गोरखापत्र अनलाइन
सवा करोड लगानीमा मह प्रशोधन उद्योग सञ्चालन
झापाको शिवसताक्षी नगरपालिकाका मौरीपालक महिलाको पहलमा झापामा पहिलो पटक मह प्रशोधन उद्योग स्थापना भएको छ । सतासी महिला मौरीपालन सहकारी संस्था, सहारा नेपाल र होक्से कृषि सहकारी संस्थाको एक करोड २५ लाख रुपियाँ लगानीमा सहारा सतासी महिला मौरी मह उद्योग सञ्चालनमा आएको हो ।
वडास्तरबाटै मतदाता नामावली अद्यावधिक गरिँदै
निर्वाचन आयोगको बागमती प्रदेश कार्यालय हेटौँडाले मकवानपुरमा मतदाता नामावली अद्यावधिक गर्ने भएको छ। मतदाता नामावलीमा हुने त्रुटि न्यूनीकरण गर्न प्रदेश निर्वाचन कार्यालयले यस जिल्लामा वडास्तरमै पुगेर नामावली अद्यावधिक गर्ने भएको हो। आयोगको प्रदेश कार्यालयका प्रमुख लुम्बनाथ पोखरेलले जिल्लाका सबै वडाबाट मतदाता नामावलीमा दाबीविरोधसहित अद्यावधिक गर्ने कार्य यही फागुन २२ बाट आगामी चैत १ सम्म सञ्चालन गर्ने योजना रहेको जनाउनुभयो।
सुरु भएन अस्पताल निर्माण : दुई वर्षअघि शिलान्यास
धादिङको बेनीघाट रोराङ गाउँपालिका–५ स्थित बेनीघाट स्वास्थ्य चौकीको नयाँ भवन शिलान्यास भएको दुई वर्ष बितिसक्दा पनि भवन निर्माणले गति लिन सकेको छैन। शिलान्यास भएको दुई वर्षमा न अस्पताल निर्माणको कार्य सुरु भयो न त शिलान्यास गरेको ठाउँको पहिचान नै।
चार वर्षमा बाइस प्रतिशत काम
धनकुटा र पाँचथर जोड्ने भेडेटार–रवी–राँके राजमार्गको २२ प्रतिशत मात्र काम सम्पन्न भएको छ। काम सुरु भएको ४८ महिनामा २२ प्रतिशत मात्र काम सम्पन्न भएको हो। पहाडी जिल्ला धनकुटा, पाँचथर, इलाम र सुनसरी, मोरङलाई जोड्न निर्माणाधीन उक्त एक सय किलोमिटर लामो राजमार्ग गत वर्षको माघसम्ममा हस्तान्तरण गर्नुपर्ने थियो तर आयोजनाको चार पटक म्याद थप्दा २२ प्रतिशत मात्र काम सम्पन्न भएको हो।
सहरी क्षेत्रमा जङ्गली जनावरको त्रास
झापामा घना बस्ती तथा सहर बजार क्षेत्रमा समेत वन्यजन्तुको त्रास बढेको छ। दमक र बिर्तामोडमा जङ्गली जनावरको त्रास बढेको पाइएको हो। कतै भारतबाट आउने जङ्गली हात्ती, कतै बँदेल र कतै स्यालको आङ्तक बढेको छ। दमकको दक्षिणी क्षेत्र वडा नं. १० मा पछिल्लो समयमा बँदेलको आतङ्कले सास्ती भएको स्थानीय नगेन्द्रमणि न्यौपानेले बताउनुभएको छ। उहाँका अनुसार बँदेलले लगाएको बालीनाली नष्ट गर्ने गरेको छ। रातको समयमा बँदेल आएर अन्नबाली नष्ट गर्ने गरेको छ, न्यौपानेले भन्नुभयो।
वैदेशिक रोजगारीसम्बन्धी विज्ञापन वेबसाइटमा राख्नुपर्ने
वैदेशिक रोजगार व्यवसायी (म्यानपावर) कम्पनीले वैदेशिक रोजगारीसम्बन्धी विज्ञापन दैनिक पत्रिकामा प्रकाशन गरेपछि आफ्नो वेबसाइटमा पनि अनिवार्य राख्नुपर्ने व्यवस्था गरिएको छ ।
पत्रकारितामा महिला सहभागिता बढ्दै
सभामुख देवराज घिमिरेले राजनीति, पत्रकारितालगायत हरेक क्षेत्रमा महिलाको सहभागिता र सक्रियता बढिरहेको बताउनुभएको छ । प्रेस काउन्सिल नेपालले अन्तर्राष्ट्रिय महिला दिवसको सन्दर्भमा शुक्रबार आयोजना गरेको ‘मिडियामा महिलाका सवाल’ गोष्ठीमा उहाँले हरेक क्षेत्रमा बढ्दो महिला सहभागिताको प्रचार कम भएको विचार व्यक्त गर्नुभयो ।
‘पाँच वर्ष एकैठाउँमा उभिन्छौँ’
