गृहमन्त्री बालकृष्ण खाणको पहलमा संघीय संसद्मा विचाराधिन नेपाल नागरिकता ऐन २०६३ संशोधनबारे सरोकारवाला निकायबीच छलफल भएको छ।
प्रधानमन्त्री शेरबहादुर देउवा र सभामुख अग्निप्रसाद सापकोटाबीच आज प्रधानमन्त्रीको सरकारी निवास बालुवाटारमा भेटवार्ता भएको छ ।
अमेरिका भ्रमणमा रहेको नेपाली राष्ट्रिय क्रिकेट टोलीका ओपनरद्वय आसिफ शेख र कुशल भुर्तेल अभ्यास खेलका क्रममा घाइते हुनुभएको छ । नेपाल क्रिकेट संघ (क्यान) ले आसिफ र कुशल घाइते भएकोले नेपालका अभ्यास गरिरहनुभएका सुवास खकुरेललाई अमेरिका पठाउने तयारी गरिएको जनाएको छ ।
राष्ट्रपति विद्यादेवी भण्डारीले विश्व वातावरण दिवस (५ जुन) २०२२ को अवसरमा आज दिउँसो राष्ट्रपति भवन परिसरमा विभिन्न जातका फलफूलको विरुवा रोप्नुभएको छ ।
नेपाल भलिबल संघले आफ्नो निर्वाचन प्रक्रिया असार १० गतेबाट सुरु गर्ने भएको छ । संघको पोखरामा शनिबार अबेर सम्पन्न कार्यसमितिकै पूर्ण बैठकले असार १० गतेसम्म जिल्ला र प्रदेशको निर्वाचन सम्पन्न गर्ने निर्णय गरेको हो ।
रासस/एएफपी) बङ्गलादेशको दक्षिणपूर्वी सहर चट्गाउँको सीताकुण्ड भन्ने स्थानमा रहेको एउटा ढुवानी कन्टेनर डिपोमा शनिबार भएको आगलागीमा परेर ज्यान गुमाउनेको सङ्ख्या ३८ पुगेको छ ।
काठमाडौं, जेठ २२ गते। पछिल्लो २४ घण्टामा थप नौ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार १५ सय ७९ जनाको पीसीआर परीक्षण गर्दा नौ जनामा संक्रमण पुष्टि भएको हो। त्यसैगरी एक हजार ५५ जनाको एन्टीजेन परीक्षण गर्दा तीन जनामा संक्रमण पुष्टि भएको छ। अहिले देशभर ११० जना सक्रिय संक्रमित रहेका छन् भने २४ घण्टामा नौ जना डिस्चार्ज भएका छन्।
ओखलढुङ्गाको श्रीचउरमा भिरबाट लडेर एक महिलाको ज्यान गएको छ । आईतबार मोलुङ गाउँपालिका –६ श्रीचौरकी ५५ बर्षिय दुधमाया कटुवालको भिरबाट लडेर ज्यान गएको हो ।
रेखीराम रानापाल्पा, जेठ २२ गते। पाल्पाका १० स्थानीय तहलाई आगामी आर्थिक वर्ष २०७९/०८० का लागि चार अर्ब आठ करोड २१ लाख बजेट विनियोजन भएको छ। गएको जेठ १५ गते अर्थमन्त्री जनार्दन शर्माले प्रस्तुत गर्नुभएको बजेटमा पाल्पाका दश पालिकालाई चार अर्ब आठ करोड २१ लाख बजेट छुट्टयाइएको हो।विनियोजित रकममध्ये समानीकरण अनुदानमा एक अर्ब १४ करोड ८३ लाख, सशर्त अनुदानतर्फ दुई अर्ब ७७ करोड १३ लाख, समपूरक अनुदान ११ करोड २० लाख र विशेष अनुदान पाँच करोड पाँच लाख रकम रहेको छ। दुई नगरपालिका र आठ गाउँपालिका रहेको जिल्लाका स्थानीय तहलाई अघिल्लो वर्षभन्दा यो वर्ष २६ करोड ४६ लाख बढी रकम विनियोजन गरिएको छ। जिल्ला सदरमुकाम तानसेनलाई समानीकरण अनुदानमा १७ करोड ६१ लाख, शसर्त अनुदानमा ४५ करोड ४२ लाख, समपूरक अनुदान तीन करोड र विशेष अनुदानमा ५० लाख गरेर जम्मा ६६ करोड ५३ लाख विनियोजन गरिएको छ। यस्तै रामपुर नगरपालिकालाई जम्मा ४९ करोड ८१ लाख विनियोजन भएको छ। सोमध्ये समानीकरण अनुदानमा १३ करोड ३७ लाख, सशर्त अनुदान अन्तर्गत ३४ करोड २४ लाख, समपूरक अनुदानमा एक करोड ७० लाख र विशेष अनुदानमा ५० लाख रकम रहेको छ।