गोरखापत्र अनलाइन
समसामयिक सुरक्षा चुनौतीबारे रिपोर्टिङ र अन्तरक्रिया जारी
उपप्रधान एवम् गृहमन्त्री नारायणकाजी श्रेष्ठले मधेश प्रदेशको समसामयिक सुरक्षा चुनौतीबारे आठौं जिल्लाका प्रमुख जिल्ला अधिकारीहरू र सबै सुरक्षा निकायका प्रदेश र जिल्ला प्रमुखहरूसँग रिपोर्टिङ लिइरहनुभएको छ ।
पूर्वाधार निर्माणलाई प्राथमिकता दिन अध्यक्ष तिमिल्सिनाको सुझाव
जिल्ला समन्वय समिति रसुवाद्वारा आयोजित जिल्लास्तरीय वार्षिक समीक्षा कार्यक्रमको मङ्गलबार धुञ्चेमा उद्घाटन गर्दै अध्यक्ष तिमल्सिनाले पवित्र तीर्थ गोसाइँकुण्डको स्नान तथा प्रकृतिक रूपको अनुपम छटा अवलोकनका लागि उच्च भागमा पुग्ने धार्मिक यात्रुलाई सुविधायुक्त पूर्वाधार निर्माण गराउन अत्यावश्यक भएको बताउनुभयो ।
सामाजिक सद्भाव खलबलिने काममा नलाग्न अध्यक्ष नेपालको अपिल
समाजवादी प्रेस सङ्गठन मधेस प्रदेशले आज जनकपुरमा आयोजना गरेको पत्रकार सम्मेलनमा अध्यक्ष नेपालले अशान्ति मच्चाउने मनसायले देशका विभिन्न भू–भागमा सामाजिक सद्भाव प्रतिकूलका क्रियाकलाप भइरहेकाप्रति चिन्ता व्यक्त गर्दै त्यस्ता संविधानविरोधी काममा नलाग्न सबैलाई आग्रह गर्नुभयो ।
हेटौँडाबाट काठमाडौँ जोड्ने सडकखण्ड अवरुद्ध
पहिराका कारण हेटौँडाबाट काठमाडौँ जोड्ने कान्तिलोकपथ सडकखण्डअन्तर्गत ललितपुर जिल्लाको भट्टेडाँडास्थित पहिरो जाँदा आज बिहानैदेखि यातायात अवरुद्ध भएको जिल्ला प्रहरी कार्यालय मकवानपुरका प्रहरी नायब उपरीक्षक लक्ष्मी भण्डारीले जानकारी दिनुभयो ।
‘क्युब्स इन स्पेस नासो’ कार्यक्रम हुने
विद्यालय तहका विद्यार्थीका लागि ‘क्युब्स इन स्पेस नासो २०२३’ कार्यक्रम हुने भएको छ । नेपालमा विज्ञान, प्रविधि तथा नवप्रवर्तनलाई प्रवर्द्धन गर्ने उद्देश्यसहित नेपाल एस्ट्रोनोमिक सोसाइटी (नासो) ले उक्त कार्यक्रम आयोजना गर्न लागेको हो । नासोका अनुसार नेपाली विद्यार्थीका लागि अन्तर्राष्ट्रियस्तरको थप अवसर सृजना गर्ने क्रममा अमेरिकी संस्था आइडुडलइडु इङ्कसँग सहकार्य सो कार्यक्रम गर्न लागिएको हो ।
जनताले नीति होइन विकासमात्रै सोध्छन् : सांसद तामाङ
जनताको सङ्घर्षको बलमा प्राप्त संविधानसभाबाट सङ्घीय लोकतान्त्रिक गणतान्त्रिक संविधान जारी भएको पनि आठ वर्ष पुगिसकेको छ । तर संविधान कार्यान्वयनमा आवश्यक पर्ने कानुन निर्माणमा ढिलाइ हुँदा गणतन्त्र, सङ्घीयता, धर्मनिरपेक्षता, समावेशी समानुपातिक प्रतिनिधित्वलगायत राजनीतिक उपलब्धि संस्थागत हुन सकिरहेका छैनन् ।
पुस्तक बिक्रीबाट उठेको रकम असहायका लागि प्रदान गरिने
वोस्टनलाई कर्मथलो बनाएर साहित्य सिर्जना गर्दै आउनुभएका लेखक तथा साहित्यकार शिवप्रकाशले असहाय तथा बालबालिकाका लागि रु. दुई लाख सहयोग गर्नुहुने भएको छ ।
आजदेखि चट्याङसम्बन्धी अन्तर्राष्ट्रिय सम्मेलन
नेपालमा आजदेखि चट्याङ र यसको रोकथामका विषयमा तीनदिने अन्तर्राष्ट्रिय सम्मेलन सुरु हुँदैछ । ललितपुरमा हुने उक्त सम्मेलनमा नेपाललगायत विभिन्न देशका विज्ञसहित झण्डै एक सय जनाको सहभागिता रहने छ ।
पर्यटकको रोजाइमा हात्ती प्रजनन केन्द्र
चितवन राष्ट्रिय निकुञ्जको खोरसोरमा रहेको हात्ती प्रजनन तथा तालिम केन्द्र पर्यटक आकर्षणका साथै निकुञ्जको संरक्षणमा महìवपूर्ण भूमिका निर्वाह गर्न सफल भएको छ । सुरुमा निकुञ्ज सफारीका लागि प्रयोग गरिँदै आएका हात्ती यति बेला चोरी सिकार नियन्त्रणका लागि जङ्गल गस्तीमा मात्र प्रयोग हुन थालेका छन् । हिजोआज पर्यटक हात्ती चढेर जङ्गल सफारी गर्न नभई हात्ती प्रजनन केन्द्रमा हात्ती र हात्तीका छावा हेर्न आउने गरेका छन् । खोरसोर नै पर्यटकका लागि आकर्षक गन्तव्य बनेको छ ।
