बजेटमाथिको छलफलमा सांसदहरुको मिश्रित प्रतिक्रिया
राष्ट्रिय स्वतन्त्र पार्टीका सांसद अशोककुमार चौधरीले आगामी आर्थिक वर्षको बजेट यथार्थपरक नभएको टिप्पणी गर्नुभएको छ । प्रतिनिधिसभाको आजको बैठकमा आर्थिक वर्ष २०८१/०८२ को राजस्व र व्ययको वार्षिक अनुमानमाथिको छलफलमा भाग लिँदै उहाँले यस वर्षको बजेटले खेलकुद क्षेत्रको विकासमा ध्यान दिएको बताउनुभयो ।
गोरखाका स्थानीय तहलाई ४ अर्ब ६० करोड सङ्घीय अनुदान
गोरखा जिल्लामा भएका ११ वटा स्थानीय तहलाई ४ अर्ब ६० करोड रुपियाँ सङ्घीय सरकारले बजेट अनुदान पठाएको छ ।
निगुरोको माग बढेसँगै मोरङका स्थानीय व्यापारमा व्यस्त
तरकारीका रूपमा प्रयोग हुने निगुरोको माग बढेसँगै मोरङका सामुदायिक तथा साझेदारी वनमा यहाँका स्थानीय निगुरो टिप्न व्यस्त छन् ।
सुनको मूल्यमा झिनो गिरावट
स्थानीय बजारमा पहेँलो धातुको मूल्य तोलामा रु. एक हजारले ओरालो लागेको छ । नेपाल सुनचाँदी व्यवसायी महासङ्घका अनुसार छापावाला सुन आइतबार प्रतितोला रु एक लाख ४२ हजारमा कारोबार भएकामा आजका सोही परिमाणको सुनको मोल रु एक लाख ४१ हजार निर्धारण भएको छ ।
व्यावसायिक बाख्रापालनसम्बन्धी तालिम प्रदान
म्याग्दीको मङ्गला गाउँपालिकाले महिलालाई बाख्रापालनसम्बन्धी तालिम प्रदान गरेको छ । राष्ट्रपति महिला उत्थान सुधार कार्यक्रम अन्तर्गत एकल महिला, अपाङ्गता भएका महिला र विपन्न वर्गका महिलालाई लक्षित गरेर व्यावसायिक बाख्रापालनसम्बन्धी तालिम प्रदान गरिएको हो ।
-original-thumb.jpg)
अन्नपूर्ण आरोहणको ७४ वर्ष : आरोहण क्षेत्र नै ओझेलमा
आज जुन ३ अन्नपूर्ण हिमालमा पहिलो मानव पाइला टेकेको दिन । अन्नपूर्णको सफल आरोहणसँगै यसको संसारभर चर्चा भएको थियो । म्याग्दीको अन्नपूर्ण गाउँपालिका ४ नारच्याङमा अवस्थित आठ हजार ९१ मिटर अग्लो अन्नपूर्ण प्रथम हिमाल आरोहणको आज ७४ वर्ष पुरा भएको छ । मानव पाइला परेको जेठो हिमाल र पदमार्गमा आज औपचारिक कार्यक्रमहरुको आयोजना गरिएको छैन् ।
खाद्य स्वच्छता दिवसमा कार्यक्रम
‘खाद्य स्वच्छतामा लगानी बढाऔँ, अप्रत्याशित अवस्थाको पूर्वतयारी गरौँ’ भन्ने नाराका साथ विश्व खाद्य स्वच्छता दिवस, २०८१ सुुरु भएको छ । खाद्य प्रविधि तथा गुण नियन्त्रण विभागले शनिबारदेखि खाद्य स्वच्छता दिवसमा विगतकै जस्तै साताव्यापी कार्यक्रम सुरु गरेको हो ।
बाली उपचार शिविर सञ्चालनका लागि कार्यविधि
कृषि तथा पशुपन्छी विकास मन्त्रालयले बाली उपचार शिविर सञ्चालनका लागि नीतिगत व्यवस्था गरेको छ । कृषि मन्त्रालयले त्यसका लागि बाली उपचार शिविर कार्यक्रम सञ्चालन कार्यविधि २०८१ कार्यान्वयनमा ल्याएको छ । कृषकको बालीनालीमा लाग्ने रोग तथा शत्रुजीव व्यवस्थापनको सही पहिचान गरी फिल्डमै उपयुक्त प्रविधि सिफारिस गर्न शिविर सञ्चालनको व्यवस्था गरेको हो । बाली उत्पादनमा हुने क्षति न्यूनीकरण तथा उत्पादन लागत कम गराउने, बाली उपचार शिविरमा प्राप्त नमुनाहरू र त्यसको निदानको अभलेखीकरण गर्न शिविरको आवश्यकता परेको कृषि विभागका महानिर्देशक डा. हरिबहादुर केसीले बताउनुभयो ।