रैनादेवी छहरा गाउँपालिकालाई समानीकरण अनुदानमा ११ करोड ५५ लाख, सशर्त अनुदान अन्तर्गत ३२ करोड १० लाख, विशेष अनुदान एक करोड २० लाख र समपूरक अनुदान ८० लाख गरेर ४५ करोड ६५ लाख विनियोजन भएको छ। रिब्दीकोट गाउँपालिकाका लागि समानीकरण अनुदानमा नौ करोड ८० लाख, सशर्त अनुदान अन्तर्गत २४ करोड ९४ लाख र समपूरक अनुदानमा ७० लाख गरी ३५ करोड ४४ लाख बजेट विनियोजन गरिएको अर्थ मन्त्रालयले जनाएको छ। माथागढी गाउँपालिकामा विनियोजित कूल ३८ करोड ६३ लाख रकम विनियोजन गरेकोमध्ये समानीकरण अनुदानमा ११ करोड ३३ लाख, सशर्त अनुदानमा २६ करोड ३० लाख र समपूरक अनुदानमा एक करोड रहेको छ। रम्भा गाउँपालिकालाई ३४ करोड २५ लाख विनियोजन गरिएको छ। रम्भाको समानीकरण अनुदानमा १० करोड ३१ लाख, सशर्त अनुदान अन्तर्गत २३ करोड चार लाख र समपूरक अनुदानमा ९० लाख बजेट विनियोजन गरिएको छ।तिनाउ गाउँपालिकाका लागि ३० करोड ५४ लाख रकममध्ये समानीकरण अनुदानमा नौ करोड ६२ लाख, सशर्त अनुदान अन्तर्गत २० करोड ४७ लाख र विशेष अनुदानमा ४५ लाख रकम विनियोजन गरिएको छ। बगनासकाली गाउँपालिकाका लागि ३४ करोड ७३ लाख विनियोजन भएको रकममध्ये समानीकरण अनुदानमा १० करोड ७० लाख, सशर्त अनुदान अन्तर्गत २२ करोड ९३ लाख, समपूरक ७० लाख र विशेष अनुदान ४० लाख रहेको छ। पूर्वखोला गाउँपालिकालाई विनियोजित ३२ करोड ८८ लाख रकममध्ये समानीकरण अनुदानमा नौ करोड ९५ लाख, सशर्त अनुदान अन्तर्गत २० करोड ९३ लाख, समपूरक अनुदान ७० लाख र विशेष अनुदानमा एक करोड ३० लाख रहेको छ।निस्दी गाउँपालिकामा समानीकरण अनुदानमा १० करोड ५९ लाख, सशर्त अनुदान अन्तर्गत २६ करोड ७६ लाख, समपुरक अनुदानमा एक करोड ३० लाख र विशेष अनुदानमा एक करोड १० लाख गरी ३९ करोड ७५ लाख विनियोजन भएको छ।
सदरमुकाम बेनीस्थित पुरानो कोतघरको पुननिर्माण गरिएको छ । संरक्षणको अभावमा जिर्ण अवस्थामा रहेको कोतघरको पुनरनिर्माण गरिएपछि चिटिक्क बनेको हो ।
आईसीसी विश्वकप लिग–२ अन्तर्गत जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न अमेरिकामा रहेको नेपाली राष्ट्रिय क्रिकेट टोली दोस्रो अभ्यास खेलमा विजयी भएको छ ।
सुदूरपश्चिम प्रदेशको आर्थिक वर्ष २०७९/८० को नीति तथा कार्यक्रम प्रदेश सभामा प्रस्तुत हुँदै।
लमजुङको मस्र्याङदी गाउँपालिकाले पाँच बर्षे अवधीमा एक हजार ३ सय ६ घरधुरीमा खानेपानीको सुविधा पुगेको जनाएको छ । गाउँपालिकाले आर्थिक बर्ष २०७४/७५ सालदेखि हालसम्म ३४ वटा योजना निर्माण गरी सो घरधुरीलाई खानेपानीको व्यवस्था गरेको हो ।
सुदूरपश्चिम प्रदेशका उद्योग, पर्यटन, वन तथा वातावरणमन्त्री मानबहादुर धामीले वन तथा बातावरण बचाउन स्थानीय बासिन्दा जागरुक हुनुपर्ने बताउनुभएको छ । विश्व वातावरण दिवसको अवसरमा गोदावरी नगरपालिका –२ अत्तरियामा रहेको शान्ति पार्कमा आयोजित वृक्षारोपण कार्यक्रममा मन्त्री धामीले सो कुरा बताउनुभयो ।
प्रदेश सरकारले खानेपानी, सडक र स्थानीय सरकारले बिजुली पु¥याएपछि दुर्गम गाउँको मुहार फेरिएको छ । सुदूरपश्चिम प्रदेश सरकारले खानेपानी, सडक र स्थानीय सरकारले बिजुली बिस्तार गर्दा बैतडीको सिगास गाउँपालिका –३, गाउँको मुहार फेरिएको हो ।