गोरखापत्र अनलाइन
चितुवाको आक्रमणबाट महिला घाईते, चितुवा नियन्त्रणमा
कैलालीमा घाईते चितुवाको आक्रमणबाट एक महिला घाईते हुनुभएको छ । जिल्लाको घोडाघोडी नगरपालिका–८ स्थित लठुवा सामुदायिक वनमा सोमबार विहान घाँस काट्न गएका स्थानीय विस्नादेवी बोहरालाई चितुवाले आक्रमण गरी घाइते बनाएको थियो ।
'छक्कापञ्जा ४' निर्देशन गर्दै हेमराज बीसी
काठमाडौं, जेठ २३ गते । ‘छक्का पन्जा’ टिमको आगामी फिल्मलाई हेमराज विसीले निर्देशन गर्ने भएका छन् । निर्माता एवं अभिनेता दीपकराज गिरी र निर्देशक बीसीले मिलेर पटकथा लेखिरहेका छन् । ‘निर्देशकको रुपमा हेमराज बीसी आउने भएको हो । यसअघिका तीन वटा सिक्वेललाई दीपाश्री निरौलाले निर्देशन गर्नुभएको हो ।‘छक्कापञ्जा’को चौथो सिक्वेलमा दीपाश्री निरौला अभिनेत्रीको रुपमै देखिने भएको छ । सन् २०१३ मा ‘होस्टेल’ निर्देशनसँगै नेपाली फिल्ममा करिअर थालेका बीसीले सम्बोधन, गाजलु, द ब्रेकअप, ग्याङस्टर ब्लुज र घामड शेरे निर्देशन गर्नुभएको हो ।
असार १ गतेदेखि मतदाता नामावली संकलन शुरु : आयोग
निर्वाचन आयोगले आगामी १ गतेदेखि मतदाता नामावली संकलन तथा अद्यावधिक कार्य शुरु गर्नेभएको छ । आयोगका प्रवक्ता तथा सहसचिव शालिग्राम शर्मा पौडेलकाअनुसार आगामी प्रतिनिधिसभा र प्रदेशसभा सदस्य निर्वाचनका लागि सो अद्यावधिक गर्न लागिएको हो ।
दयाराम दाहालको दुई वर्षे कार्यकाल सम्पन्न
२०७७ साल जेठ २७ गतेबाट चलचित्र विकास बोर्डमा अध्यक्षको पद सम्हाल्नुभएका दयाराम दाहालले आफ्नो दुई वर्षे कार्यकाल टुङ्ग्याउनुभएको छ । यसबीचमा दाहालले उपलब्धिमुलक कार्यक्रमको सुरुवात गरेको जानकारी दिनुभयो । आफ्नो कामको सूची बनाउँदै दुई वर्षे कार्यकाललाई कोभिड १९ महामारीले असर गरेको भएपनि विषम परिस्थितिमा नेपाली चलचित्रलाई दीर्घकालीन हित गर्ने कार्यक्रमको थालनी गरेको समेत उहाँले दावी गर्नुभयो ।
एसियन गेम्स : महिला फुटबलको तयारी मंगलबारदेखि
राष्ट्रिय खेलकुद परिषद (राखेप) ले चीनमा हुने एसियन गेम्सक लागि नेपाली महिला फुटबल टोलीको बन्द प्रशिक्षण मंगलबारदेखि सुरु गर्ने भएको छ । राखेपले सोमबार प्रशिक्षणका लागि ४० जना खेलाडी बोलाएको छ ।
युरोप द्वन्द्वले मुलुकको सुरक्षामा चुनौति बढ्यो : प्रधानसेनापति शर्मा
नेपाली सेनाका प्रधानसेनापति प्रभुराम शर्माले युरोपका केही देशबीच जारी द्वन्द्वका कारण मुलुकको सुरक्षामा चुनौति बढेको बताउनुभएको छ । युक्रेन—रसियाबीचको जारी द्वन्द्वतर्फ सङ्केत गर्दै सेनापति शर्माले दुई देशबीचको द्वन्द्वका कारण विश्वको अर्थतन्त्र तथा मुलुकको सुरक्षामा चुनौति बढेको बताउनुभयो ।
