बेरुत (लेबनान), वैशाख ३१ गते । दक्षिणी लेबनानका विभिन्न क्षेत्रमा भएको इजरायली हवाई आक्रमणमा परी दस जनाको मृत्यु हुनुका साथै २७ जना घाइते भएको लेबनानको जनस्वास्थ्य मन्त्रालयले घोषणा गरेको छ ।
नबातीह जिल्लाको अरबसालिम सहरमा भएको इजरायली आक्रमणमा तीन जना बालबालिका र दुई जना महिलासहित छ जनाको मृत्यु भएको र अन्य १२ जना घाइते भएको मन्त्रालयले जनाएको छ । हारुफ सहरमा भएको अर्को आक्रमणमा एक जना बच्चाको मृत्यु भएको र पाँच जना घाइते भएको पनि मन्त्रालयले जनाएको छ ।
रौमाइन सहरमा इजरायली भएको आक्रमणमा दुई जना बालकसहित तीन जनाको मृत्यु भएको र एक जना घाइते भएको जनाइएको छ । दक्षिणी लेबनानको जिब्किन सहरमा भएको अर्को इजरायली आक्रमणमा चार जना महिलासहित नौ जना घाइते भएको उल्लेख गरिएको छ ।
गत मार्च–२ देखि लेबनानमा जारी इजरायली आक्रमणबाट ज्यान गुमाउनेको सङ्ख्या दुई हजार ८९६ पुगेको र आठ हजार ८२४ जना घाइते भएको लेबनानको स्वास्थ्य मन्त्रालयले घोषणा गरेको छ । इजरायली सेनाले गत अप्रिलमा सुरु भएको युद्ध विरामको उल्लङ्घन गर्दै दक्षिणी लेबनानमा आक्रमण जारी राखेको छ । रासस/क्युएनए
-square-thumb.jpg)
-original-thumb.jpg)
