाले अलग्गै पहिचान बोकेको छ । चितवनको सातवटा पालिकामध्ये माडी विकास र जिल्लाको पहुँचका हिसाबले पछाडि पारिएको आवाज उठ्दै आएको छ । जिल्लाको दक्षिण भारतसँग सीमा जोडिएको माडी नगरपालिकामा निकुञ्जको बाटो भएर जानु पर्दछ । नगरप्रमुख तारा कुमारी काजी महतो कृषि कर्म गर्नेहरूको सङ्ख्या धेरै रहेकाले नगरपालिकाले कृषिलाई नै प्राथमिकता दिएर योजना अगाडि बढाएको बताउनुहुन्छ । यसअघि उपप्रमुख रहनुभएकी उहाँले गोरखापत्रसँग भन्नुभयो, “यहाँको भूमि उर्वर छ त्यसैले कृषि उत्पादनका कार्यक्रमलाई हामीले प्राथमिकता दिएका छौँ । परम्परावादीभन्दा माथि उठेर व्यावसायिक खेती गर्नका लागि कार्यक्रम ल्याएका छौँ ।”
यातायात कार्यालय जगातीबाट राधे राधे सर्ने भएपछि विरोध
गोरखापत्र अनलाइनभक्तपुर, असार २६ गते। भक्तपुरको जगातीबाट यातायात कार्यालय थिमिस्थित राधे राधे माइक्रोबस पार्कमा सर्ने भएपछि विरोध भएको छ।विगत पाँच वर्षसम्म जगातीमा सञ्चालनमा रहेको सवारी चालक अनुमति पत्र (लाइसेन्स) वितरणको कार्य भइरहेको कार्यालय सर्ने भएपछि यातायात व्यवसायीले विरोध गरेका हुन्। यातायात व्यवस्था कार्यालय जगातीमा आज स्थानीय व्यवसायी र लेखापढी व्यवसायी संघर्ष समितिले पत्रकार सम्मेलन गरेर नयाँ कार्यालय प्रमुख आउने बित्तिकै कार्यालय सार्ने बताएका छन्। सूर्यविनायक नगरपालिका–८ जगाती भक्तपुरमा २०७३ माघ २ गतेबाट सञ्चालनमा रहेको ‘यातायात व्यवस्था कार्यालय’ पाँच वर्षपछि राधे राधेस्थित माइक्रोबस पार्कमा रहेको भूकम्प अगाडि बनेको पुरानो घरमा सर्ने भएपछि व्यवसायीहरुले विरोध गरेका हुन्। सम्मेलनमा संघर्ष समितिका संयोजक लक्ष्मी कार्कीले सरकारी मापदण्डभित्रै रहेर पाँच वर्ष कार्यालय सञ्चालनमा रहेको अरनिको राजमार्गसँगैको घर छाडेर कार्यालयमा नयाँ प्रमुख नेत्र भट्टराई आए लगत्तै चलखेल गरेको आरोप लगाउनुभएको छ। मध्यपुरथिमिको राधे राधे (बाग्मती आयल स्टोर) पछाडि एक रोपनी जग्गामा ट्रलिबस कार्यालयको एक तले भवन र जग्गा हुँदा हुदै त्यो जग्गामा कार्यालय नसारी विधि र प्रक्रियासमेत पुरा नगरी कार्यालय सार्न लगेको उहाँको भनाइ छ। सम्मेलनमा व्यवासायी शिवनारायण ग्वाछाले सरकारको लाखौको लगानी रहेको ठाउँमा करोडौ लगानीको व्यवसायसमेत नोक्सानमा परेको भन्दै सेवाग्राहीलाई मर्कामा पर्ने गरी कार्यालय सार्नुले चलखेल भएको आरोप लगाउनुभयो।सूर्यविनायक नगरपालिका-८ गुण्डुमा यातायात कार्यालयको आफ्नै भवन बनाउने प्रक्रिया सरकारले नै अगाडि बढाएको बेला भवन निर्माण कार्य अगाडि नबढाएर कार्यालय सार्न खोज्नु रहस्य भएको बताइएको छ।
सडक ढलान लम्बिँदा कष्टकर यात्रा गर्दै चापागाउँवासी
ललितपुरको गोदावरी-१० की सुष्मा थापालाई दैनिकरुपमा छोरालाई विद्यालय जाने बससम्म लैजान र पुर्याउन तीन किलोमिटरसम्मको कष्टकर यात्रा पार गर्नुपर्छ।
राष्ट्रपति विद्यादेवी भण्डारीद्वारा तुलसी रोपण
