सचिन पोख्रेल
इटहरी, कात्तिक ५ गते । इटहरीमा आइतबार अपरान्ह मोटरसाइकल दुर्घटना हुँदा एक जनाको मृत्यु भएको छ । इटहरी उपमहानगरपालिका १३ खनारस्थित गणेश मन्दिरनजिकै विराटनगरबाट इटहरीतर्फ आउँदैगरेको को २९ प २४२ नम्बरको मोटरसाइकल अनियन्त्रित भएर दुर्घटना हुँदा इटहरी १ बस्ने ३६ वर्षीय इकार गौतमको मृत्यु भएको इलाका प्रहरी कार्यालय इटहरीले जनाएको छ ।
दुर्घटनामा गम्भीर घाइते भएका उहाँको उपचारको क्रममा कोसी अस्पताल विराटनगरमा मृत्यु भएको प्रहरीले जनाएको छ । तीव्र गतिका कारण मोटरसाइकल दुर्घटना भएको हुन सक्ने प्रहरीको प्रारम्भिक अनुसन्धान रहेको छ ।
