जोर्डन, माघ २३ गते । जोर्डनका राजा अब्दुल्लाह द्वितीय र संयुक्त अरब इमिरेट्स (युएई) का राष्ट्रपति शेख मोहम्मद बिन जायद अल नाह्यानले गाजापट्टीमा युद्धविराम गर्न आग्रह गर्नुभएको छ ।
अम्मानमा भएको भेटमा राजा अब्दुल्लाह र युएईका राष्ट्रपतिले नागरिकहरूको सुरक्षाका लागि प्रयासहरू तीव्र पार्ने र स्ट्रिपका मानिसहरूलाई मानवीय सहायताको निरन्तर र पर्याप्त वितरण सुनिश्चित गर्ने महत्त्वमा जोड दिनुभयो ।
नेताहरूले गाजामा द्वन्द्व जारी राख्ने, विनाशकारी मानवीय अवस्थालाई बढाउँदै जाने असरहरू विरुद्ध चेतावनी दिए । दुवै पक्षले प्यालेस्टाइनी जनताको वैधानिक अधिकार प्राप्त गर्नका लागि आफ्नो पूर्ण समर्थनको नवीकरण गर्दै, यस क्षेत्रमा सुरक्षा र स्थायित्व पुनःस्थापना गर्ने एक मात्र उपाय प्यालेस्टिनी मुद्दाको व्यापक र न्यायोचित समाधानमा पुग्न राजनीतिक प्रक्रिया सुरु गर्नु रहेको बताए ।
राजा अब्दुल्लाले प्यालेस्टिनी शरणार्थीहरूका लागि संयुक्त राष्ट्रसङ्घको राहत र कार्य एजेन्सीलाई गाजाको दुःखद मानवीय अवस्थालाई ध्यानमा राख्दै संयुक्त राष्ट्रले अत्यावश्यक मानवीय सेवाहरू प्रदान गर्न सक्षम बनाउन अन्तर्राष्ट्रिय समुदायको निरन्तर सहयोगको आग्रह गर्नुभयो । भेटमा द्विपक्षीय सम्बन्ध र सबै क्षेत्रमा सहयोग विस्तार गर्ने अवसर पनि समेटिएको थियो । सिन्ह्वा/न्यूज एजेन्सी नेपाल