सडक र अभिभावकविहीन बालबालिकाको जिम्मा सरकारले लिनुपर्ने : सांसद सङ्ग्रौला
सांसद डिला सङ्ग्रौलाले महिला मन्त्रालयका शीर्षकमा भाग लिँदै सडक तथा अभिभावकविहीन बालबालिकाको उचित व्यवस्थापनको जिम्मा सरकारले लिनुपर्ने बताउनुभयो । उहाँले बजेट सान्दर्भिक रहे पनि कार्यान्वयन कस्तो हुने हेर्न बाँकी रहेको बताउनुभयो ।
मुस्ताङ जिल्ला समन्वय समितिको प्रमुखमा एमाले निर्विरोध
जिल्ला समन्वय समिति मुस्ताङको प्रमुख र उपप्रमुखमा नेकपा (एमाले) का उम्मेदवारहरु निर्विरोध चयन हुनुभएको छ । सोमबार भएको मनोनयन दर्ताको समयअवधिसम्म एमालेबाट प्रमुख मुक्ति क्षेत्र गाउँपालिका १ झारकोटकी माया गुरुङ र उपप्रमुखमा घरपझोङ गाउँपालिका ३ स्याङका आइतेलाल थकालीको मात्र मनोनयन दर्ता भएको मुख्य निर्वाचन अधिकृतको कार्यालयले जनाएको छ ।
नेपालको विकासमा डेनमार्कको सहयोग रहने विश्वास
प्रतिनिधिसभाका सभामुख अग्निप्रसाद सापकोटा र नेपाल भ्रमणमा रहेको डेनिस प्रतिनिधिमण्डलबीच शिष्टाचार भेट भएको छ ।
म्याराथन धावक श्रेष्ठ गृहजिल्लामा सम्मानित
गुल्मीका अन्तर्राष्ट्रिय म्याराथन धावक नारायण श्रेष्ठ गृहजिल्लामा सम्मानित हुनुभएको छ । जिल्लाको धुर्कोट गाउँपालिका–३, हाडहाडे निवासी ३० बर्षीय श्रेष्ठले भारतीय सेनाको लाहुरे भन्दा म्याराथनमा प्रगति गर्नुभएको छ ।
संसदीय समितिद्वारा फुङफुङ्गे झरना अवलोकन
प्रदेश १ को उद्योग, पर्यटन तथा वातावरण समितिले ताप्लेजुङस्थित फुङफुङ्गे झरनाको अवलोकन गरेको छ । प्रदेशसभा सदस्य तथा समिति सभापति सीता थेबे नेतृत्वको टोलीले झरना भ्रमण र अवलोकन गरेको हो ।
नेपाली कला क्षेत्रलाई विश्वसामु चिनाउनुपर्ने खाँचो
राष्ट्रपति विद्यादेवी भण्डारीले नेपाल सङ्गीत तथा नाट्य प्रज्ञा प्रतिष्ठानले हाम्रो मौलिक कलाको खोज र अनुसन्धान गर्ने दायित्व पाएको बताउनुभएको छ ।
राजनीति होइन, महानगरको विकास हेर्छु : प्रमुख दाहाल
भरतपुर महानगरपालिका प्रमुख रेनु दाहालले राजनीतिभन्दा माथि उठेर महानगरको विकासमा आफ्नो ध्यान केन्द्रीत गर्ने बताउनुभएको छ । पाँच दलीय गठबन्धन पक्षधर चितवनका पेशाकर्मीले सोमबार आयोजना गरेको वधाइ कार्यक्रममा उहाँले सो कुरा बताउनुभयो ।
नाडाललाई कीर्तिमानी फ्रेन्च ओपन उपाधि
फ्रेन्च ओपन टेनिसको उपाधि स्पेनिस स्टार राफेल नाडालले जित्नुभएको छ । विश्व वरीयताको पाँचौं स्थानमा रहनुभएका नाडालले फाइनलमा आठौं वरियताका नर्वेका खेलाडी कास्पेर रुडलाई ३–० को सोझो सेटमा हराउनुभयो ।
२४ घण्टामा सातजना सङ्क्रमित थपिए
स्वास्थ्य तथा जनसङ्ख्या मन्त्रालयका अनुसार एक हजार ९९० जनाको पीसीआर परीक्षण गर्दा सातजनामा सङ्क्रमण पुष्टि भएको हो ।
