गोरखापत्र
चट्याङ् लागेर गुल्मीमा एक महिलाको मृत्यु
मङ्गलबार राति चट्याङ् लागेर गुल्मीको मदाने गाउँपालिकामा एक महिलाको ज्यान गएको छ ।
नेविसङ्घसहित १५ विद्यार्थी सङ्गठनद्वारा आयल निगम घेराउ
नेपाल विद्यार्थी सङ्घसहित १५ विद्यार्थी सङ्गठनले बुधबार दुई घण्टा आयल निगम घेराउन गरेका छन् । पेट्रोलियम पदार्थमा भएको मूल्यवृद्धि फिर्ताको माग गर्दै संयुक्त विद्यार्थी सङ्गठनले निगममा घेराउन गरेका हुन् ।
बिक्री हुन छाडेपछि भैसीलाई खुवाउँदै भिण्डी
कृषकले उत्पादन गरेको भिण्डीले मूल्य र बजार नपाएपछि भैँसीलाई खुवाउन सुरु गरेका छन् । उत्पादन गरेको लागत र श्रमको मूल्य नपाएपछि कृषकले बजारमा बिक्री गर्नुको साटो पशु चौपायालाई खुवाउन सुरु गरेका हुन् ।
विना गणना थन्किए मतपेटिका, भारतमा पुगे मतदाता
शेरबहादुर सार्कीबाजुरा, जेष्ठ ११ गते । बाजुराको बूढीगङ्गा नगरपालिका अधिकांश वडाका मतदाताले सुरक्षित तरिकाले मतदान गरेको भए पनि मतगणना नहुँदा मतदाताहरु अन्येलमा परेका छन् ।निर्वाचन भएको १३ दिन बितिसक्दा सुरक्षित मतदान भएका वडाको नतिजा नआएपछि मतगणनाको विषयमा मतदाता अन्येलमा परेका हुन् ।निर्वाचन आयोगको २०७९ साल जेष्ठ ५ गतेको विज्ञप्तिमा बूढीगङ्गा नगरपालिकामा चुनाव गर्ने या मतगणना गर्ने विषयमा कुनै निर्णय नभएको उल्लेख छ ।बाजुराको हिमाली, जगनाथ, स्वामिकार्तिक, बूढीनन्दा, बडिमालिका, गोमुल, छेडेदह र त्रिवेणीलगायतका स्थानीय तहमा मतगणना सम्पन्न भैसकेको छ ।बूढीगङ्गा नगरपालिकाको २, ३, ४, ५ र ९ वडामा एकलौटी मतदान गरेको भन्ने विषयमा निर्वाचन आयोगमा उजुरी परेपछि मतगणना कार्य रोकिएको जिल्ला निर्वाचन कार्यालय, बाजुराले जनाएको छ ।निर्वाचन आयोगका सुगन सम्शेरजङ्ग राणाको नेतृत्वमा प्रमुख जिल्ला अधिकारी उपेन्द्रराज पौड्याल, मुख्य निर्वाचन कार्यालय, बाजुराका माधवप्रसाध घिमिरे, निर्वाचन कार्यालय प्रमुख नवराज अवस्थी, जिल्ला प्रहरी कार्यालय, बाजुराका प्रमुख चतुर्भज ओझालगायतको टोलीले बाजुराको बूढीगङ्गा नगरपालिकाका मतदानस्थलको प्रत्यक्ष अनुगमन गर्नु भएको थियो ।सो टोलीको अनुगमनपछि आयोगमा पठाइएको रिपोर्टको कुनै पनि आधिकारिक प्रतिक्रिया नआएको बताइएको छ । ‘‘भारतबाट मत हाल्नका लागि गाउँमा आयाैं मत हाल्यौँ, अब गणना हुन्छ भनेर एक दुई दिन रोकियौँ, बूढीगङ्गा नगरपालिका वडा नं १० स्थानीय रणबहादुर सार्कीले भन्नुभयो, “आफूले स्वविवेकमा मतदान गर्न पाउनुपर्ने नागरिकको नैसर्गिक अधिकार हो तर यहाँ नेता कार्यक्रताले बुढापाखाको हातबाट नै मतकार्ड खोसेर आफैँले प्रयोग गरेको देख्दा मतााधिकार हनन भएको जस्तो लाग्यो ।’’बाजुराका नौ वटा स्थानीय तहमध्ये ७ वटा स्थानीय तहमा शान्तिपूर्वक चुनाव सम्पन्न भएको थियो ।बाजुराको बूढिनन्दा र बूढीगङ्गा नगरपालिकामा मतदान गर्ने क्रममै धाँधली भएपछि त्यहाँको मतगणना रोकिएको थियो ।धाँधली भएपछि २, ३, ५, ९ मा नेकपा एमाले र ४, ७ मा नेपाली काँग्रेसका कार्यकर्ताले एकलौटी रुपमा मतदान गरेको स्थानीयवासीको आरोप छ ।बूढीगङ्गा नगरपालिका १० मा भने विवाद भए पनि एमाले र काँग्रेसका कार्यक्रताबीच सहमतिमा मतदान सुरु भएको थियो ।