फूल रोपेथेँ गमलामा बुट्टा कसले भर्यो होला
पुतलीका पखेटामा बुट्टा कसले भर्यो होला ।
मान्छेलाई सजावटकै साधन ठान्यो होला सायद
पहिले सिलाएर जामा बुट्टा कसले भर्यो होला ।
एउटा कथा छँदै थियो कृष्ण भगवान् बनाउने
अर्को थपेर सुदामा बुट्टा कसले भर्यो होला ।
यो गोधुकली यो देउराली सबै रङ्गहीन लाग्छन्
टुटी जाने सपनामा बुट्टा कसले भर्यो होला ।
विश्वास दिएर जानेको पनि भरोसा नहुने रै’छ
मान्छेका सफेद कुरामा बुट्टा कसले भर्यो होला ।
