एमाले बागमती प्रदेश निर्वाचन : बिहीबार बिहान मतदान हुने

गोरखापत्र अनलाइन

काठमाडौं, असोज १० गते । नेकपा (एमाले) बागमती प्रदेशको काठमाडौँमा जारी अधिवेशनको निर्वाचन कार्यतालिका सार्वजनिक भएको छ । अध्यक्ष मण्डलका सदस्य शेरबहादुर तामाङले बुधबार दिउँसो ३ बजेदेखि मनोनयन फारम वितरण भएको जानकारी दिनुभयो ।

उहाँका अनुसार आज ४ देखि ६ बजे साँझसम्म उम्मेदवारको मनोनयन दर्ता हुने कार्यतालिका रहेको छ । आज साँझ ७ बजे मनोनयन प्रारम्भिक नामावली प्रकाशन हुनेछ र उम्मेदवारको अन्तिम नामावली प्रकाशन आज बेलुका ८ बजे हुने उहाँले जानकारी दिनुभयो । उहाँले भोलि बिहीबार बिहानदेखि मतदान कार्य सुरु गर्ने कार्यतालिका रहेको बताउनुभयो । नेतृत्वमा सर्वसहमतिको प्रयास पनि जारी रहेको उहाँले बताउनुभयो ।