चुनाव सम्पन्न भएका बाजुराका ८ वटा स्थानीय तहमा हिमाली, स्वामिकार्तिक, त्रिवेणी, नेपाली काँग्रेस र जगनाथ, बूढीनन्दा, गौमुल छेडेदह , बडिमालिकामा नेकपा एमाले विजयी भएको निर्वाचन कार्यालय बाजुराका प्रमुख अवस्थीले बताउनुभयो ।सुरक्षा निकाय तथा निर्वाचन अधिकृतको कार्यालयले निर्वाचन आयोगमा पठाएको रिपाेर्टको पर्खाइमा रहेको मुख्य निर्वाचन अधिकृत माधवप्रसाद घिमिरे बताउनुहुन्छ ।
बसको ठक्करबाट एक युवकको मृत्यु
कपिलवस्तुमा बसको ठक्करबाट एक युवकको मृत्यु भएको छ । गोरुसिङ्गे बनगाई सडक खण्डअन्तर्गत खारखानी वन क्षेत्रमा बुधवार बिहान भएको दुर्घटनामा कपिलवस्तु नगरपालिका ९ जगदीशपुरका अशोक चौधरीको मृत्यु भएको हो ।
भ्रष्टाचार रोक्न जनलोकपालको विकल्प छैन : यादव
जनता समाजवादी पार्टी (जसपा) नेपालका केन्द्रीय अध्यक्ष उपेन्द्र यादवले देशमा लुटतन्त्र र भ्रष्टाचार नियन्त्रण गर्न जनलोकपाल आयोग गठन गर्नुपर्ने बताउनुभएको छ ।
टेक्सास नरसंहारमा १९ बालबालिकासहित २१ जनाको हत्या
टेक्सास, जेठ ११ गते । अमेरिकी इतिहासको अर्को त्रासदीपूर्ण विद्यालय गोलीकाण्ड भएको छ । यहाँको प्राथमिक विद्यालयमा आज बिहान भएको आक्रमणमा १९ जना बालबालिकासहित २१ जनाको हत्या भएको छ भने कैयौं गम्भीररुपमा घाइते भएका छन् । टेक्सास राज्यको सान एन्टोनियोबाट १३४ किलोमिटर टाढा रहेको उभाल्डे शहरको रोब प्राथमिक विद्यालयमा एकजना १८ वर्षीय बन्दुकधारी साल्भाडोर रामोस्ले कक्षा कोठामा प्रवेश गरी अन्धाधुन्ध गोली चलाउँदा उनीहरूको मृत्युृ भएको हो । प्रहरी कारबाहीमा रामोसको पनि मृत्यु भएको जनाइएको छ ।सीएनएनका अनुसार रामोसले सबैभन्दा पहिला आफ्नै हजुरआमालाई गोली हानेका थिए, गम्भीर घाइते हुनुभएका हजुरआमाको अस्पतालको सघन कक्षमा उपचार भैरहेको छ । यस्तै, गोलीकाण्ड हुनुअघि रामोसले सामाजिक सञ्जालमा अत्याधुनिक हतियार पोष्ट गरेका थिए । यो नरसंहार सन् २०१२ को डिसेम्बरमा कनेक्टिकटको स्यान्डी हुकमा भएको डरलाग्दो हमलापछि अमेरिकी प्राथमिक विद्यालयमा भएको सबैभन्दा घातक हमला हो । स्यान्डी हुक हमलामा २० बालबालिकासहित छ जना वयस्क मारिएका थिए ।यस्तै, सन् २०२२ मा मात्रै अमेरिकाका स्कुल, कलेज र विश्वविद्यालयमा गरी ३९ वटा गोलीकाण्डमा कम्तीमा दशजनाको ज्यान र ५१ जना घाइते भएका छन् ।यस घटनाको विषयमा अमेरिकी राष्टपति जो बाइडेनले राष्टिय शोक मनाउन आह्वान गर्नुभएको छ । उहाँले निजी हतियारबारे कठोर निर्णय लिनुपर्ने विषयमा पनि मन्तव्य दिनुभएको छ ।यस्तै, अमेरिकाकी उपराष्टपति कमला ह्यारिसले यस्ता गोलीकाण्ड पुनः नहोस् भनेर उपयुक्त नीति तर्जुमा गर्नेबेला आएको प्रतिक्रिया दिनुभएको छ । – उपेश महर्जन (सीएनएन, एपी, बिबिसी र अल जजिराको सहयोगमा)
अवैध सालको काठसहित दुईजना पक्राउ
जिल्ला प्रहरी कार्यालय पाल्पाले अवैध सालको काठसहित दुई जनालाई नियन्त्रणमा लिएको छ ।
पार्टीको अध्यक्ष पदबाट रवीन्द्र मिश्रद्वारा राजीनामा
विवेकशील साझा पार्टीका अध्यक्ष रवीन्द्र मिश्रले पार्टीको अध्यक्ष पदबाट राजीनामा दिनुभएको छ ।
गाउँमै रोजगारीको सिर्जना र उत्पादन बढाउछौं : अध्यक्ष लामा