मेसिन खरिदमा उद्यमीलाई अनुदान
लघु, घरेलु तथा साना उद्यमीलाई मेसिन खरिद गर्न ५० देखि ९० प्रतिशत अनुदान दिने व्यवस्था गरेको छ । चालु आर्थिक वर्षको बजेटमार्फत घोषणा गरिएको सो कार्यक्रममा यस्तो व्यवस्था गरिएको हो । उद्योग वाणिज्य तथा आपूर्ति मन्त्रालयले तयार गरेको लुघ, घरेलु तथा साना उद्योग प्रवर्धन तथा प्रविधि हस्तान्तरण कार्यविधि २०८० हालै मन्त्रीपरिषद्मा पारित भई कार्यान्वयनमा आएको छ । लघु, घरेलु तथा साना उद्योग प्रवर्धन केन्द्रको वार्षिक बजेट तथा कार्यक्रममा उल्लिखित उद्यम प्रवर्धन, सिप विकास र प्रविधि सहयोग, प्रविधि हस्तान्तरण, बिउ पुँजीमा सहयोग तथा औद्यौगिक प्रदर्शनी कार्यक्रम सञ्चालन गर्ने उद्देश्यले मेसिन खरिदमा अनुदानको व्यवस्था गरिएको हो ।
कान्तिपुरका ९५२ बचतकर्ताको जाहेरी
कान्तिपुर सेभिङ एन्ड क्रेडिट कोअपरेटिभ लिमिटेडका पूर्वअध्यक्ष चन्द्रबहादुर लामा (सिबी लामा तामाङ) विरुद्ध एक अर्ब ५१ करोड रुपियाँ बचत रकम अपचलन गरेको अभियोगमा जाहेरी परेको छ । काठमाडौँ उपत्यका अपराध अनुसन्धान कार्यालयका प्रहरी वरिष्ठ उपरीक्षक (एसएसपी) सानुराम भट्टराईले पूर्वअध्यक्ष लामा पक्राउ पर्नुअघि ८५२ र पक्राउ परेपछि थप एक सय जनाको जाहेरी परेको बताउनुभएको हो ।
सहकारीको रकम हिनामिना प्रकरणमा सांसद बस्नेतसहित ३५ जनाविरुद्ध मुद्दा दर्ता
नवलपुर सदरमुकाम कावासोतीमा रहेको छिपछिपे उपभोक्ता सहकारी संस्था लिमिटेडमा भएको घोटलाका आरोपी विरुद्ध अदालतमा मुद्दा दायर भएको छ।
आगामी वर्षका लागि ठुला आयोजनामा बढ्यो बजेट
राष्ट्रिय गौरवको आयोजनाअन्तर्गत पर्ने महाकाली सिँचाइ आयोजना तेस्रो चरणको कामलाई तीव्रता दिन सरकारले आगामी आर्थिक वर्षका लागि बजेट वृद्धि गरी विनियोजन गरेको छ ।
नेप्से परिसूचक दोहोरो अङ्कले बढ्यो
यो सातामा कारोबारको पहिलो दिन आज नेपाल स्टक एक्सचेञ्ज (नेप्से) परिसूचकमा दोहोरो अङ्कले वृद्धि भएको छ ।
चुनौती सिर्जना र समाधान गर्ने अठोटका साथ बजेट आयो : पूर्व अर्थमन्त्री पौडेल
नेकपा (एमाले)का उपाध्यक्ष तथा पूर्व अर्थमन्त्री विष्णुप्रसाद पौडेलले अर्थमन्त्री वर्षमान पुनले चुनौती सिर्जना गर्ने र समाधान गर्ने अठोटका साथ बजेट ल्याउनुभएको बताउनुभएको छ।
एक महिनामा भित्रिए ९० हजार विदेशी पर्यटक
सन् २०२४ को मे महिनामा ९० हजार विदेशी पर्यटक भित्रिएका छन्। नेपाल पर्यटन बोर्डले आइतबार सार्वजनिक गरेको तथ्याङ्कअनुसार मे महिनामा जम्मा ९० हजार दुई सय ११ जना विदेशी पर्यटकले नेपाल भ्रमण गरेका हुन्।
स्रोत सङ्कुचनका बाबजुद वस्तुवादी बजेट आयो : अर्थमन्त्री पुन
अर्थमन्त्री वर्षमान पुनले आगामी आर्थिक वर्ष २०८१/८२ को बजेट ल्याउँदा स्रोत व्यवस्थापनमा ठूलो चुनौती देखिए पनि वस्तुवादी ढङ्गले बजेट आएको बताउनुभएको छ।
एक अर्ब ५१ करोड रुपियाँ ठगी गरेको आरोपमा एक पक्राउ
एक अर्ब ५१ करोड रुपियाँ ठगी गरेको आरोपमा चन्द्रबहादुर लामालाई नेपाल प्रहरीले पक्राउ गरेको छ।
गोरखापत्रसँग हाम्रो सम्बन्ध प्रगाढ छ : प्रमुख खनाल