राष्ट्रपति श्रीमती विद्यादेवी भण्डारीले हरिशयनी एकादशीको अवसरमा आइतबार राष्ट्रपति भवनको निजी निवास परिसरमा पूजा अर्चनासहित तुलसीको विरूवा रोप्नुभयो।
आफैँले काम गर्ने बसले किच्दा सहचालकको मृत्यु
चितवनको भरतपुरमा आफँैले काम गर्दै आएको बसले किच्दा एक सहचालकको मृत्यु भएको छ ।
धर्ममाथि गर्ने शासन अन्त्य भएको छ : प्रमुख दाहाल
भरतपुर महानगरपालिकाका प्रमुख रेनु दाहालले एक धर्मले अर्को धर्ममाथि गर्ने शासनको अन्त्य भएको बताउनुभएको छ । ईदुल अज्हा बकरइद २०७९ को अवसरमा आइतबार भरतपुर –१६ जामिया रौयद आबुल हसन आली नढबीले आयोजना गरको शुभकामना आदानप्रदान कार्यक्रममा मेयर दाहालले यस्तो बताउनुभयो ।
सगरमाथा साहित्य प्रतिष्ठानको अध्यक्षमा अजित चयन
सगरमाथा साहित्य प्रतिष्ठानको नयाँ अध्यक्षमा अजित उत्सव चयन भएका छन् । प्रतिष्ठानको हिजो सम्पन्न केन्द्रीय कार्यसमितिको भर्चुअल बैठकले अजित उत्सवलाई केन्द्रीय अध्यक्षका रुपमा चयन गरेको हो ।
लोडसेडिङको मारमा धादिङवासी
नेपाल विद्युत् प्राधिकरणले धादिङमा विद्युत् मर्मतका लागि भन्दै प्रत्येक शनिबार लोडसेडिङ गर्दै आएको छ । जिल्लामा बिजुली आउने र जाने समयमा कुनै भर नभएकाले स्थानीयले सास्ती खेप्दै आएका छन् । उता विद्युत्मा आश्रित व्यवसाय गर्न निकै कठिन भएको गुनासो व्यवसायीको छ । गर्मीको समयमा विद्युत्को अनियमितताले व्यवसाय चौपट भएको होटल व्यवसायी मुना गोतामे बताउनुहुन्छ । “निकै गर्मी छ, फ्रिज चलाउन नपाए पकाउने तयारीमा राखिएको सामान बिग्रिएर जान्छ,” गोतामे भन्नुभयो, विद्युत् प्राधिकरणको असावधानीले दैनिक घाटा बेहोर्नुपरेको छ ।
झोलुङ्गे पुल निर्माण सम्पन्न
दोलखाको शैलुङ गाउँपालिका र मेलुङ गाउँपालिका जोड्ने अँधेरी खोलामा करिब ४७ लाख रुपियाँको लगानीमा झोलुङ्गे पुल निर्माण सम्पन्न भएको छ । संङ्घीय सरकारको ३९ लाख ६७ हजार ९८६, गाउँपालिकाको छ लाख छ हजार ८६८ र जनश्रमदान ९३ हजार ३६४ गरी कुल ४६ लाख ६८ हजार २१८ रुपियाँ लगानीमा यो पुल निर्माण सम्पन्न भएको पालिकाका असिस्टेन्ट सबइन्जिनियर रामाकाजी कार्कीले जानकारी दिनुभयो ।
आचार्यद्वारा अध्यक्षमा उम्मेद्वारी घोषणा
नेपाल प्रेस युनियनका वरिष्ठ उपाध्यक्ष दीपक आचार्यले गृह जिल्ला चितवनमा पत्रकार सम्मेलन आयोजना गरी अध्यक्ष पदमा आफ्नो उम्मेदवारी घोषणा गर्नुभएको छ । युनियनको साउन ६ र ७ गते हेटौंडामा हुने नवौं महाधिवेशनमा केन्द्रीय अध्यक्ष लड्ने आज उम्मेदवारी घोषणा गर्नुभएको हो ।
सोल्टीमोडमा मोटरसाइकल दुर्घटना, एकको मृत्यु
काठमाडौं महानगरपालिका–१२ सोल्टीमोडमा प्रदेश३–०२–००७प ९१९४ नंको मोटरसाइकल अनियन्त्रित भई दुर्घटना हुँदा मकवानपुर चित्लाङका २७ वर्षीय बुद्ध गोलेको शनिबार मृत्यु भएको हो ।
कगं अजिमा तःगुठी भवन निर्माण हुने