नेपाली कांग्रेसका महामन्त्री गगनकुमार थापाले राष्ट्रपति निर्वाचनका सन्दर्भमा आठ दलबीच भएको समझदारी कार्यान्वयन हुने प्रस्ट पार्नुभएको छ । राष्ट्रपति निर्वाचनको सन्दर्भमा काठमाडौँमा शुक्रबार आयोजित अभिमुखीकरण कार्यक्रमलाई सम्बोधन गर्दै उहाँले पार्टीलाई जुनसुकै क्षति भए पनि पाँच वर्षका लागि भएको समझदारी कार्यान्वयन गरेरै छाड्ने उद्घोष गर्नुभएको हो ।
युवालाई आत्मनिर्भर बन्न आग्रह
प्रधानमन्त्री पुष्पकमल दाहाल ‘प्रचण्ड’ले युवा आत्मनिर्भर र स्वावलम्बी भए आर्थिक समृद्धि हासिल गर्न सकिने बताउनुभएको छ। राष्ट्रिय युवा परिषद् आठौँ वर्ष प्रवेशको अवसरमा शुक्रबार शुभकामना सन्देश दिनुहुँदै उहाँले युवालाई उद्यमशील र स्वरोजगार बनाउन जोड दिनुभएको हो।
तार व्यवस्थित गरिँदै
स्मार्ट सहर बनाउने अभियानमा लागेको ललितपुर महानगरपालिका क्षेत्रका ऐतिहासिक सम्पदा क्षेत्रवरपर टाँगिएका टेलिफोन, केबल र इन्टरनेटका अस्तव्यस्ततालाई व्यवस्थित गर्न थालिएको छ । महानगरपालिका इन्टरनेट सर्भिस प्रोभाइडर एसोसिएसनसँग छलफल गरी १० दिनभित्र सम्पदा क्षेत्रवरपर टाँगिएका तार व्यवस्थापन गर्न मङ्गलबार निर्देशन दिइएपछि बुधबारदेखि तार व्यवस्थापन थालिएको हो । इन्टरनेट प्रदायकले पुल्चोकको अशोक स्तम्भअगाडि टाँगिएका तारलाई व्यवस्थापन थालेको हो । महानगरपालिकाले दिएको समयसीमाभित्र तारहरू व्यवस्थापन नगरिएमा महानगरपालिकाले नै तार काट्न सुरु गर्ने महानगरपालिकाका प्रमुख चिरीबाबु महर्जनले बताउनुभयो ।
राष्ट्रिय जनगणनाको पूर्ण विवरण छिट्टै
राष्ट्रिय तथ्याङ्क कार्यालयले राष्ट्रपति निर्वाचनलगत्तै राष्ट्रिय जनगणना २०७८ को पूर्ण विवरण सार्वजनिक गर्ने तयारी गरेको छ । निर्वाचन आयोगले २०६८ सालकै जनगणनाका आधारमा राष्ट्रपति निर्वाचन गर्न लागेको र निर्वाचनपश्चात् पूर्ण विवरण सार्वजनिक गरिने राष्ट्रिय तथ्याङ्क कार्यालयले जनाएको छ ।
चौबीस घण्टा पनि टिकेन कालोपत्रे
बाँकेमा निर्माण भइरहेको हुलाकी सडकमा असफाल्ट प्रविधिबाट सुरु गरिएको कालोपत्रे चौबीस घण्टा नबित्दै भत्किएपछि अख्तियार दुरुपयोग अनुसन्धान आयोगले छानबिन सुरु गरेको छ। कुल ६८ करोड सात लाख ६६ हजार रुपियाँमा निर्माण थालिएको जिल्लाको राप्तीसोनारी–३, नारायणपुर चोकदेखि वडा नम्बर ६, कुण्डा चोकसम्मको २१ किलोमिटर हुलाकी राजमार्ग कालोपत्रे गरेको २४ घण्टा नबित्दै भत्किएको हो। कालोपत्रे सुरु गरेको भोलिपल्टै पक्की राजमार्ग भत्किएपछि स्थानीय बासिन्दाले सोको विरोध गर्दै निर्माण कम्पनी र सरकारी पक्षलाई सचेत गराएका थिए।
विशेषज्ञ चिकित्सक दस हजार
वार्षिक दुई हजार चिकित्सक (डाक्टर) उत्पादन हुने नेपालमा विशेषज्ञता हासिल गरेका चिकित्सकको सङ्ख्या भने बल्ल १० हजार पुगेको छ। नेपाल मेडिकल काउन्सिलमा हालसम्म १० हजार ८० जना विशेषज्ञ चिकित्सक दर्ता भएका छन्। काउन्सिलमा दर्ता भएका कुल चिकित्सकको सङ्ख्या भने ३२ हजार २१८ पुगेको छ।
शिक्षा र स्वास्थ्य क्षेत्रमा ठूलो लगानी भएकाे छ : कार्यवहाक अध्यक्ष डा. फुँयाल
राष्ट्रिय योजना आयोगका कार्यवहाक अध्यक्ष डा. रामकुमार फुँयालले नेपालको अर्थतन्त्रलाई रुपान्तरण गर्ने गरी अगाडि बढेको बताउनुभयो ।
लोकतान्त्रिक थारु संघको अध्यक्षमा लालमणि चौधरी
नेपाल लोकतान्त्रिक थारु संघको तेस्रो सम्मेलनले लालमणि चौधरी (चितवन) को अध्यक्षतामा १५० सदस्यीय नयाँ कार्य समिति चयन गरेको छ । रुपन्देहीको सैनामैनामा बिहीबार भएको सम्मेलनले सर्वसम्मत रुपमा नयाँ कार्य समिति चयन गरेको हो ।