राष्ट्रिय वाणिज्य बैङ्कका प्रमुख कार्यकारी अधिकृत देबेन्द्ररमण खनालले गोरखापत्र संस्थानसँग आफूहरूको सम्बन्ध विज्ञापनमा मात्र नभई विभिन्न आयाममा रहेको बताउनुभएको छ ।
युवामैत्री बजेट आएकोमा महासङ्घद्वारा स्वागत
नेपाल घरेलु तथा साना उद्योग महासङ्घले उद्यममा युवा सहभागिता बढाउन स्टार्टअप र नवप्रवर्तनका लागि इकोसिस्टम विकास गर्ने गरी ल्याएको आर्थिक बजेटको स्वागत गरेको छ । स्टार्टअप बोर्ड गठन गर्ने तथा प्रत्येक प्रदेशमा बिजनेस इन्कुवेसन सेन्टर स्थापना गर्ने कुरालाई आर्थिक बजेटले प्राथमिकतामा राखेको भन्दै महासङ्घले त्यसको स्वागत गरेको छ ।
बिउ उत्पादन तथा प्रविधिका बारेमा किसानलाई तालिम
नेपाल कृषि अनुसन्धान परिषद् (नार्क) ले तरकारी बालीको बिउ उत्पादन तथा वर्णशङ्कर प्रविधिसम्बन्धी किसानलाई तालिम दिइरहेको छ । नार्क अन्तर्गतको राष्ट्रिय बागवानी अनुसन्धान केन्द्रले किसानलाई अवासीय तालिम दिइरहेको छ । सात दिनसम्म चल्ने सो तालिम नार्कको खुमलटारस्थित राष्ट्रिय माटो विज्ञान अनुसन्धान केन्द्रको सभा हलमा दिइरहेको छ । जेठ १६ गतेदेखि सुरु भएको तालिमको उद्घाटन नार्कका कार्यकारी निर्देशक डा. सुरेन्द्रलाल श्रेष्ठले गर्नुभएको थियो ।
हायर पर्चेज कर्जाको विवरण पेस गर्नुपर्ने
हायर पर्चेज कर्जा दिने कम्पनी सम्पत्ति शुद्धीकरण निवारणविरुद्ध गतिविधिमा रहेको पाइएमा कारबाहीको दायरामा आउने भएका छन् । अबदेखि हायर पर्चेज कर्जा दिने कम्पनीले शङ्कास्पद कारोबार र सीमाभन्दा माथिको कारोबार वित्तीय जानकारी एकाइमा रिपोर्टिङ गर्नुपर्ने हुन्छ ।
भन्सार दरका कारण बढ्यो सुनको मूल्य
पछिल्लो एक साताको अवधिमा बजारमा सुनको मूल्य प्रतितोलामा पाँच हजार तीन सय रुपियाँले बढेको छ । सरकारले आगामी आर्थिक वर्षको बजेटमार्फत सुनमा लाग्दै आएको भन्सारदरमा वृद्धि गरेका कारण सुनको मूल्य बढ्न गएको हो । गत मङ्गलबार अर्थमन्त्री वर्षमान पुनले संसद्मा प्रस्तुत गर्नुभएको बजेटमार्फत भन्सारदरलाई १५ प्रतिशतबाट वृद्धि गरी २० प्रतिशत पु¥याएको छ । त्यसको असरले सुनको मूल्य यो साताभर निरन्तर बढ्दै गएको हो ।
पतिपत्नी नै मिलिजुली सहकारीका अध्यक्ष, सात अर्ब ८९ करोड हिनामिना
विद्यार्थी राजनीतिमा असफल भएपछि काभ्रेका चन्द्रबहादुर लामा (सिबी तामाङ लामा) २०५५ तिर सहकारी क्षेत्रतर्फ लोभिनुभयो । सहकारी खुल्ने र जनताबाट राम्रै बचत सङ्कलन हुने देखेपछि १५ वर्षअघि पशुपति सेभिङ एन्ड क्रेडिट को–अपरेटिभ लिमिटेड स्थापना गर्नुभयो । सुरुवाती दिनमा सिबीले खोलेको सहकारीको नेतृत्व पत्नी सन्ती लामाले गर्नुभयो ।
दुध उत्पादक किसानलाई शीघ्र भुक्तानीको व्यवस्था गरिनेछ : मन्त्री साह
कृषि, पशुपन्क्षी तथा सहकारी मन्त्री ज्वालाकुमारी साहले दुग्ध उत्पादक किसानलाई चाँडै भुक्तानीको व्यवस्था मिलाइने बताउनुभएको छ ।
बजेट इमानदारीपूर्वक कार्यान्वयन गर्ने मन्त्री भण्डारीको प्रतिबद्धता
उद्योग, वाणिज्य तथा आपूर्तिमन्त्री दामोदर भण्डारीले आगामी आर्थिक वर्षको नीति, कार्यक्रम तथा बजेट इमानदारीपूर्वक कार्यान्वयन गरिने प्रतिबद्धता व्यक्त गर्नुभएको छ ।