लिसंखुपाखर गाउँपालिकाका अध्यक्ष राजु लामाले लिसंखुपाखर गाउँपालिकाबाट गाउँमै रोजगारी सिर्जना गर्ने र उत्पादनमुखी काम गर्ने बताउनुभएको छ ।
कोहलपुर इलाका प्रहरी कार्यालयमा थुनुवा मृत अवस्थामा भेटिए
सिराज खान नेपालगञ्ज, जेठ ११ गते । बाँकेको कोहलपुरस्थित इलाका प्रहरी कार्यालयको हिरासतमा रहेका एक थुनुवा बुधवार बिहान शौचालयमा झुण्डिएर मृत्यु भएको अवस्थामा फेला परेका छन् ।इलाका प्रहरी कार्यालय कोहलपुरका अनुसार जबरजस्ती करणी उद्योगमा हिरासतमा रहेका कोहलपुर– १२ का ४६ वर्षीय कृष्णलाल कुँवर हिरासतको शाैचालयमा झुण्डिएर मृत अवस्थामा बुधवार बिहान फेला परेका हुन् । इलाका प्रहरी कार्यालय कोहलपुरका प्रमुख डीएसपी ऐनबहादुर मल्लले बुधबार बिहान करिब ५ बजे कुँवर हिरासतको शौचालयमा झुण्डिएको अवस्थामा फेला परेको जानकारी दिनुभयो । उहाँले हिरासत कक्षबाट बिहानै शौचालय गएका कुँवर शौचालयको भ्यान्टिलेटरमा टिसर्टको पासो घाँटीमा लगाएर मृत्यु भएको अवस्थामा भेटिएको बताउनुभयो । डीएसपी मल्लका अनुसार मृतक कुँवरलाई प्रहरीले गत वैशाख १९ गते ७ वर्षे नाबालिकालाई जबरजस्ती करणीको प्रयास गरेको जबरजस्ती करणी उद्योगको अभियोगमा नियन्त्रणमा लिएर म्याद थप गरेर आवश्यक अनुसन्धान गरिरहेको थियो ।प्रहरीले स्थानीय र आफन्तको रोहबरमा आवश्यक मुचुल्का तयार गरी मृतकको शव पोष्टमार्टमको लागि भेरी अस्पताल पठाइएको मल्लले जानकारी दिनुभयो । एक हप्ता अघि पनि नरैनापुर गाउँपालिकाको इलाका प्रहरी कार्यालय भगवानपुरमा पनि प्रहरी नियन्त्रणमा रहेका जबरजस्ती करणीको अभियोग लागेका ३५ वर्षीय रामपाल यादवको प्रहरी हिरासतमै उपचारको क्रममा मृत्यु भएको थियो ।यादवको मृत्यु सहज नभई यातनाबाट भएको भन्दै उहाँका आफन्त र परिवारले आन्दोलन गरेका थिए । पछिल्लो समयमा आएर देशका विभिन्न ठाउँमा प्रहरी हिरासतमा मृत्यु हुनेको सङ्ख्या बढ्दै गएको छ ।
मकैबालीमा फौजी कीराको प्रकोप, किसान चिन्तित
पाल्पाका किसानले लगाएको मकै बालीमा फौजी कीराले क्षति पु-याएको छ । जिल्लाको रामपुर, गेझा, कसेनी माडी क्षेत्रका किसानले लगाएको मकै बालीमा फौजी किराको प्रकोप बढेको हो ।
-original-thumb.jpg)
रुकुम पूर्वका सबै पालिकामा कार्यपालिकाले पूर्णता पायो
तीन वटा गाउँपालिका रहेको रुकुम पूर्वमा सबै गाउँपालिकामा कार्यपालिकाले पूर्णता पाएको छ । जिल्लाको सिस्ने गाउँपालिकामा १६, भूमे गाउँपालिकामा १७ र पुथा उत्तरगंगा गाउँपालिकामा २२ सदस्यीय कार्यपालिका बनेको हो ।
-original-thumb.jpg)
मुख्यमन्त्री पोखरेल र भारतीय कार्यवाहक राजदूतबीच भेट
गण्डकी प्रदेशका मुख्यमन्त्री कृष्णचन्द्र नेपाली पोखरेलसँग नेपालका लागि कार्यवाहक भारतीय राजदूत नाम्गे सी खम्पाले मङ्गलबार मुख्यमन्त्री कार्यालयमा भेट गर्नुभएको छ ।
पाठ्यपुस्तकको पर्खाइमा विद्यार्थी
बाजुराका अधिकांश विद्यालय सञ्चालनमा आएपनि विद्यार्थी भने पाठ्यपुस्तकको पर्खाइमै बसेका छन् । नयाँ शैक्षिक सत्र सुरु भएसँगै बाजुराका विद्यालय सञ्चानमा आएका भएपनि समयमै किताब नआइपुगेकोले विद्यार्थीहरु पर्खाइमा बसेका हुन् ।
