ट्याक्टर दुर्घटनामा एकको मृत्यु

शेरबहादुर सार्की 

बाजुरा, कात्तिक ५ गते । बाजुरामा ट्याक्टर दुर्घटना हुँदा एक जनाको मृत्यु भएको छ । मृत्यु हुनेमा बडीमालिका नगरपालिका –६ जडाङ्गाका अन्दाजी ३७ वर्षीय बहादुर दानी रहनुभएको छ ।

प्रहरीका अनुसार साँफे मार्तडी राजमार्गमा पर्ने जडाङ्गा नजिकै शनिबार दिउँसो ट्याक्टर दुर्घटना हुँदा दानीको मृत्यु भएको जिल्ला प्रहरी कार्यालय बाजुराले जनाएको छ ।

एम के कन्ट्रक्सनको कम्पनीमा कार्यरत कर्मचारी दानीले चलाएको सु.प्र ०१ ००२ त ६८२६ नम्बरको ट्याक्टर अनियन्त्रित भई सडकबाट २० मिटर तल खसेको थियो । सोही दुर्घटनामा उहाँको मृत्यु भएको जिल्ला प्रहरी कार्यालय बाजुराका प्रहरी नायब उपरीक्षक कविन्द्रसिं बोहराले बताउनुभयो ।

ट्याक्टर चालक दानीले मदिरा सेवन गरेकाले ट्याक्टर अनियन्त्रित भई दुर्घटना भएको प्रहरीको भनाइ छ ।