काठमाडौंको कङ्केश्वरी (कंगः अजिमा)स्थित कगं अजिमा तःगुठी भवन निर्माण हुने भएको छ । शनिबार यहाँस्थित काठमाडौं महानगरपालिकाका निर्वतमान प्रमुख विद्यासुन्दर शाक्यले भवन निर्माण गर्नुपूर्व गरिएको क्षमा पुजामा भाग लिनुभयो ।
भजन कीर्तन सामग्री हस्तान्तरण
बागमती प्रदेशका सभामुख सानु श्रेष्ठले लोक संस्कृतिको संरक्षण र विकासमा बागमती प्रदेश सरकारले उच्च प्राथमिकताका साथ काम गरिरहेको बताउनु भएको छ ।
धेरै सदस्य भएका पाटन उच्च अदालत बारमा मतदान जारी
नेपालको ९० वटा बार इकाइमध्ये सबैभन्दा बढी सदस्य सङ्ख्या भएको पाटन उच्च अदालत बार एसोसिएनको २०औँ नयाँ कार्यसमितिका लागि शनिबार मतदान भइरहेको छ ।
हतपतको काम लतपत
हिउँदभरि चुपचाप बसेका निर्माण व्यवसायी र सरकारी कर्मचारी असार लागेपछि निकै व्यस्त छन् । असार मसान्तसम्म काम सक्ने र भुक्तानी लिन÷दिन चटारो निर्माण व्यवसायी र सरकारी कार्यालयलाई छ । त्यसैले हतार–हतार काम सक्न निर्माण व्यवसायी र सम्बन्धित कार्यालयका कर्मचारी लागेका छन् ।
प्रत्येक शनिबारको लोडसेडिङले धादिङबासीलाई सास्ती
विद्युत्त प्राधिकरण धादिङले हरेक शनिबारका लागि सूचना प्रकाशित गर्दै विद्युत्त मर्मतका लागि भन्दै लोडसेडिङ गर्ने गरेको छ । प्राधिकरणको हरेक शनिबारको लोडसेडिङको मारमा धादिङबासी पर्ने गरेका छन् ।
भूमिगत विद्युत् प्रसारणमा समस्या
दुईवटा सर्किट नहुँदा चितवनको माडी लैजाने भूमिगत विद्युत् प्रसारण लाइनमा सधैँ समस्या आउने गरेको छ । पाँच वर्षअगाडिदेखि भरतपुरबाट चितवन राष्ट्रिय निकुञ्जको बाटो हुँदै माडीमा भूमिगत तार ओछ्याएर लगिएको थियो । निकुञ्जभित्रको स्थानमा आउने समस्याका कारण माडीमा हरेक महिना केही दिन अन्धकार हुँदै आएको छ । यस वर्ष असार लागेदेखि नै समस्या आउँदा उपभोक्ता हैरानीमा परेका छन् । पश्चिमचितवनको चनौली विद्युत् वितरण केन्द्रका प्रमुख शिशिर लम्सालले भन्नुभयो, “यो प्रसारण क्षेत्रमा दुईवटा सर्किट नहुँदा धेरै समस्या आएको छ ।”
ललितपुर महानगरपालिका प्रमुख महर्जनलाई कोरोना संक्रमण
काठमाडौं, असार २४ गते। ललितपुर महानगरपालिका प्रमुख चिरीबाबु महर्जनलाई कोरोना संक्रमण भएको छ। ललितपुर महानगरका प्रवक्ता राजु महर्जनका अनुसार नगर प्रमुख महर्जनमा शुक्रबार कोरोना पुष्टि भएको हो। उहाँ अहिले घरमै स्वास्थ्य लाभ गरिरहनुभएको प्रवक्ता महर्जनले जानकारी दिनुभएको छ। महर्जनको स्वास्थ्य अवस्था सामान्य छ। ललितपुर महानगरपालिकाले विज्ञप्ति सार्वजनिक गर्दै उहाँको शीघ्र स्वास्थ्य लाभको कामना गरेको छ।
विद्युत प्राधिकरण परिसरमा ढुङ्गेधारा उत्खनन हुने
नेपाल विद्युत प्राधिकरण, केन्द्रीय कार्यालय परिसरमा पुरानो ढुङ्गेधारा उत्खनन गर्नुपर्ने माग सम्पदा अभियन्ताहरूले राखेका छन् ।
बागमती प्रदेशसभाको बैठक असार २९ गते
बागमती प्रदेशसभाको दशौँ अधिवेशनको बैठक यही असार २९ गते अपराह्न १ बजे बस्ने भएको छ ।