ग्रामीण बस्ती यातायात सेवासँग जोडिँदै
रुपन्देही जिल्ला नेपालको सुगम जिल्लामध्येमा पर्दछ । यही सुगम जिल्लाका अधिकांश ग्रामीण बस्तीमा भने अहिले पनि यातायातको सुविधा पुगेको छैन । जिल्लाको विकट गाउँबस्तीसम्म सडक यातायात सेवा पुर्याउन यातायात व्यवसायी र स्थानीय जनप्रतिनिधि सक्रिय भएका छन् । यातायातको सुविधा नहुँदा बुटवल र भैरहवा जस्ता ठुला सहरसम्म पुग्न घण्टौँ हिँड्नुपर्ने बाध्यता छ । यातायात व्यवसायीले सुविधा दिन बुटवल र भैरहवादेखि विभिन्न गाउँसम्म बस सेवा पुर्याएका छन् । बुटवल यातायात प्रालिले बुटवलको गोलपार्क, जोगीकुटी, मगरघाट, रानीगन्ज, मोतीपुर, रानीबारी, दोगाना, मोहनगन्ज, अमुवा, मिलनचोक हुँदै पुनः गोलपार्कसम्म यातायात सेवा सुरु गरेको हो ।
सरकारले भुक्तानी नदिँदा बसपार्क निर्माण ढिलाइ
पर्वतको कुस्मा नगरपालिका–६, बान्द्रेविढी चौरमा निर्माणाधीन कुस्मा बसपार्कको काम निर्माणमा ढिलाइ भइरहेको छ। बजेट अभावकै कारण तोकिएको समयभित्र निर्माण गर्न कठिनाइ भएको निर्माण कम्पनीले बताएको छ। निर्माण कम्पनीले आयोजनाबाट समयमा रकम पाउन नसकेपछि निर्माण सम्झौताको म्याद थपिने भएको छ। असोज १५ भित्र सम्पन्न गरिसक्नुपर्ने भनी निर्माण कम्पनीले एक वर्षअघि सात करोड १५ लाख लागतको बसपार्क निर्माणको सम्झौता गरेको थियो।
‘लम्पी स्किन’ विरुद्ध खोप अभियान
चौपायामा फैलिएको ‘लम्पी स्किन’ रोग नियन्त्रणका लागि बर्दीबास नगरपालिकाले खोप अभियान सुरु गरेको छ । प्रकोप बनेको ‘लम्पी स्किन’ रोकथाम गरी किसानलाई राहत दिन स्रोतसाधनको कमी हुन नदिने नगरप्रमुख प्रह्लाद क्षेत्रीले बताउनुभयो । खोप अभियान सञ्चालन गर्न नगरपालिकाको विपत् व्यवस्थापन कोषबाट पशु शाखालाई १० लाख रुपियाँ निकासा दिएको नगरपालिकाका प्रमुख प्रशासकीय अधिकृत किरणनिधि तिवारीले बताउनुभयो । उहाँका अनुसार
बाढीले अस्थायी पुल र सडकमा क्षति
लगातारको वर्षापछि मेलम्ची नगरपालिकाको मेलम्ची खोलामा आएको बाढीले अस्थायी पुलमा क्षति पुर्याएको छ । बाढीले केही दिनअघि मात्र मेलम्ची नगरपालिका–११ फट्टेमा बनाइएको अस्थायी पुलमा क्षति पुर्याएको हो ।
तमोरमा पुल बनेपछि सहज
फक्ताङ्लुङ गाउँपालिकास्थित तमोर नदीमा पक्की मोटरेबल पुल बनेपछि यातायात सहज भएको छ । गाउँपालिकाको वडा नम्बर २ खेजेनिम र वडा नम्बर ३ लिङ्खिमको सिँवा जोड्ने गरी तमोर नदीमा पक्की पुल निर्माण भएपछि यातायात सेवा सहज भएको हो ।
वनमा सालको लफडा
पूर्वी नवलपरासीको देवचुली नगरपालिका–४ स्थित अमरज्योति सामुदायिक वन क्षेत्रभित्र सालका काठ कटान तीव्र पारिएपछि स्थानीय उपभोक्ता आन्दोलित भएका छन्। स्थानीय भरतबहादुर कार्कीका अनुसार जिल्ला वन डिभिजनल कार्यालयको कटान आदेश, छपान आदेश कुनै पनि कार्य नगरी सामुदायिक वनका अध्यक्षको मिलेमतोमा अमरज्योति सामुदायिक वन क्षेत्रभित्र साल कटान भएको छ जथाभाबी सालका रुख कटान हुन थालेपछि स्थानीय सामुदायिक वन उपभोक्ता सामूहिक रूपमा सामुदायिक वनका अध्यक्षलगायतलाई कारबाहीको माग गर्दै जिल्ला वन डिभिजनल कार्यालय पुगेका छन्। तथापि वन कार्यालयले कुनै चासो नदिएको स्थानीयवासीको गुनासो छ।
